بعد مرور 6 اشهر
سمر كانت تلاحظ ان ف اشياء تتغير مكانها او ان الطفله سلمى تصير معاها اشياء غريبه .. وكله مايتعلق بيها .. لكن مادارت للأمر اهمية لانها كلما تقول لحد عن يلي يصير يقلها هذا كله من خوفك عليها .. وحبها لسلمى يكبر كل يوم ويوم وخصوصا انها مستحيل تكون ام في يوم من الأيام وربي عوضها بسلمى لنكون بنتها يلي ماولدتها🌹
....
منصف" فز من نومه مخلوع ك كل مرة بعد مايحلم بزوجته وكلماتها مزال تزن ف اذنه
منصف امانتك بنتي
امانتك
لا تخليهم ياخدوها
منصف بنتي لا ياخدوها منك لا تخليها
امانتك
مسح ع وجها بثوثر وتكرار الحلم يعني ان ف شيء خطير او شيء بيصير او ان زوجته مزال روحها معلقه بطفلتها يلي ماشافتها ..
استغفر وتعوذ من الشيطان ووقف وطلع من الغرفه نازل لتحت سمع صوت سلمى تضحك ابتسم وحمد ربه ان عوض بنته بحنان المربية يلي تحس وكانها بنتها واتجه للمطبخ سمع صوت حركه .... وبدا يمشي ببطىء اكيد ف حد دخل للبيت .. شاف خيال وقف مصدووووم زوجته ؟؟
لفت وشهقت: ااا بسم لله
منصف" انتبه ع نفسه وركز كويس لان شبه ظلام وكانت سمر المربية تعوذ من الشيطان وارتبك: اسف سمعت حركه جيت نشوف من
سمر: اا سلمى خليتها تبكي قلت نديرلها حليب باش ترضع
منصف: اها تمام بارك لله فيك "لف ومشى وهو يمسح ع وجهه بثوثر كيف شاف فيها زوجته سلمى ولا كان يتامل انها هي "صعد فوق ومر من جنب غرفه بنته سمعها تضحك وقف مستغرب وتذكر انه سمعها تضحك قبل ماينزل وتوقع ان سمر تلعب فيها قرب من الباب وفتحه وانجلط وهو يشوف ف زوجته تناظر بنته يلي ع سرير سمر والبنت تضحك بصدمه: سلمى ؟؟
فجاءة اختفى الخيال خلف الظلام برمشه عين قرب ويشوف للمكان يلي شاف فيه زوجته وقف جنب السرير غير مستوعب ماشافه ناظر لبنته يلي تشوف لنفس الجهه يلي كانت فيها زوجته .. قعمز ع السرير وقلبه يدق بقووووووة من الموقف .. شاف لبنته يلي بدت تبكي بدون سبب وهو يبرمج ف عقله يلي صار
سمر" دخلت: ااووه بنوتي عطلت عليك "قربت منها ونهضتها: اكيد من بكري وهي تبكي
منصف" وقف وقعد يلف ف الغرفه كلها"
سمر" باستغراب: خير فيك شيء
منصف" طلع من الغرفه واتجه لغرفته وهو مش قادر يستوعب يلي صار .. قعمز ع سريره : اعووذ بالله من الشيطان الرجيم يمكن نتخايل من كثر مانحلم بيها
لكن علاش بنتي كانت تشوف لنفس الجهه وتضحك؟ معقول كانت تشوف ف امها؟
لا لا مستحيييل اكيد من الارهاق "حاول يرقد ومايفكر ف الأمر لانه مش لاقي جواب يريحه
....
....
صباحاا
سمر " ف المطبخ لفت ع صوت حركه: صباح الخير
منصف: صباح النور وين البنت
سمر: هنا ف الصاله خليتها
منصف : ردي بالك منها انا ماشي "طلع ومر ع الصاله شافها مقعمزه تلعب قرب منها وباسها : حفظك لله يابنتي "مشى"
سمر "طلعت من المطبخ شافت سلمى ع الصالون : هذا بوها كيف يحطها هنا مرات اطيح "قربت منها وسلمى تحركت بتنزل وكان عالي الصالون سمر جمدت ف مكانها وكيف بتقرب لقتها ع الوطا فجأة ف لمح البصر وقفت مصدوووومه كيف صار تو كانت بطيح قعمزت ع اقرب كرسي وتشوف لسلمى وهي تلعب : مستحيل نتخايل تو كانت فوق الصالون كيف نزلت منه ؟؟ ولله امر هالبنت غريييييب ف شي مش طبيعي ولا جد من خوفي عليها بديت نتخايل؟؟
..
..
بعد مرور ايام
جلال: ياراجل اكيد انت تتخايل معقول تو بالله عليك روح زوجته قعد ف الحوش
منصف: نحس بشي غريب يصير بدات مع بنتي وكم من مرة ف الليل لمحت خيال
جلال: من كثر خوفك عليها تكوبس بعدين لو ف شيء مش طبيعي راه المربية حتى هي شكت من الأمر لا تنسى انها 24 ساعه ف الحوش ومع بنتك لو ف شي مش طبيعي فاول وحده هي تلاحظ
منصف: يمكن ماتبي تقول
جلال: اسألها وشوف
منصف: لا لا كيف نسألها حتى لو مافي شي بتخاف وتهرب ومعش نلاقي وحده كويسه تحن ع بنتي
جلال: خلاص ياراجل معش ادير للأمر اهمية بعدين انت لازم تتزوج ع الأقل تنسى زوجتك الأولى وتجيب لبنتك ام تانية وخوت وخوات
منصف" بحزن: نتزوج ع سلمى؟
جلال: لله يرحمها انت لازم ماتدفن روحك ف الحياة ولازم تتزوج صدقني كل يلي تحس بيه وتشوف فيه من وحدتك وخوفك ع بنتك فكر كويس وانا نقول لمرتي يمكن تعرف وحده تكون كويسه وتهتم ببنتك
....
....
ف الصاله
سمر" تنظف ف بالمكنسه الكهربائية والطفله سلمى تلعب جنبها .. بعد مانظفت الصاله كلها طفت المكنسه ورفعتها للغرف يلي تحت : اووف هنا ثراب متراكم يبي تنظيفه صح خلي نجيب البنت جنبي عن تطلع ولا يصيرلها شيء "طلعت شافت سلمى واقفه ع الطاولة وماسكه الشرشف يلي عليها .والمزهرية فوق بطيح ع راسها صرخت: لاااا سلمى " قربت منها وسلمى تضحك وكرت الشرشف بقوة والمزهرية طاحت .. غمضت عيونها سمر : لااا "سمعت صوت تحطم المزهرية شهقت بخوف ع سلمى وماسمعت صوتها فتحت عيونها وشافت المزهرية متحطمه وسلمى مش موجوده قعمزت مصدوووووووومه وين اختفت البنت كيف صار ؟؟ سمعت صوت ضحك وطلعت سلمى من وراء الطاولة وقربت من سمر وهي تضحك .. مدت ايديها وضمتها بقوة وهي مش قادرة تستوعب يلي صار ؟؟ كيف كانت قدام الطاولة و المزهرية كانت بطيح عليها وفجاءة اطيح وهي تجي من وراء الطاولة؟؟ هي طفله وكيف بدت تمرد يعني مش بهذه السرعه تقدر تتجنب سقوط المزهرية عليها ؟ شافتلها كيف مبتسمه همست : امرك غريب يابنت هذا يلي يصير مش طبيعي ابدا !! لازم نفهم شن يلي يصير لااازم
#انتهت الحلقة
