" ايه اغرب حاجه حصلتلكم في ملاهي ديزني لاند ؟"
انا طول عمري بكره ديزني و ميكي ماوس حتي الملاهي كنت بكرهها ... و مروحتش ملاهي ديزني لاند الا مره واحده في حياتي و كانت المره الي فهمت فيها اخيرا سبب كرهي لديزني ..
الاسبوع ده مش قادر انساه ... كنت لسه خارج من مشكله عائليه كبيره ... اثرت بشكل كبير جدا و قاسي علي نفسيتي و نفسية ابني توماس الي كان عنده حوالي 9 سنين ساعتها ... و كمحاوله يائسه مني اني اخرج ابني و اخرجني من حالة الكئابه الي سيطرت علينا طول فترة الاسبوع ... قررت اخده و نروح ديزني لاند نقضي يوم هناك... مجرد يوم بين اب و ابنه لوحدهم في الملاهي ...
كان المفروض انه هيبقي يوم رائع و جميل جدا لينا لولا الي حصل ... و الي حصل كلأتي ...
انا وتوماس روحنا اقرب ملاهي ديزني لاند و دخلنها و بدأنا نجرب الالعاب و نستمتع بوقتنا .. بس كان في الشخص الي لابس زي ميكي ماوس ... لسبب غريب مكنتش قادر ارتاحله ...مجرد انه واقف يوزع بلالين علي الاطفال مشهد عادي بس انا من جوايا حاسس ان فيه شيء غلط ...
تقريبا اول سبب حسسني ان في شيء غلط اني دايما كنت بلاقيه في مكان الي انا واقف فيه ... من اول اليوم من ساعة ما دخلنا الملاهي ... كل مكان اروحه انا و توماس ... الاقيه موجود هناك ... كنت حاسس انه بيراقبني ...كنت حاسس بعيون الشخص الي لابس البدله وهي بتخترق روحي .. المشكله كلها بدأت لما توماس قالي انه عايز يدخل منزل الرعب ... وانا اصلا شخص خواف ... تقدروا تقولوا اني جبان جدا فرفضت و طبعا بدأ يعيط و يصرخ و الناس كلها تبص علينا ...
فلاحظت ميكي بيقرب مننا جسمي تقريبا كان ينتفض مع كل خطوه بيقرب فيها مني انا و توماس لكن الخوف اختفي لما ميكي وصلنا و قالي بلطف انه ممكن يدخل منزل الرعب مع توماس و هياخد باله منه ... تقريبا هو فهم من بعيد اني خايف علشان كده قرر يساعدني بس عرضه ده كل الي عمله انه قلقني اكتر ... كنت ناوي ارفض بس مع نظرات توماس و دموعه و لاني عايز اخرجه من الحاله النفسيه الي هو فيها وافقت ... وافقت و ميكي بيقولي بالظبط بصوت لطيف ...
" متقلقش حضرتك ... ربع ساعه بالظبط و هتلاقيني خارج معاه "
وافقت .. وافقت و ودعت توماس وانا بتفرج عليهم وهما بيدخلوا من البوابه و فضلت مستني ...
خمس دقايق ... عشر دقايق .. بدأت اقلق ... ربع ساعه ... تلت ساعه ..
من قلقي كنت قررت خلاص ادخل و ادور عليهم بنفسي لما اتفاجئت بيهم خارجين و خدت نفسي و اطمنت اخيرا ... شكرت ميكي طبعا ايا كان الي ورا الزي كانت حاجه لطيفه منه جدا انه يساعدني في موقف زي ده و ودعته ... لما رجعت لتوماس بقي قالي انه محتاج يدخل الحمام بسرعه ... فوصلنا علي طول للحمام و سيبته جوا و خرجت انا برا استنيته ...
دقيقتين ... خمس دقايق .. بدأت اقلق ... عشر دقايق بدأت انادي عليه بدون رد ... ربع ساعه
قررت ادخل و اتأكد من غرفه في الحمام و الصدمه .. اني ملاقيتش توماس ... مكنش ليه اي اثر ... كنت هتجنن ... خرجت بسرعه وانا مش عارف ادور فين ولا اروح فين ولا اعمل ايه ... مجرد بجري وسط الناس ... عايز اصرخ و انادي عليه ... مجرد بجري و مش لاقي لتوماس اي اثر ... لغاية لما شوفته ... كان واقف بعيد و سط الزحمه علي بوابة الملاهي ... كان بيشاورلي بأيده و بيودعني و بأيده التانيه كان ماسك في ايد ميكي ... الاتنين كانوا بيودعوني ... و اختفوا وسط الزحمه من قبل ما الحق حتي اعمل حاجه ...
عملت ايه بعد كده ؟
بلغت الشرطه و ادارة الملاهي ... و مقدروش يعملوا حاجه ...
ادارة الملاهي قالتلي ان الشخص المفترض انه شغال في زي ميكي كان واخد اجازه اليوم ده و ميعرفوش مين الي كان في الزي ... و الشرطه ؟
بقالها سنه بتبحث بدون فايده ... المشكله مش في كده ... المشكله اني كل يوم من بعد الحادثه .... ببص من شباك غرفة نومي ... و بشوفه ... واقف في الشارع بيشاورلي ... مين ؟ ميكي ...
بس محدش كان بيصدقني
محدش كان بيصدقني .. "
ملاحظه : بعد متابعة الاكونت من قبل المستخدمين و ادارة الموقع اكتشفوا ان صاحب القصه موجود فعلا ... و كمان هو صاحب الاكونت و بيقضي عقوبته في سجن الولايه بعد ادانته بقتل ابنه الوحيد توماس في الملاهي و دافع القتل غير معروف لكن التحقيقات بتقول انه غالبا بسبب الصدمه الي خدها لما مراته هجرته و تخلت عنه هو و ابنه و سابتهم و هربت مع عشيقها للعاصمه واشنطن ....و الطريق الي قدر بيها يدخل الانترنت و يكتب الاجابه دي لسه مجهوله ...
#Creepy_Frank_Stories
