فصلية قضبان الجنوب

البارت الثاني والعشرون

☆ قــضــبــان الـجــنــوب ☆

الـكـاتــبــة #نـــازك_الــبــور ✎

الــبــارت " الـثـانـي و الـعـشريـن "

صفوان : معااااااااااااااذ ..

حياة : اجه ركض اسرع من الصوت و خطف من يمي .. كولشي بية نشف ..

وحده من الاثنين

لو متت و شفته لو هذا بحلم ..

ــــ 10 صباحـا ـــ

صفوان : بدت تجي صور واضحه حيل .. ذاكرة متصلة .. الامور .. الحوادث بدت تنربط بعقلي .. بس دخت .. حيل دخت كمت ماشوف

عقلي تعب ميتحمل هذاا .. احس راح ينفجر ..

مووو هيييييج يااااااا ااااااالله

اصواتهم .. حركات سريعة .. لزمت راسي و گنبصت

تمام : لك .. لك الرجال شبي ..

محمود : شبيك عمي ..

صفوان : احس بيهم واكفين فوك راسي و يحجون بس ما اسمعهم ..

اوووويليييي اااااالله .. رااااااسي

فترة و سكن كولشي .. صوت صفاره براسي يضرب .. اخر شي اتذكره الانفجار و بعدها محسيت ..

كمت امشي و اني دايخ .. اريد استوعب اني وين .. و شصار ..؟

امشي و اربط الاحداث .. نص احداث الماضي تذكرتها و نص احداث الحاضر نسيتها ..

البصرة .. اوووكف ..

سايق تكسي : وين توصل ..

صفوان : البصرة ..

السايق :  لا اخوي اعتذر

صفوان : كمت اركض بالشارع ادور ع تكسي توصلني ..كلهم ميروحون .. اخر شي لگيت واحد صعدت وياه ..

اريد اطير .. المسافه بعيده .. و انا ماتحمل

كل الطريق اهدء بعقلي حتى ميفقد الـ اتذكره

اسمي .. اصلي .. اخوي المات كبال عيني  ..

وصلت قريب المغرب ..

نازك : نيازكي هلكد ما دايخين بصفوان عبالهم البصرة بصف سدني عاصمه استراليا ☻ اغلبكم كتب شبسرعه وصل للبصرة ..طار ؟
اي شديتله جناحين و طار ☹
يعني هو طلع الصبح و وصل المغرب .. اشوكت يوصل تردوا ☹ ..
هيانها ع گولة بيبيتي ☚ شمرة عصا

عود بعدين اتخبل ..☻
نرجع لصفوان ☻

نزلت و كمت امشي لان اختنكت .. امشي و شوارعنا ترجعلي نص ذاكرتي الراحت .. كمت اركض

ابوووي ..

طبيت بشارعنا امشي من بعيد شفت حياة .. بس شفتها عرفت وجع گلبي منين .. وجع گلبي و نبضه منها .. حتى ماشفت الدنيا الـ حولي