قـلـب طـفـلـة|Heart of a child

البـارت -1-

-الشـخـصـيـات-
-الاسم :طـيــبـه مـحـمـد
-العـمـر:15
-المرحـلـه الدراسـيـه:ثـالث مـتوسـط
-شخصيتها: شخـصـيـه طفولـيـه جـدآ ومـرحـه وطيبه القلب وتعـشق الأطـفـال وتحب اللعب معـهـم ودائمـا مبـتسـمـه ولاتعرف الملل او الوجع تحب المغامرات والجـنـون وتعـشق الحلـوى..'
الهوايـه:تحب الرسم وقراءه الروايات والغناء وكره السله
-الاسم:عـمـر مـحـمـد
-العـمـر:21
-المرحـلـه الدراسـيـه:مـرحـله ثـالثـه كليـه اداره واقـتصاد في جامعه بغداد
شخصيته: طيوب ومحبوب جدا ومرح ويعشق الضحگ ولكنه عصبي جدا جدا وطبعا هوا شقيق طيـبـه الأكبـريعشق التواصل ويختلط مع الكثير
الهوايه: يحب كره الطائره
-الاسم:حـسـين عمـاد
-العـمـر:20
-المرحـلـه الدراسـيـه:مـرحـلـه ثـانـيـة كلـيـه الطـب البيـطري جامعـه بغداد وايضا يعمل في فندق والده
شخصيته:شخـص مغرور جـدا ولايحـب احد فقط يحب نفسـه لايبتسم نادرا ودائمـا متعـصب فقط في بعض الاحيان هادء وغريب الاطوار وافعاله غريبه جدا☹
الهوايه:يحب كرة القدم
هذه الشخصـيـات الرئـيسيـه جدآ هنـاگ الكثـير لكن ستعرفوها لاحقـآ
القـصـه ستكون باللهجه العراقـيـه :سـنبـدأ
الأم:طيـووووببب يلا يلا لج كوميي كافي كسل ساعه 7:30 الصـبح وراج دوام
طيبه:اوكيي هف بس شويه يا ماما
الام:ماكو ولا شوي يلا كوممي
طيبه:اوك كمت
كامت طيبه غسلت وهي بكسل ومالها واهس المدرسه هف لاحول ولاقوه شوكت اخلصص من المدرسه متت بدلت ولبست ملابس المدرسه الي هي صدريه رصاصيه قصيره وقميص ابيض والجنطه(الحقيبه)والحذآاء...
نـزلـت طيبـه:صبـاح الخـيـر عموريي شهل كشخه عيني صاك والله اخويه راح يضربوك بعين
عمر: صباح النور انتي الي ضربتيني بعين مو همه😹تعاي تريكي
طيبه:لامالي نفسس ماريد هسه راح يجي الخط
الام:بنتي شرببي حليب بس مو زين هيج
طيبه:اوك بس حليب
شربت الحليب واجا الخط بوست ماما بابا جان نايم معنده شغل واخويه راح لجامعته وطلعت ركبت السياره ووصلنا للمدرسه مجانوا عندي صديقات بس جنت مرحه ختلطت بس همه محبوني مغرورات كبر☹الا ان شفت بنوته جانت نفس تصرفاتي😻حبيتها جانت جديدة بالمدرسه رحتلها حجيت وياها تشاقيت وتعارفنا
-الاسم:ســاره أحـمـد
-العـمـر:15
-المرحـلـه الدراسـيـه:ثالث متوسط
شخصيتها:طيوبه كلش بس غريبه الاطوار ومرات تعصب ومرات تصيح ومرات وحيده وهادئه كلش بس حبوبه وهمات طفوليه بس شوي مغروره متحب بس الي من عشيرتها كلش تختلط وياهم
الهوايه:الرسم وتحب كره القدم
تعرفت عليها وطبينا للصف البنات يباعون بنظرات غريبه كلش
كعدت اول رحله جنت قزومه😹طولي149 وساره يمي كعدت طولها جان155
بالصف والمدرسه تشرح اني وياها بس نحجي ونخبث😹 الا ان ترزلنا الله ياخذج ست😿 كرهتها ست ام الكيمياء اسمها جان نورهان بس عصبيه كلش وتصيح من تشرح😤
طلعنا فرصه جانوا البنات يباعولي اني وساره بحقد كلش ف اني رحتلهم كلت الهم وجهي بي شي؟
يضحكون مهتميت ابدا بس ويع مغرورات كولشش دبابات 😹كلش سمينات هل شله
ساره:طيبه عوفيهم مكروهات كلش وحده مراقبة الصف ورافعه خشم كلش وهذولي شلتها صديقاتها
طيبه:خلي يولون اصلا ولامهتمه الهم بس حتى لو مراقبه شنو يعني على راسها ريشه قحط عمي شنو هيه😕 شايفه نفسها دبـة
ساره:هههههه فدوة كيوت ختولي هاي الدبه تغار لان سمينه واحنا كيوت ناعمات
طيبه:يفدوه حبيتج😻 اي ختولي
بقينا نضحك ونمشي ونلعب ونفتر ونهوس وبقو غيرانات كلش لان صداقتهم جانت بس مصلحه وحتى بس اذا مشت وحده من شلتهم راحت للحمام او للصف يكعدون يكصوها ويعتبروها مخوش وهي صديقتهم ومن شلتهم يعني ناس تكص بنص واربع وعشرين ساعه متعاركين وكالبي للصف ساحه معركه
.................
