نادية " قربت من سلمى وابتسامه خبيثه ع شفايفها : تعالي حبيبتي
سلمى" ع طول مدت ايديها وهي تضحك"
نادية" مسكت ايد سلمى : تعالي تعالي نلعبوا برى "طلعتها برى من الحوش وفتحت باب السور الخارجي يلي ع الشارع وشافت لسلمى: برى سمر وبابا غادي
سلمى" لفت لطريق وبدت تمشي بخطوات غير متزنه "
نادية " سكرت الباب بسرعه لما تأكدت ان سلمى بعدت ورجعت ع الحوش وهي فرحانه : احسن خلي تمشي وتريح ولا تضربها سيارة ونرتاح منها وسمر بعدها معش تقعد هنا " اتجهت للمطبخ وخدت قدر كبير وحطاته ع النار مع ملح .. تبيه يغلي وبعد يبرد ادلك بيه رجليها لان هذا من ضمن العلاج الطبيعي .. بعدها طلعت و استرخت ع الصالون وهي تحس برااااحه ..... فتحت عيونها فجاءة وبخوف لما سمعت حركه لفت خلفها لقت سلمى تلعب .. وقفت بشهقه : اههيييييء يماااا بسم لله امتى جيتي هنا انت؟؟ " لفت للباب يلي مسكر مشت بلطىء فتحاته وشافت باب السور مسكر لفت لوين مقعمزه سلمى وهي ترعش بخووف : بسم لله راكبها جني هذه ولا انا نتخايل بسم لله الرحمن الرحيم مرات كنت نحلم وماطلعتها "قربت من سلمى بغل: ولله مانخليك هنا لحظه انت لازم تموتي وتموت مربيتك الخبيثه ويقعد منصف بسسس ليا انااااا "كيف بتمد ايده تشدها اختفت سلمى .. انجلللللطت نادية وبدت تتلفت ف كل مكان وبخووووف : بسم لله الرحمن الرحيم "سمعت ضحك سلمى لفت لقتها ع الصالون مكان ماكانت هي راقده قربت خطوة منها اختفت سلمى ولفت وراها ع كرعه لقت سلمى مقعمزه .. بدت توخر وهي تشوف لسلمى و خاااايفه وسلمى وقفت وتقرب منها وهي تضحك : ما ما
نادية" برعب : ابعدي عني لا تقربي لاا تقربي ابعدي "لفت وحاولت انها تسرع ف مشيتها ومالقت اقرب ليها الا المطبخ دخلت وسكرت الباب وراها وهي مرعووووووووبه .. حطت ايدها ع قلبها وهي تتنفس بقوة تحس انها بتمووت .. بعدت شوي وقربت من الطاولة وقعمزت عليها خدت طاسه المية وشربتها دفعه واحده .. حست بحركه لفت وراها وقفت وشهقت بقوة وطاح الكرسي وراها بدت توخر وهي تشهق من قوة الصدمه لما شافت سلمى اطير ف الهواء وشوي شوي تقرب منها: لا لا تقربي لا تقربي "حذفت عليها الطاسه يلي كانت ف ايدها لكنها طارت ابعد منها وقفت تتنفس بقوة لما اختفت سلمى فجاءة .. بدت تلتفت ف كل مكان وخاااايفه ومرعوبه انها تطلعلها فجاءة ومش قادرة تستوعب يلي يصير معاها .. قررت تطلع البرى وتمشي للجيران او ع الاقل تكلم منصف يجيها مشت بحذر وبطىء وتحاول انها ما ادير اي صوت .. كيف بتطلع من باب المطبخ يلي مسكر لقت قدامها فجاءة خيال اسوووووود طويييل وعريض وعيووون تشع احمراار وكانها ناااار .. وخرت بخووووف وشهقت شهقه ظنت روحها بتطلع مع الشهقه وهي توخر والخيال الاسود يقرب منها وتسمع همسات ف كل اتجاه وكان الصوت يتكرر صداه ف كل مكان
يلي يقرب بنتي تتحول حياته للجحييييييم للجحييييييييم
نادية ماقدرت تستوعب الموقف غمضت عيونها وسكرت اوذانه وهي توخر حست بشي يشدها من رجلها صرخت باعلى صووووت وحاولت تتمسك لكن ايدها مالقت غير القدر يلي تغلى واول مالمستها حست بحرارتها بعدت ايدها لكن للاسف طاحت وطاح القدر يلي يغلي عليها فتحت عيونها وهي تصرخ لقت فوقها الخيال الاسود وبدت انفاسها اضيييق ومش قادرة تبعده عنها والالم الحاااااد من الماء الساخن
لين فقدت اخر انفاسها وماعاد قدرت تقاوم 💔
..
