لاتختبر صبري

البارت السابع

لاتختبر صبري
                              بقلم زهرة الاقحوان

                     

مرت الايام وانا حالتي ظلت اتسوء مااكدر  انساه
اكل مااكل ولااحب اطلع من غرفتي
كرهت كل شي
بس قلبي ايكلي  ايمن
😭😭😭😭😭😭
ليش هجي الهي شمسويه انا
وصلت لمرحله مااكدر احس صوته النفس مالتي
اختنكت  مااكدر بدونه مااكدر
راح اتصل بالكي يحجي شي يكلي مااريدج مااحبج
اضحك عليج  يخليني اكرهها

الو
-هلا بعد بيتي
-يابيت هذا منهم 
-ايمن حقج والله وعاذرج ماتدرين بيه
-شدري كول  صارحني احجي برد نار قلبي 😭

ايمن :انا اتزوجت من عمري صغير  ومن بداية زواجنه
حياتي كانت صعبه كلها مشاكل بمشاكل
قررت انفصل عنها
لكن طلعت حامل
اعترضو كل الاهل وكالو لخاطير ابنك بقيها
حاولت احسن حياتي وياها بس ابد مافاد
استمرت سنين وياها صار عندي طفل ثاني
لحد ماظليت اجي الكاها مجويه الاطفال
لو جارحتهم وتكسر صحون
ماظلت تسيطر على اعصابها
اخذناها لساده مراقد مليت خفت على اطفالي
اخذتها لدكاترا اكتشفنه عدها انفصام بشخصيه وكئابه
من انطيها العلاج الحياة حلوه
تنسه حبايه اتصير حياتي سوده مصخمه
والله العظيم والنبي ماشايف طعم السعاده ليش تستكثرينها علي
من حقي اعيش واعوض الي فات

ليش ساكته دره تدرين بنيت احلام عليج ليش ماتقبلين تحققيها

دره :كم طفل عندك وشنو موقعهم بحياتك
ايمن :عندي طفلين يعيشون بين اهلي
ومن اشتاقلهم يجولج خطار

دره :شنو الي يثبت كلامك صحيح
لان انهزت الثقه عندي

ايمن :براحتج تردين تجين تشوفين وضعي
انا مستعد اجي عليج واراويج
حياتي بلكي تحنين علي

دره :شوف لو كان هذا كلامك من البدايه كان حبنا كان مساعده
بس الكذب يعتبر نوع من انواع الاستغلال
تكذب علمود تمشي مصلحتك

ايمن :لاتظلميني انا حبيتج والمعبود الله
هسه حياتي كلها بين ايديج قرري بعد مااحجي ولاحجايه
الي تأمرينه حتى لو ردتي ابتعد عنج مااحب اذيج

دره: من كال ابتعد انعصر قلبي
مااعرف شمسويلي مااكدر اشيله من بالي احبه
وهذا الشي الي متعبني ميخليني افكر
بس اذا كان كلامه صحيح معناته انا ظلمته بدون مااعرف اسبابه

ايمن :الو
الو وينج دره

دره :انا موافقه اتقدم
ايمن :انطيني العنوان اليوم نجليلكم
انا دريت بيج مراح تعوفيني
ولج والنبي اموت عليج

دره :بيتنا بمنطقه  .......... قرب ......
ايمن اندليته حسبي ساعات ونجيلج
دره: بس حسب حساب اهلي بعيدين عن الموضوع
ولا انا احبك
ولااعرفك