☆ قــضــبــان الـجــنــوب ☆
الـكـاتــبــة #نـــازك_الــبــور ✎
الــبــارت " الـثـالـث عـشـر "
و مـا امـر ذلـك الـجـسـد ..؟
الـم يـقـوى ع حـمـل الالـم ..؟!
حياة : مديت طولي دانزل الملح ..
وية الصوت .. گلبي لزمني .. تركت الدبة و نزلت عيني ع باب الكاونتر القسم المعلق بالحايط .. انعكاس وجهه بي
ما صدكت لا الصوت و لا انعكاس صورته .. التفتت .. كل حيلي الـ لميته راح من شفته ..
معاذ : التفتت علية بنية ..
حياااة ..؟؟؟
حياة : مو بس لساني اتوقف عن الحركه .. اني كولشي بية توقف عن الحياة بهاي اللحظه ..
معاذ : انتي شتسوين هنا ...؟
حياة : نفس صدري ثگل .. الزفير طول و الشهيق ثگل .. غرگن عيوني اريد اشوفه دموعي وكفن بين نظري و بينه ...
تين : طب معاذ و اتفاجئ بحياة .. من كال اسمها انا هم تفاحئت منين يعرفها ..؟
تعرفها ..!
معاذ : هه .. ههه .. حياة شجابج .. جا هديتيني و انفصلتي ..؟
حياة : باوعت ع تين ايدي كامت تحجي اشرت و ملت ايدي .. اريد اكوللها منو ..؟ اختنكت اريد احد يطلعني منا ..
بعدني مطالعه من صدمة صفوان حتى اطب بهيج صدمة هدمت حيلي .. كل شي ابراسي يدور ..
معاذ شنو .. و منو بهاي العائلة ..؟
تين : هاذ معاذ ابن عمة الشيخ
معاذ : باااااوعيلي هنااااا ..
حياة : گبيت كل جسمي فز من عاط ..
معاذ : انا كايلج تندمين .. كااااايلج .. هااا صددددكتيييي
صفوان : وصتني تين ع خضروات .. رحت براس الشارع البگال جبت منه و رجعت بضرف عشر دقايق .. رجعت شفت سيارة معاذ بالباب ..
طبيت ركض توجهت للمطبخ .. من گربت سمعت صوته يصيح عليه .. ما بقى بية عقل .. الا ما لكيت روحي كدامه .. ضربته بوكس گلبته ع الحايط ..
ياهوووو اااااالـ يندددددم لللللللك
تين : طب ركض ابو نمر .. خطف و اعصابه كله خلاها بمعاذ .. عطت من ضربه
حياة : وية كلام تين و طبت صفوان و ضربه .. و اني عيوني مستقره متتحرك .. الم بداخلي اريد اتحمل .. احس بعد مابية اشيل جسمي .. هذا هواي ع وحده مثلي ..
لزمت الكاونتر بايد استندت لان مابية اشيل طولي و ايد الخ احاول اسكت شهكاتي و صوت البجي
زينة : ركضنا انا و عمتي ع صياح ابو نمر .. طبينا للمطبخ .. معاذ وجهه كله دم
خووويةةة ..