..
ليلا
رجع منصف منهد حيله من الشغل يلي زايد هاليومين .. دخل البيت وحس بهدووء غريب ف اركانه .. فكر بينه وبين نفسه ان ممكن نادية ف غرفتها ترتاح وسلمى ف العاده ترقد هالوقت .. اتجه للمطبخ يبي ياكل شيء ع السريع ويرقى يرقد .. فتح باب المطبخ يلي كان مصكر وفتح عيونه ع وسعهم بصدمه من المنظر يلي شافه
.. لوهله ظن انه يتخايل ومشهد زوجته سلمى يتكرر قدامه .. لكن اول ماخطى خطوة للامام واكتشف انها نادية زادت صدمته اكثر وهو يشوفها فاتحه عيونها ووجها مشوه وجسمها كله مشور باثار حرق .. وخر وهو مجلووووووط .. ف نفس المكان ماتت زوجته سلمى وبنفس الطريقه من الماء الساخن .. طلع يوخر وهو يهز ف راسه بلا وكأنه يبي يطرد الصورة من امامه .. قعمز بعيد وهو مزال يشاهد ف نادية قدامه والمنظر يلي هي فيه .. واتصل بسرعه ع الاسعاف .. واول ماوصفلهم المكان سكر وقعد يتعوذ من الشيطان ومش قادر يستوعب انه يلي يصير قدامه واااقع .. لين سمع الاسعاف برى .. حاول بقدر المستطاع ينوض ويتجه لباب ويفتحولهم وقعمز طول لين طلعوا نادية ع النقاله وركبوها ف الاسعاف
ماحس الا ويد ع كتفه لف ولقى شرطي فوقه
الشرطي: تفضل معانا سيد منصف
منصف" بغير استعاب : وين؟
الشرطي: الطبيب الشرعي اكد مقتل زوجتك .. والاخبار يلي وصلتني من الجيران يلي متجمعين برى ان زوجتك الاولى ماتت بنفس الطريقه .. هذا يدل ع ان ف حد قتلهم عمداا
منصف" بهديان: قتلهم !
الشرطي" هز راسه بنعم: والدليل ان ف حد قاتلهم ان زوجتك هذه ف اثار خنق ع رقبتها
منصف" نزل راسه: مخنوقه!
الشرطي: انت المتهم الوحيد المشكوك فيه ..
منصف" شافله بصدمه: انا متهم بقتلهم
الشرطي: تفضل معانا لو سمحت بنكملوا التحقيق ف المركز " اشر لضباط يلي معاه ياخدوه"
منصف" وقف معاهم ويمشي غير مستوعب يلي صار ويلي يصير قبل مايركبوه ف السيارة وقف وتفكر بنته: بنتي بروحها ف الحوش
الشرطي: مافي حد غير زوجتك المقتوله
منصف " بصراخ : لااا كيف بنتي وييينهاااا صغيره بنتي ماتقدر تطلع بروحها
ركبوه غصب عنه وهو يصرخ ويأكدلهم ان بنته مزال ف الحوش
#انتهت الحلقه
