قـلـب طـفـلـة|Heart of a child

بـارت-15-

تـذكيـر:
خلص هاليوم على خير وعمر مشفتة مطرود من البيت بس تمنيت احاجي ونرجع مثل قبل الله يهدي وابوية اتصل وكال لحسين موافقين وشرطت انو اكمل دراستي وحمدلله وافق الله هداه وأسبوع الجاي بيوم الخميس راح يجون اهلة وأني مجنت مهتمة ولاشي وامي دكولي لازم اخذلج فستان مرتب ونرتبج ومكياج وسوالف بس مهتميت لان ضاعت حياتي ودخلت بحياة ثانية وهي'العذاب والهلاك' بكل يوم أدعي ربي يخلصني منة ويحفظلي اهلي رجعت حياتي جيدة كلش مع اهلي وفرح تواصلت وياها وحجيت كلشي الها وتخبلت ويوم الاربعاء قبل لايجون اهل حسين راح تجيني..اي هيه هاي أتوقع حتكون نهايتي أعيش مع هذا الشخص المجرم الى أن اموت
ـــــــــــــــــــــــــــــــــــــــــــــــــــــــــــــــــــــــــــــــــ
يـوم الأحد/ساعة/7:30 الصبح

الأم:طيوووبة يلا اكعدي وراج دوام والوقت تأخر

طيبة:ماما ولله نعسانة ودايخة ولعبانة نفسي هف :(

الأم:لاصيرين كسولة صارلج اسبوع غايبة وانتي وزاري وراحت عليج الدروس

طيبة:اوك اوك كمت هف

دخلت الحمام غسلت وجهي وطلعت رتبت شعري ولبست ملابس المدرسة ورتبت فراشي وطلعت جنت زينة بس شوي باقي زراك بية ودوخة وراسي ياذيني ولعبانة نفسي بس مجبورة ااداوم كلشي مقارية ولااعرف وين واصلينن:(

دخلت للمطبخ وأكلت ورجعت فرشت اسناني وكعدته لبابا حتى يوصلني للمدرسة ..وعمر اسبوع وهوا خارج البيت ماشفنا وجهة وكل مررة يتصل بابا علي يلكاه سكران ..

وصلني بابا للمدرسة ودخلت وجنت كسولة جدا وجسمي متكسر ومالي واهس الدوام شفت فرح ركضت علية حضنتني وتبجي :(

فـرح:لج حقيرة ولله مشتاقتلج كووومات طمنيني شون صرتي

طـيـبـة:يعمري ونبي اني أكثر بس شسوي حجيتلج الصار احسن شوي

فـرح:اوف يكلبي حمدلله ع كل حال بس مصدومة كلش يعني معقولة بهل سهولة توافقين على هذا الحقير

طـيـبـة:يروحي الحمدلله..شسوي مو بيدي شي لازم اوافق

فـرح:اووف وربي شايلتلج الف هم شون راح تتحملي لهل همجي؟

طـيـبـة:يعمري شسوي لازم اتحمل وأصبر لخاطر اهلي مومهم أني اهم شي عندي سعادتهم

فـرح:يكلبي الله يساعدج ويصبرج ويهدي ويصير وياج زين..ربي يحميهم الج

طـيـبـة:امين يارب ويحميج فروحتي.. لعد سارة وينها؟

فـرح:أمين..سارة مشفتها اعتقد مامداومة

طـيـبـة:أها لج ترة ماعرف الجدول شعدنا اول درس؟

فـرح:رياضيات يحظي الأغبر امشي خلي ندخل للصف احسن