فصلية قضبان الجنوب

البارت الاول

☆ قــضــبــان الـجــنــوب ☆

الـكـاتــبــة #نـــازك_الــبــور ✎

الــبــارت " الــاول "

و اذا استوطن الهدوء حياتك ...

فأستعد لعاصفة .. اما ان تهدمك كليا

او ان تبني كيانك من جديد

انا حياة و امنت بان المؤمن مبتلى

فقد ابتليت بغما فوق غم ..

بعد ان قُتل كل شيء جميل فيّ

أُعدمت برائتي و تَخلت عني الاحلام

فاقدمتُ ع الموت البارد بقدميي ..

انتحرت .. انتحاراً مباركا و ليس محرما

اودى بي الى جحيم الدنيا ..

هاجرت جسدا بعد ان سُلبت منه الروح ..

دخــــــول ...

الاجواء قاعه مليئة بالطلاب في جامعة ديالى كلية الهندسة المدنية ..

حياة : هاي ليش اتاخرت هيج .. والله متت جوع ..؟  هو اتصال .. خلي اكوم اشوفها وين صارت

اخذت بس جنطتي و كمت من استولي .. طلعت صار كبالي معاذ ..

من الخجل الـ بية اريد اشرد من كدامه .. بس من شوقي لعيونه ماريد ابعد نظري عن نظره ..

مريت من يمه بكل خطوة تمتلكني احاسيس مختلفه .. بس كلها حلوة .. احاسيس محبين بصدق

طلعت شفت ريمان دتتصل بالحديقه .. رحت عليها .. ضربتها ع جتفها  

ووولج ..

ريمان ( اسمي ريمان اني بنت خالة حياة .. تركمانية الاب و الام .. عمري 23 سنة طالبة هندسة مدني .. ساكنه بعقوبة قريب ع فلكة العنافصه .. بيضه عيوني عسلية فاتح .. طولي 160 و جسمي متناسق لا سمين و لا ضعيف .. مرتبطه بابن عمي و الحمدلله اهلي يدرون لان اقارب ماكو شي ينضم هههه )

  : اي .. لا لا يمةة مو هيح كلت لعمتي ..

داتصل جان انضرب ع جتفي .. كمزت ..

حياااة .. ولج جلطتيني

حياة : سنة ..! سنةةة تتصلين .. متت جوع

ريمان : دقيقه ..

ها يمة .. اي ..! ماشي عود من ارجع ..

الله وياج

حياة : خوما اكو مشكله ..؟

ريمان : لا بس جديتي وصلت كلام لامي و امي دتفتهم مني ..

حياة : اها .. يلله يلله امشي راح تبدي المحاضرة يادوب نلحك ناكل

ريمان : يلله امشي  ..

حياة : اخذنا لفاتنا و طلعنا كعدنا ع مدرجات ناكل .. لان النادي هوسة و خنكة

ريمان :  انتي سنة رابعه خوما تكضيها هيج ضامه حبج له بداخلج ولج انطي مجال و ارتبطوا