تيليفون بين واءل وريحاب مابقاش كيتقطع وعلاقاتو بفاتي غادية وكترجع اللور . حتى هي ماقالت والو .. مكملة حياتها عادي .. عادي ماشي اول مرة يدابزو .. مزال غيتصالحو غير خلي الايام هي اللي تجمع بيناتهم . ماعليش كاع المزوجين كيدابزو .
داز شهر على النهار اللي تعرف فيه واءل على رحاب ، زاد تطلق معاها فالهضرة كثر بحال الى ببناتهم عام .
فاق الصباح ناشط كيغني وفاتي فالكوزينة كتوجد الفطور بحال العادة . دخل للحمام دوش راشقة ورجع لبيت النعاس لقا فاتي لداخل كتقاد الفراش وتستف الحوايج اللي طوات . وقف قدام البلاكار كيجبد حوايجو وهي كتشوف فيه بنص عين .. دارت عندو مطلعة حاجبها بحال الى دخلها الشك فاش شافتو واقف قدام المراية كيمشط شعرو ويقادو ... استغربات من هاد الاهتمام الزايد على العادة وقالت
فاتي: فين غادي بالسلامة؟
وقف مطلع حاجبو كيرشح الريحة : غادي نصايب شي وراق ... عندك شي مشكل ؟
فاتي : ومالك على هاد اللباس .. لابس السروال جديد والقميجة جديدة والروايح ... ياك غير وراق!
دار شاف فيها وقال بابتسامة صفرا : نمشي بجلالتك حسن ... خليك فداكشي ديالك وديها فشغلاتك... فاش تمشي نتي تصايبي شي ورقة سيري حتى عريانة شغلك هاداك .... انا ماشي هوا نتي سمعتي
فاتي: بعصبية) ومالي انا كي جيتك؟ بزااف عليه نسيتي كي كنتي كدير عليا ولا نفكرك؟
واءل : ببرودة ) نسيت اختي ... والله يرحم باك فوتيني عليك هاد الصباح وسيري شوفي مك راه تكون محتاجاك فشي تخمال ... وماتبقايش تدخلي فيا كفاش نخرج وكفاش ندخل .. ماشي نتي اللي غتعلميني اش ندير .
لاح الفوطة بالجهد فوق الطبلة دالمراية وخرج خلاها واقفة فبلاصتها مصدومة .. زدح باب الدار ومشا .
تزير صدرها وتحجرو الدموع فعينيها وجلسات شادة وجهها ببن يديها كتبكي .. شوية سمعات الدقان وناضت فتخات لقات جارتها بواحد الجلابة والصابو كتفرنس
الجارة : يالاه معايا نجيب اية
كان وجه فاتي حمر وعينيها مزيرين .. هزات راسها ودارت يدها على جنبها وقالت : طاكسي انا ! فين ما تبغي تجيبي بنتك دقي عليا ؟
تصدمات الجارة وقالت : اويييلي مالكي !! مال هادي اويلي!!(شافت فجنابها) واش معايا كتهضري ؟!!!
فاتي: اااه معاك نتي ... وهادي اخر مرة تحطي يدك على بابي لا نتي لا دوك صحاباتك سمعتي .
زدحات ليها الباب فوجهها ودخلات لبيتها عطاتها للبكاء والنحيط .. شوية سمعات الدقان عاوتاني وناضن مغزفة حلاتو لقات جارتها الثانية
الجارة : فاطمة الزهراء ! مالكي مع سعاد ؟ ... ياك لاباس
خرجات فاتي فيها عينيها وقالت : هادا هوا شغلك ... نهار ومطال ونتي من دار لدار ... ضرك راسك باغا تعرفي ؟! ولا جايا ديري ليا فيها نسيمة الحر ! ايوا داكشي اللي اللي مالي معاها هوا نيت غنعاودو معاك نتي .... ايوا سمعيييي... هاد الباب ماتعاوديش دقي عليه وسيري نشريها ليهم كاملين ... يالاه سيري
أنت تقرأ
بنت الحومة
Короткий рассказقصة جديدة كتهم أي بنت بالأخص القادمات على زواج ، قصة الكاتبة :ghazal trust ?
