قـلـب طـفـلـة|Heart of a child

بـارت-14-

تـذكـيـر:
روحي جانت ميته بس باقي جسد بجروح وزراك وألم قوي ودعيت اموت هوايه دعيت حتى اهلي يخلصون مني ومن شري..
ـــــــــــــــــــــــــــــــــــــــــــــــــــــــــــــ
لكيت نفسي بالمستشفى والكانونه بأيدي والمغذي
وجسمي متكسر ماكدر اتحرك ووجهي مزورك كوليته
دخل بابا علية

-الأب-
انتي اليوم اطلعين ولاتتشكين ودكولين ماكدر متاذية تتحملين اغلاطج واني متبري منج ولاأعرفج ولاتعرفيني ولاعندي بنت أسمها طيبة

-طيبة-
لالابابا فدوة صدكني ولله ممسوية شي غلط حسين سوا هيج بية ومسوي روحة شريف وجابني وصح نخطفت وطلعني بس هوا حجا بالسانة وكلي سويت هيج وياج ولله

-الأب-
لاتحاولين ماصدك وحدة مثلج خنتيني وطعنتيني ونزلتي راسي  وكافي تتبلين على حسين ممسوي شي ولا جاي يمج الولد ساعدج جماله تتبلين علي كافي اخر كلامي ماريد هيج بنت أني ووممنوع تدرسين ولاطلعين وتنكبرين بالغرفة الا ان تموتين واخلص منج

-طيبة-
دموعي تجري على خدي.. بابا ولله صدكني مسويت شي ولاخنتك بابا افهمني بابا فدوة لاتظلمني الله يخليك ماعندي غيرك :(

-الأب-
طلعت من الغرفة بس جنت ندمان وحسيت بذنب وقسيت عليها بس تستاهل هل شي كسرتني لعد شسويلها الله يسامحها..

-طيبة-
بابا عافني وطلع واني مستمرة ابجي واصرخ 'الله ينتقم منك حسين' بقيت اصرخ وجسمي يرتعش وروحي تريد تطلع من مكانها الى ان تجمعووا الممرضات علية ويهدئون بية واني مستمرة اصرخ واضرب بيهم وابجي ماسكتت الا نطوني ابرة ونمت والألم بكلبي..

كعدت وعمر دخل وبابا وامي والدكتوور

-الأب-
دكتور ممكن نطلعها؟

-الدكتور-
لا حالتها متسمح ابدا انو نطلعها لازم تبقا كلش تعبانة ومحتاجة مراقبة اذا تطلع حالتها راح تسوء جدا(عندها فقر دم حاد وضعف عام والتهاب قوي بالكلية ورضوض وجروح هواي)

-الأب-
مومهم انطينا علاج  دكتور وتتحسن واحنا نهتم بيها ولازم تطلع ممكن؟

-الدكتور-
اني راح انطيها ادوية ومغذي بس اذا صارلها شي فورا ترجعوها..

-الأب-
ماشي دكتور..

خلصنا اجراءات المستشفى وطلعنا

طلعت وكأني جنت مسجونة وعمر يسحل بية بكل قوتة كدام الناس بهذلني واني كوة امشي ودموعي تجري على خدي وامي تحاول تهدئة وهوا ولايفيد بي..

صعدت بالسيارة
أني وامي وضميت نفسي بحضنها من كد الخوف ماتمنيت ارجع للبيت :(
كل الطريق عمر يغلط علية ويسب  ويكولي موتج على ايدية واشمرج للجلاب متستحقين ادفنج واقرالج الفاتحة واني بحضن امي ابجي وجسمي يرتعش من الخوف وماما تهدء بية وميفيد استمر بالكلام الا ان انفجرت مثل القنبلة ..