سعيد صحي بدري قاعد علي السرير بيفكر سرحان في اخر كام حاجة حصلت معاه
و خصوصا اللي حصل معاه هو و ياسمين
اتصل ب محمد و اطمن عليه هو و ندي و قفل
فكر شوية في صاحبه.. اللي ضحي و سافر مع ندي و اتجوزها مع انه اكتر واحد عارف و متأكد ان ندي دي اخته و بس صعب عليه محمد و في نفس الوقت ندي بردو صعبانه عليه
بس هو متأكد انهم لما يخلصوا ده كله و ندي ترجع بالسلامة هيطلقوا و كل واحد هيرجع ل حياته
بس اللي شغل باله يا ترا هيفضلوا صحاب و اخوات زي زمان؟ ولا هيبعدوا!!
قطع تفكيره موبايله اللي رن لقاها ياسمين
سعيد:صباح الخير
ياسمين:صباح النور، صحيتك؟
سعيد:لا لا كنت صاحي كدة كدة عندي شغل
ياسمين:امم كنت بتعمل اي
سعيد:ابدا بفكر في كام حاجة كدة
ياسمين:اكيد اكيد بتفكر فيا
سعيد:اي الهبل ده؟ اكيد لا 😂
ياسمين:يعجبني فيك صراحتك يا سعيد😂😂
ضحكواسوا
سعيد:اوكي عشان مكنش كداب اه كنت بفكر فيكي
ياسمين:هييح مبحبش اتكلم عن نفسي
سعيد:لا متتغريش اوي كدة و كنت بفكر في حاجات تانية كمان 😂👊
ياسمين:غور يا سعيد انت عيل فصيل بجد 😂
سعيد:ههه، المهم هتعملي اي النهاردة
ياسمين:هفطر و اروح الكلية مفروض اسلم ال project اللي عملناه سوا
سعيد:خلصتي كتابته طب كويس
ياسمين:اه سهرت عليه امبارح و قلت اسلمه بقي، و انت هتعمل ايه
سعيد:مفروض عندنا شغل النهاردة هخلص و هبقي فاضي بقيت اليوم تقريبا اي رأيك نتقابل بعد ما تخلصي الكلية؟
ياسمين:خلاص تمام هخلص و اكلمك
سعيد:تمام
قفل معاها و قام يستحمي..
بس للاسف افكاره الكتير دي رجعت قعد يفكر في اصحابه
بس مش ندي و محمد لا المرة دي احمد و روان اللي بتستغله و هو اهبل مش حاسس...
هو مش عارف يبطل يفكر في الحاجات دي خايف عليهم وخايف من الحب خايف يحصله زيهم مع ياسمين
استحمي و خلص و نزل للشباب...
__________________________
مع طلوع شعاع الشمس.. فتحت عينيها تقريبا كدة منمتش غير ثلاث ساعات.. او اقل.. هي مش عارفة اصلا نامت ازاي اكيد من كتر الارهاق
أنت تقرأ
NeVeR Give Up
Fanficالحب.. في اللي بيحب و بيفضل جمب حبيبته مهما كانت الظروف... و في اللي اتجوز صالونات و حبها مع العشره.. و في اللي بيحسب نفسو بيحب بس بيطلع بيضحك عليه.... و في بقي اللي بيقولوا عليه مقطع السمكة و ديلها و ده في الغالب بيختار غلط... و في اللي مقدرش ي...