طلعنا من المدرسه وتـاخر الخط كولش
بقينا ننتضر اني وبنات وياي بالخط مديجي هف
وشباب هوايه وبس يشمرون حجي كلشوي اريد اكتلهم
هفف بيني وبين نفسي طيبه اهدئي لاتتهورين خرب راح اجرم بيهم اليوم
واحد مر من يمي باع الطول فدوة شهل جمال بس نظره وحده مانريد غير شي
اني عصبت فار دمي ماتحمل وبقا يحجي كتله كافي تره عيب احترم نفسك
تقبل احد يحارش اختك جان هسه تخبلت استحي شويه ولله عيب
اختي شعليها ليش تحطين عرضي بالنص انتي شكو مو عيب وشال تراب بأيده وشمره عليه بحيث مدا اكدر اشوف تراب احسه كله بعيوني غوشت عيني وهوا يضحك تستاهلين ولله اكطع لسانج اذا تتكلمين بعرضي افتهمتي اني ضجت كولشش شلت تراب وشمرت علي ودفعته وكع بالكاع ويحجي اليوم احركج  اعتقد انضرب بشي وايده ادمت جماعته اجو وخذو ويهددوون بيه وحمدلله اجا الخط البنات لزموني من ايدي وصعدوني عيوني تاذيني كولش جانت مدا اشوف شي متت كوه وصلت للبيت وجيراني بنيه بالخط دكلي عزه لج ترا ايد الولد ادمت شوي بسببج لج هذا كلش خطير الولد ولله وكع هوايه بنات بمشاكل دربالج منه..لايعمري شنو قابل خايفه منه اني يعتدي عليه اسكت لايعيني مااسكت ولله واني اعلمه
وصلت للبيت جيراني البل خط نزلتني للبيت اميي:طيوبه ماماتي شبيج ليش مغمضه حجتلها يمامه جيرانه السالفه وامي تصيح الله ياخذه مايستحي يعتدي على بنات الناس ماعنده خوات مو عيب علي ولله يستاهل هوا حيل بي الله ياخذه ابووو عمررر تعال شوف بنتك شمسوي بيها هذا الي ميخاف من الله بابا اجا يركض ونصدم وكال اني اعلمه شنو يعني عباله ماعدها اهل لو شنو بضبط اني باجر اوصلج للدوام وأشوف بلكي الكاه وانتي شوفيني شكله
ماما بدلت الي وغسلت عيوني بمي بارد شوي صارت أحـسـن نمت وكعدت هوسه ماعرف شصاير وصوت زلم بالبيت وصياح
أجا عمر للغرفه طيبه شمسويه تردين تفضحينا
عمررر شجاكك شسويت شنو السالفهه فهمننيي شصاير شنو هل صياح
طيبه لاتصيرين غشيمه تره وربي ما اتحمل كلمه زايده منج ليش تضربين ولد هيه هاي تربيه بنت مربايه لو شنو بضبط
عمر انتا شفت شمسوي بيه ترضاها؟
اي اسكتي ليش تردين علي لو تردين ننفضح وتنزلين راس ابوج
عمر شدا تحجي صدك جذب اني اختك ليش هيج تحاجيني شسويت شنو انزل راس ابويه؟
طيبه تكعدين هنا ومااطلعين ولله واقسم ب الله تموتين اذا طلعتي
عمرررر وخر عني اني مسويت شي دفاع عن النفس فقط
ضربني راشدي ووكعني بالكاع ويكلي وهسه هم حضربيني دفاع عن نفسج بدون ذنب فقط جنت ادافع عن نفسي وعصب عمر ويصيح امي سمعت اجتي تركض وحضنتني وطلعته لعمر بره وبقا يصيح ويسب بيه واني ابجي وميته رعب شنو صاير ليش شسويت ياربي امي تسكت بيه وتبوس راسي يابنتي هذا الولد ابو ضابط وعشاير وكلش متنرفزين من ضربتي لان معندهم بنت تضرب ولد واجو هادين على ابوج رادو يذبحوا ولهسه متعاركين بنتي الله يخليج الي يتحارش بيج او اي شي يصير لاتحجين
ماما مسويت شي ولله ودموعي على خدي ضجت كلش وختنكت
خلص سكتي بنتي لاتبجين انشاءالله تنحل
........................
يـتـبـع...
-الكـاتبـه طَـيبهـﮧِ'
نفس الاسم ونفس الشخصيه بس مواني'
اتمنى ان تنال اعجابكم:💕