فصلية قضبان الجنوب

البارت الخامس

☆ قــضــبــان الـجــنــوب ☆

الـكـاتــبــة #نـــازك_الــبــور ✎

الــبــارت " الــخــامــس "

صفوان : مشيت سريع عليه .. من وصلت له انتبه لي .. اول ما رفع راسه و شافني .. ضربته بوكسي بكل حيلي ..

لككككك نذذذذذذذذل ...

حياة : عطت و خليت ايدي ع حلكي و رجعت ليورا ..

معاذ : خطف صار بوجهي صفوان و ضربني .. كام يصيح .. سحبني من ياختي حيل ..

صفوان : معاااااااااااذ ...

معاذ : اتوقعت و جنت مستعد لهيج تصرف .. بس كدام حياة ما نويت لاي تصرف اتصرفه وية صفوان

الطلاب : هااا .. هاا .. استااذ صفوووان اهدااا

صفوان : ماحسيت الا الطلاب يسحبون بية  ..

و اني اصلا ماكو اي حساس بداخلي ناوي ع خير .. كل الشر بية .. حتى مكمت اعرف نفسي .. اجتني حالة ادفنه كدامها ..

سحبوني اثنين من الامن المدني للكلية .. و طلعوني من القسم

علي ( امن مدني ) : استاذ صفوان ..؟؟ اهدا ..

صفوان : لازم وجهي و كعدت ع الدرج .. اباوع ع ايدي ترجف مثل المجلوط بدماغه من يفقد السيطرة ع جسمه ..

فقدت السيطرة ع روحي و ع جسمي .. اريد استوعب الحال ..

علي : كلنا نعرف اخلاق الاستاذ و هدوئه .. انصدمت من التصرف الصار .. لهذ السبب ما اتخذنه اجراء بحقه و لا حولنا للقسم

اكو شي نساعدك بي استاذ ..

صفوان : لا مشكور ..

عفتهم و كمت .. طلعت من الجامعه .. لان احس راح انفجر .. و اضرب ع گلبي لان موتني ..

كاااااافي .. اوووووگف و موووووت .. لا تدددددگ و تعذبنييييي .. بسك عاااد

الناس تباوع .. ناس عبالها مخبل .. و ناس وعت انو اني عاقل و متاذي .. و ماهمني .. اصلا ما داشوف بشر ..

كمت احس وحدي بهالكون ..

ريمان : طلعت ركض ع صياح .. سمعت اسم معاذ ..

شفت صفوان لازم معاذ و يصيح .. كلنا انصدمنا .. اول مرة نشوف هذا الانسان الهادئ هيج منهار

اعتقد بس اني و حياة افتهمنا ليش هيج صفوان هجم .. خطية معاذ اطرش بزفة انوب اكله كتله ع الماكو

الطلاب و الامن سحبوا صفوان .. ركضت ع حياة ..

حياااة ..

معاذ : ريمان اخذيها و اطلعن للحديقه

حياة : اني ابجي و ارجف من الخوف .. ماتوقعت صفوان راح يهجم عليه لان رفضته و قبلت بمعاذ ..