لاتختبر صبري
البارت الثالث عشر
بقلم زهرة الاقحوان
مااعرف ليش حاسه وراه غايه من طلعته وياي
على كلآ لااسبق الامور
فتحت الكنتور
وظليت صافنه بيه
اختاريت فستان اسود طويل ضيق جدآ من جهه الصدر والخصر ومن الاسفل كسرات
لبست حذاء كعب ماروني وجنطه صغيره ماروني
والشال بيه تشجيره بسيطه
مكياج برزت العيون والحمره لون الاحمر
شفت نفسي بالمرايا
شجاج يادره ودمرتي نفسج
شناقصج تغلطين هل الغلط
اووووووف
اخذت نفس رشيت عطر
ايمن : 😳
ليش ماتلبسيلي هجي الي
انا يمي لومريضه لو نايمه
دره :اذا تريد تلومني وتفتح موضوع
انتظرني انزع واغسل وجهي واجيك😒
بالنسبه للعتب كلش مويمك
وينه كلامك ودلالك لو وعود كاذبه
تدري المرأه ليش تتغير وانتم تلوموها
من اهمالكم وكذبكم
اكمل لونطلع 😒
ايمن :صعدي
شنو هل النبره بالكلام ليش متغيره هاي اكيد رجيوه غيرتج
دره :وشلون تغيرتي وهي ولاحجايه تحجي وياي
ايمن :شوفي دره تدرين بيه شكد احبج
كنت افكر اسوي المستحيل في سبيل اتزوجج
دره :لو مامتزوجني احسن
اذا اجمع الايام الي انت بيها وياي
10لا هواي عشره
هم حاسبه اسمه زواج هذا تعرف انت من تتركني وحدي وبدون ماتسأل او تحسسني انت تخاف علي بالك يمي
شيصير
اكره نفسي احسن ان غلطت عمري اتزوجت بشخص مااعرفه
شخص ضحك علي وسخر مني ومن تفكيري البسيط 😭😭
ايمن :شبيج دره لو ادزي ماكتلج نطلع كلبتيها مناحه
دره :انت الي خليتني احجي
لان انا تعبت تعبت
ظلت يضرب على السكان ويصيح
وكف السياره
ايمن :كاااافي كااافي
بس كلولي وين الكه الراحه
الله منتقم علي الله ماناوي يهنيني بحياتي
بَس 😡 ولاحجايه مااتحمل
دره :سكتت لان كان كلش عصبي
كانت بس دموعي تجري
ابجي على حياتي الي حطمتها بيدي
ايمن : دره اعتذر بس انت استفزيتيني
لزمت ايدها
تدرين انت حبي وحياتي وروحي
بس عذريني هل اتشوفين
انا بمحتار بالكل محد احتاربيه
جهالي متبهذلين كاتلهم الوصخ
دره ؛امهم مريضه ماتكدر تنظفهم
ايمن :هي من اول مااتزوجتها وصخه قذره
موتتني جنت اتمنى اطلكها بس كسرت ظهري بالجهال
دره :اي هم حقك ضيعت عليك فرصة تزوج موظفه وياك
ايمن :منو كلج كولي😡
دره :هاي شبيك
محد كلي خمنت وطلع توقعي بمحله
ايمن :لا هذا مو كلامج اعرفج انا كلش زين
هاي رجويه الادبسز
دره :اخذت نفس وبهدوء
كافي تعبت خلي ننزل ونسد المواضيع
نزلنه مطعم شعبي
كانو الرجال اكثر من العوائل بيه
أنت تقرأ
لاتختبر صبري
Ficción Generalكما رفعتك عاليآ لتصبح نجمآ في عالمي اسقطك كانيزك لتحرق ماتبقى لك في داخلي للصبر حدود فتاة تجاوزت كل حدود الصبر لدرجه لاتستطيع ان تعطي اكثر قد نفذ كل مالديها متابعه ممتعه زهرة الاقحوان
