قـلـب طـفـلـة|Heart of a child

بـارت-2-

تـذكيــر!!

ماما مسويت شي ولله ودموعي على خدي ضجت كلش وختنكت
خلص سكتي بنتي لاتبجين انشاءالله تنحل
ـــــــــــــــــــــــــــــــــــــــــــــــــــــــ
محمد(الأب):بـنـتـي لـيـش هيـج سويـتي اني هيـج ربيـتج؟ هي هايه تاليـه تربيتي تقهريني وتنزلين راسي كدام النـاس؟بنـتي اذا تحبيني وتحترميني تكوميـن هسه تعتذرين ونخلص من هل موضوع

بــابـا ولله مسويتله شيء هوآ اعتـدى عليـه يعني اخلي يضربني؟!
ويـأذييني..؟؟ فقط دافعت عن نفسي لااكثر ولااقل سووها عشاير ليش شسويت اصلا المفروض همه يعتذرون واحنه الي نروح نهد عليهم

بنتي مو وقت كلامج ذوله ناس واصله كلش وهمه حكومة شترديني اهد عليهم اني واخوج وعمامج بس ثنين وخوالج خارج العراق شتردين أسوي تردين يموت ابوج وأخوج صح روحي تروحلج فدوات بس بعديت يأذوكم!! اعتذري وخلصيني ومحد يعتدي عليج بعد انشـآءلله

الام(سـرى): بنتي امرنا ل الله اعـتذري ولو مايستاهلون والمفروض هوا الي يعتذر عيب عليهم بس حسبي الله عليهم قوي وضعيف شنسوي بعد هي هايه الدنيـا هيج صارت اتحملي بنيتي اعتذري وخلصينا احنا مو مال مشاكل ووجع راس

طيبه:قسم ب الله ماريد اعتذر  واذا واصلين شنو همه يربي افهموني يعني الواصل يسوي بكيفه واذا حكومه غير يحترمون ولله عيب همج شكد متخلفين بس لخـاطرگ بابا راح اعتذر بس مو من كلبي وهايه لخاطرگ وبس مو علمودهم ابدآ!!

بنـتي عفيه هيج اريدج ولله يهدوون واخو حسين متحلف الج  شنسوي بعد ماكو لاحكومه ولاقانون خلصيني اني نازل وتعاي وراي اعتذر وشيلي شعرج مكفوش لمي كله او شمري حجاب على راسج لان هوايه زلم صح ممحجبه بس زلم وغرباء..

حـاضـر بــابـا اهم شي راحتك:..ونزل بـابـا واني غسلت وجهـي وشمرت شال(حجاب..مجنت محجبه بس)  عيب زلم هوايه لخاطر بابا..نزلت عمر شـافـني يلا عيـني عالسريع فضيها خاتون مسويه ساحات معارگ ولله لو ما بابا جان هسه انتي ميته

مهتميت لحجي عمـر وطبيت وتلكالي حسين ويتحلف اليه ولله اندمج ويحجي مهتميت

عمـاد(ابو حسين): ولله شون زمن بنيه  هل كدودتها تضرب ابني أنـي لاهايه واكفه  وين اكو بنت تضرب ابني اني كلها ميته علي وهسه فورا تعتذرين واصلا قليل الاعتذار المفروض تبوسين رجله!!

طيبه:لاصدك ابوس رجله على شنو ومنو انتو وشنو حتى ابوس رجل ابنكم  وهوا الي خطأ صارت بالعكس واني الي اعتذر وابوس رجله أصلا اعتذاري اله كلش هوايه! ماعندي غير هل كلام يعتذر اعتذر

حسين:شو لسانج طويل تردين اكصه لوشنو هاي  الزلم مو بعينج؟ انتي يرادلج تربايه من جديد على ايدي لان محد رباج زين صلفةة!!