كله كان في البيت و قاعدين سوا قرروا انهم يقعدوا انهاردة في البيت سوا علشان محمد خلاص مسافر
كاظم كان قاعد علي الكنبه مضايق و مش مركز معاهم خالص كل شويه يمسك الموبايل و يسيبه
محمد قاعد جمبه: ايه يا بني عامل زي اللي مستني ورقه طلاقه كدة ليه ؟!
احمد: تلاقي محل القهوة قفل بجد المرة دي 😂
كاظم: يوووه هو انا معرفش أقعد شوية من غير ما تحفلوا عليا !!!
سعيد: بس يا جدعان بجد مالك يا كاظم في ايه ؟؟
كاظم: نور مبتردش من ساعة ما قلتلها اني بحبها و هي بتتهرب مني و مبتتصلش و لما بروحلها تحت البيت البواب بيقولي انها مش موجودة
محمد: طيب ما يمكن بتفكر
احمد: بظبط اديها وقتها تفكر براحتها و هي لما تاخد القرار هي اللي هتكلمك
كاظم: خايف تسيبني انا بجد بحبها
عادل: دة انتَ المرة دي واقع بجد
كاظم: علشان المرة دي بجد مش هبل زي كل مرة
سارة: انا كمان من رأيهم استني شويه عليها و متخفش باين عليها معجبة بيك اصلا
كاظم: انتِ هتفتي انتِ كمان اصلا مشفتيهاش غير مرة و انا و هي مكناش بنطيق بعض
سارة: الحق عليا يا معفن اني بطمنك خليك كدة زبله
كاظم: ايه يا عدول ما تلم البطيخه بتاعتك ولا علشان حامل بقي هتسيبها تبهدلني
سارة: انا بطيخه يا عود القصب انتَ يا رفيع يا مسلوع
كاظم: بس خليكي مسلوعه كدة زيي لما تولدي ولا هتعرفي و هتدبهدلي في الدايت
عادل خدها في حضنه: محدش ليه دعوة بالبطيخ بتاعتي
كاظم: ابقي خلي عدوله ينفعك ساعتها 👅
محمد: طيب يا جماعة انا نازل
عادل: رايح فين ؟؟😉
محمد: رايح افسح ندي
كاظم: صحيح هي كل دة نايمه !! دة انتوا لو خلفتوا هتجيبوا باندا 🐼 هيعيش علي اﻻكل و النوم الواد هيبقي ابوه و امه نعسانين 24 ساعه 😂
محمد: مين اللي خلاه يفرفش يا جدعان مهو كان قاعد لوحده و ساكت و ربنا هاديه
كاظم: طلقني لو مش عجبك طلقني 😂
محمد: بس يلا
حدف عليه مخدة الكنبه و طلع لندي ﻻقاها قاعدة علي الموبايل
محمد: صباح الخير انا كنت فاكرك لسه نايمه
ندي: صباح النور لا انا منمتش اصلا طول الليل و انا قلقانه و بعدين اه صح انتَ نمت فين امبارح ؟؟
أنت تقرأ
NeVeR Give Up
Fiksi Penggemarالحب.. في اللي بيحب و بيفضل جمب حبيبته مهما كانت الظروف... و في اللي اتجوز صالونات و حبها مع العشره.. و في اللي بيحسب نفسو بيحب بس بيطلع بيضحك عليه.... و في بقي اللي بيقولوا عليه مقطع السمكة و ديلها و ده في الغالب بيختار غلط... و في اللي مقدرش ي...
