بقلم زهرة الاقحوان
زينب :اكولج دره تعالي عندي حجي وياج (زينب زوجة شاكر )
دره :خير كولي
زينب :تعالي ندخل بالغرفه مو هنا
دره :دخلنه لغرفه امي
كولي زينب شبيج قلقتيني
زينب :دره انريد انخطبج لعلي اخوي
انت ماشاء الله حلوه وهسه صايره تجننين ومؤدبه واعرف اخلاقج
دره :اخوج مامتزوج دوريلي بنيه حياتها جديده
انا ماافيدكم
زينب : مانريد احنه مقتنعين بيج وهو موافق
توكلي على الله ماتخسرين
جمال
واخلاق
وشاغول كافي شوفي حياتج لشوكت تعلكين نفسج ..
دره :سدي الموضوع زينب مااريد هيثم يسمع شي وهو بدون كلشي
صايره تصرافاته حاده وياي
الله يخليج عذريني
ماافيدج انا ان شاء الله تلكين بنت الحلال الي تسعده
-ها الحلوات كاعدات شبيهم
زينب :تفضلي عمه
ماكو شي حسبالي كعدتي تجيب نتيجه
-ليش شصاير
زينب :خاله تعرفين اخوي علي شلونه
-ورده الله يحفظه
زينب :ردنه دره الع بس ماترضى
-ليش يمه العمر يمشي
وانا وابوج مادايميلج اتزوجي واستقري شوفي حياتج
وخلينا نطمئن عليج
دره :عمركم طويل ومحد يفيد احد بهل الوكت
مااريد اجرب حظي مره ثانيه
ايكفيني هيثم 😔
درت وجهي وطلعت
اختنكت مااتصورت بيوم تخلص سعادتي
وحظي يتغير
اخذت نفس ورجعت يم اخواني
اعرف العمر يمشي
بس مااكدر اتجاهل كلشي عشته بسهوله
صار الليل واخواني رجعو لبيوتهم
بابا وماما نامو من التعب
هيثم كان كاعد يتصفح بالتلفون
اقتربت منه
حبيبي هيثم مشتاقه العب بشعرك
اخلي راسك بحضني
اشتم هوى انفاسك
هيثم : التفتت عليها شفت عيونها مليانه دموع
ماما انا هم اتمنى اتقرب منج
دره :اي حبيبي تعال
هيثم :بس صيري واضحه وياي ماما الله يخليج
ليش تعبيني وتعبين
انا احبج ليش ترديني اتغير عليج وتخسريني
اريد اعرف حياتي واعرف والدي وين
اريد ازوره اصيحله بابا مثل الناس
شوفي ولد خوالي شلون ابائهم وياهم ماتنقهرين
علي اريد اب اذا ميت كوليلي ليش اظل اتأمل
جاوبيني 💔
دره :نصيت راسي
هيثم :يعني متحجين 😡
مايفيد وياج شي تحبين تأذيني انت مو ام انت عدوه
دره : خليت راسي على كوشاية القنفه وظليت ابجي واحاول
اخفي صوتي
شفت ايد امي على حظني
-بنتي مايصير من حقه انت جاي تظلمينه
خليه يعرف حياته وهو جبير هو يحكم
ليش تاذينه راح يكرهج
دره : مااكدر 😭😭😭يوم موبيدي
متأكده يروح ويتركني بس يعرف
وتدرين انا ضيعة 15سنه من عمري ومستعده اضيع عمري كله
بس هو يمي
صعدت والعبره خانكتني
أنت تقرأ
لاتختبر صبري
Narrativa generaleكما رفعتك عاليآ لتصبح نجمآ في عالمي اسقطك كانيزك لتحرق ماتبقى لك في داخلي للصبر حدود فتاة تجاوزت كل حدود الصبر لدرجه لاتستطيع ان تعطي اكثر قد نفذ كل مالديها متابعه ممتعه زهرة الاقحوان
