لاتختبر صبري
بقلم زهرة الاقحوان
البارت الثامن عشر
ضيغم : لحظه بابا انا مااقبل بهل الشي
الكاع هي اغلى شي بالورث كله وتريده تاخذه دره والمن لابن الغريب يروح ليش شنو احنه قابل نشمرها بالشارع
حالها حالنه لاتميزها لان تزرع الكره بقلوبنا الها
احمد :صدك بابا دره وينها وين تخلي ملك بيدها
هذا البيت بعد ماادخله اذا صار هل الشي
- مع الاسف نصدمت بيكم 😡
-يا رجال ماله داعي سالفتك هاي لاتشتت الولد وتزرع التقرقه
بينهم ولاتخلي الماس تطمع بيها
دره :بابا اكدر احجي
انا مااريد شي منكم ايكفي محتويني ومداريني الحياة مو كلها املاك واراضي وفلوس هذا ايمن يملك الدنيا كلها وينه هسه
سوى وكاله للمحامي ويدزولي النفقه لان هسه هو عاجز وحتى اهله ملوه انا اريد ناس اريد اهل واخوان سند وظهر
مااريد ورقه تخليني اخسر احباب قلبي
صح حجاية امي
ماهمني الكلام الصار لكن خلاني اراجع نفسي
مالازم احتاج لأحد انا وابني لازم ابنيلي مستقبل
مااخلي الناس تستغل وضعي
وبنفس الوقت استنسخت اوراقي وقدمت على امتحان خارجي
وماما ماقصرت وفرتلي كل اجواء الدراسه
وتشجيع من الكل والي شجعني اكثر كيف الناس كانت تستضعفني
لاشهاده ولاوظيفه
قدمت الامتحان وكان عندي امل بس الخوف مسيطر علي
ان ارسب وافشل
لكن الحمد لله نجحت
بس مااكدر اقدم على الاعداديه لان مشوارها طويل
وصعب علي اكمله سجلت معهد فنون
كنت اعشق الدراسه بيه
اكتشفت عندي هوايه مواهب مكنت ادري فيها
ثاني سنه معهد تعلمت كثير شغلات
خياطه ورسم حسيت نفسي فنانه بديت اسس عمل
اشتريت مكينه بسيطه وبدأت بخياطة ااستائر لبيتنا
وكان اي شخص يزورنا يعجب فيها
وبدات الجيران والاقارب
وشوي شوي توسع شغلي الى فساتين ومكان اي شي يصعب علي بالخياطه زاد دخلي
وبديت اعوض ماما وبابا على تعبهم اشتري الملابس والهدايه
الهم ولبسي وحتى اشتري ذهب من دخلي
بدون ماامد ايدي الى اي شخص
تخرجت وماكنت افضل التزم بدائره حكوميه
قدمت على روضات كثر
بس كنت القي الرفض
هيثم :ماما اليوم الاجتماع مال اباء منو راح يحظر وياي😔
دره :وانا وين رحت انا ابوك وامك وكلشي
هيثم :اريد بابا
دره : 😡محد يروح حتى انا مااروح اذا ظليت تلح
سكت وكل عاده يزعل بس شسوي مااريد ادخله بحياة
مايستحق يتعرف عليها
انا تريده غير
ثاني يوم لبست ورحت وراه للدوام
اول مادخلت
لكيت رجال كبير بالعمر بس مبين عنده مسؤوليه اومنصب
أنت تقرأ
لاتختبر صبري
Ficção Geralكما رفعتك عاليآ لتصبح نجمآ في عالمي اسقطك كانيزك لتحرق ماتبقى لك في داخلي للصبر حدود فتاة تجاوزت كل حدود الصبر لدرجه لاتستطيع ان تعطي اكثر قد نفذ كل مالديها متابعه ممتعه زهرة الاقحوان
