فصلية قضبان الجنوب

البارت الواحد والعشرون

☆ قــضــبــان الـجــنــوب ☆

الـكـاتــبــة #نـــازك_الــبــور ✎

الــبــارت " الـحـادي و الـعـشـريـن "

ايـتهـا الـدنـيـا الـبـائـسـة
اعـلـمُ انـكِ لـسـت بـ جــنــة
فــ اعـلـمـي إنـنـي مـن الـبـشـر
و لــســتُ بـ حــجــر

صفوان : صحيت ماعرف بيش الساعه ع بشر يمي ع الجرباية .. رفعت راسي اريد افتح عيوني اشوف منو .. ما جاي اشوف من النعاس
.. عصرت عيوني ..

نور ...!!!!؟

نور : مديطلع من بالي و تفكيري نهائيا .. نفسيتي تعبت و اني افكر بي و احلم بي .. و تتعب اكثر من اشوف رند يمه ..

اول انسان احبه بالواقع .. احسه كام يحري بدمي .. حتى بالليل مانام من وراه ..

  طلعت من غرفتي بالليل .. لابسة تيشيرت ربع ردان و ستريج لحد ركبتي .. رحت لغرفة طبيت امشي ع كيف .. مطفي الضوا و نايم ع بطنه .. ملابس شي من فوگ ..

گعدت يمه ع الجرباية .. گلبي گام يرجف و اني اباوع عليه .. ظهره شكد عريض عزا بعيني .. بس وحده جرباية يصير ..

اباوع ع وجهه و هو نايم يسحر بعد اكثر .. احس بي رجولة ما شفتها بولد .. شبيهم الـ وياي كلهم بس كفشه و ضعاف حتى صدر ماعدهم و الوجه حافي .. ليش هيج حظي ..

حس بية .. كعد من النوم بعده ع بطنه بس استند ع عكوس ايدينه و رفع صدره .. النعوسه بعيونه .. اني ابتسمت

( بهمس)  اي ..

صفوان : من وعيت فد نوب طفرت من مكاني .. الدنيا ليل

شتسووين هنااا ..؟

نور : اوشش .. عفية لتصيح

صفوان : فهميني بيش سااعه شتسوين بغرفتي نور ..؟

نور : رحت عليه اركض ع كيف .. اتقربت منه ..

اني .. بس .. احبك مادري مداكدر انام و اجيت اشوفك ..

صفوان : البنية بعدها صغيرة مدتعرف شنو تسوي .. لزمتها من ايدها و طلعتها .. هي تتوسل حتى تبقى ..

سديت الباب .. كعدت ع الجرباية النوم طار من عيني .. المكتوب لي هذا .. لازم اتعود ع الجديد ..

مثل مكال دكتور هاشم يمكن من اريح عقلي من الماضي المجهول .. استرجع ذاكرتي شوي شوي

سها : طلعت اريد انزل اجيب مي .. شفت الرجال طلع نور من غرفتها ..نشف دمي من الموقف .. سد الباب رحت ركض عليها سحبتها من ايدها و طببتها لغرفتي ..

شجنتييي تسووووين هناااك ..؟

نور : لتصيحين فدووة .. والله مصار شي

سها : كامت تحجي و تبجي ..

شكوو رايحةة فهميني شعندددج يمه