Twin Of The Dark Prophecy

Chapter 1

Are you ready to know the untold prophecy??

Then now let's open Book 3 of
Dark Series..

~Chapter 1~

Dark Empire (Parua Abellon)

Freya POV

Isang ngiti ang sumilay sa aking mga labi ng biglang may sumulpot na isang pulang rosas sa aking harapan

"Wala ka na bang gawain mahal kong hari?" - nakangiting tanong ko pagkakuha ko sa rosas na hawak niya

Mula sa aking likuran ay umupo siya sa isa pang upuan na nasa aking tabi habang nasa likuran lang niya si Freon

Kasalukuyan kaming nasa may likuran ng kaharian sa tapat ng malawak na hardin ng mga rosas

"Si Travis na ang bahalang tumapos noon" - sagot niya at saka kinuha ang kaliwang kamay ko na nasa ibabaw ng pabilog na mesang gawa sa marmol na nasa harapan namin

"Sinasabi ko na nga ba. Tinakasan mo na naman ang iyong mga gawain" - sambit ko at saka binawi ang aking kamay sa kanyang kamay

"Haist! Maghapon na naman akong uupo sa trono at magbabasa ng sandamakmak na mga sulat mula sa ibat ibang kaharian. Wala na naman akong panahon para saiyo"

"Luan, Sa nakalipas na walong taon ay palagi na lamang iyan ang inirereklamo mo"

"Hindi naman talaga si Travis ang uutusan ko noon. Ang kaso lang, wala na naman si Kyran! Ang pulang iyon. Siya ang aking kanang kamay pero palaging nawawala at ilang taon na naman iyong hindi magpapakita"

Sa nakalipas na mahigit walong taon ay marami na ring nagbago

Si Priam ay nasa Halla Verona na upang pamunuan ang naiwang kaharian ng Reyna Dhalia

Si Adreana ay nakatira na ngayon sa Athanasia kasama ni Crayon at ang nag iisang anak nilang nagsasanay bilang nag iisang susunod na crown ng water element

Si Rosh sa mga panahon na ito ay wala dito sa Parua. Kasalukuyan siyang nasa Black Moon Shadow Pack kasama si Bliss at ang kanilang anak. Mahigit isang taon na rin na hindi sila dito nagagawi

Tanging sila Travis at Xeon na lamang ang naiwan dito sa kaharian kasama namin

Si Kyran at Astrid hindi rin dito nananatili. Nasa mansyon sila ni Kyran na nasa Sirona

Mag iisang taon noon ang anak nilang lalaki ng bigla na lamang silang lumipat doon at ni minsan ay hindi na niya ibinalik pa rito sila Astrid at ang anak nila

Tanging sa mga sulat na lamang kami nakakapag usap ni Astrid. Samantalang napunta naman dito si Kyran na nagtatagal lang ng ilang buwan at saka mawawala ng mga isang taon bago muling babalik

Hindi ko alam ang eksaktong dahilan kung anong nangyayari sakanya. Masyadong malihim si Kyran

"Nga pala, nasaan ang aking prinsipe at prinsesa?"

Napabalik ako sa ulirat ng itanong iyon ni Luan

Sabay naman kaming napalingon sa direksyon ng pasukan ng hardin at napangiti ako ng makita ang dalawang batang naglalakad papalapit saamin habang magkahawak ng kamay

"Mama! Papa!" - sigaw ni Sarina habang may hawak na pulang rosas at ang kanan nitong kamay ay hawak ng kanyang kakambal

Agad na tumayo si Luan at saka sinalubong ang aming kambal