ذنبي فتاة
البارت لاول
كعدت الفجر على صوت صياح الديج عععععوعو
رحت اتوضيت صليت اخذت طاست العجين
وصينيه خليت بيها طحين لحتى( ادولج)اسوي شنكات
يمي طاسه زغير للمي حتى املج وسوي شنكات زغار 2
كملت خليت صينية الدواليج حتى (الشنكات)يرتاحن
حضرت( المطال)الاقراص ناريه تنصنع من براز البقر
والخشب وشعلت تنور الطين علما تخفت النار اخبز
رحت خليت غوري الجاي على (الجٍوله)كعدت عمي وزوجته
حتى يتريكون خبزت كملت الجاي رحت على الروبه الي خثرتها بليل طلعت طاسه فافون بيها الروبه صاكه والكشوه صفره
الكيمر العرب مغطيته بوصله بازه صاير صاك يخبل
طاست الاستكاين خليت بيها مي فرشت حصيره
زغيره بلحوش وجبت الخبز الحار وصينية الريوك
الي بيها وطاست الاستكاين كعد عمي وحرمته
هلا بفاطمه شونج يابعد عمج اغسل وجهي واصلي واجيج ايباه بعد عمج شون روبه شون كشوه صفره +
ربي يحفظج بنيتي والله جاي دارينا اكثر من بنياتي
فاطمه:مشكور عمي وانت هم امداريني مثل بنياتك
ام محمد:هلا بفطوم ربي يوفقج ليش ماكعدتيني اخبز
فاطمه:لا عمه اني بعد كبرت عليش اكعدج دام اعرف
ا يله خل نتريك وروح نحوي الزرع اني وياج عمه
ام محمد:يله بنيتي
فاطمه: بيتتا عباره عن حوش ساحه جبيره
واكو اتلث غرف حولي وحدي الي وحده العمي والعمتي وحده ديوانيه
والحمام صاير بلحولي كملت تنظيفن بلمكناسه
يله عمه رح البس الشيله كملت خل نروح
ام محمد:هاج يمه هذا جًلاب بي شذره زركه يحميج
من الحسد عين البارده عليج عمه صايره تخبلين
على امج الله يرحمها وماخذه ارموش ابوج الله يرحمه
فاطمه:اشكرج عمه فدوه غديلج عمه
هذا المنجل حديته مساع بصبابة الكاع حتى نحوي بي وهذا (الشكبان)سله من الخوص مصنوعه
لفيت الشيله وخليت الجنكال صفح
لبست العبايه وتحزمت بيها احضر نفسي للحوي
وطلعنا تمشينا اباوع على طريق التراب أصفر
يخبل بي بروده لافحته من هوه الصبح
اعاين هذا رجال يكود بجاموسته
هاي مريه تمشي( بلحلال)اغنام
مريه شايله صينية روبه تروح للولايه تبيع
اشكد احب قريتنا بيها كلشي صافي وحلو
اسولف اني وعمتي ام محمد
عمه شوفي ام طرار تركض ورى ابنها مايلبس بجامه
-اي عمه هي دومها تلكيها تتناكر وياه علبجامه
ههه اي والله اني الصبح اذا مااشوفها وطلايبها
وي جهالها هيج الصبح
الله عمه شون هوه حلو من واحد يتعدى الزرع
وريحة الخبز النسوان يخبزن حلوه
شو من اخبز اني مااشتم هيج ليش عمه
حتى البيض من نتعدى اشتم ريحته طيبه
ومن اكلي اني احسه زفر
ام محمد:ههههه فلشج افطيم بلعكس اكو اطيب من اكلج يخبل مال وحده معدله
يمه قريتنا تخبل ابس شنسوي لليخرب الزرع ويجفف الهور جان قبل سنه جنه وربيع
فاطمه:كعدت احوي الزرع بلمنجل وخلي بشكبان
وعمتي وياي ساعه تكعد ساعه تحوي احب عمتي
باوعتلها الله يحفظج عمه كعدي لاتعبين والله اني
اشتغل شغلج و احوي رحت طلعت كوز المي اطيتها
شربت اشوي تعبت رحت يم عجرف الشط
مديت رجلي وهوه الهور يطك بوجهي وريحة المي وتراب تدخل الخشمي المي بي كلش حلو
بس حرامات باقي قليل بيه جان قبل يخبل
دهله ماتدكر تمد رجلك بيه لان منسوبه عالي
اجو جلاوزة صدام جففوه ياحلاتك جنه وخربوها
بس بعده حلوه بللت وجهي رجعت العمتي
لكيت يمها جارتنا ام طرار
ام طرار:خيه ابني شاف افطيم ونعجب اريد
اخطبها اله شدكولين ولدج ازوجو كلهم جان كلت انتي ترديها الولدج وابني طرار عنده خير من الله شدكولين
ام محمد :خيه توها خمسطش سنه بعدها زغيره
ام طرار:خيه دام غسلت صارت حدثه
وابني خوش وحيد يحافظ عليها
ام محمد :بس هي ايدي ورجلي وكايمه بيه
اني وعمها البنات كلهن تزوجن ومحد تنشد كلمن
ملتهيه بيتها اذا ولولد تزوجو عزلو ابسعهم بصرايفهم
اذا ازوج فطيم منو الي
ام طرار لاتوكفين بغسمتها دام غسمه زينه
فاطمه:سمعت حجي عمتي كلش انقهرت
لازم اروح احجي واسد الموضوع عمتي تنقهر
وتتمرض واني محد الي بهل دنيا
فاطمه:شونك خاله ام طرار شون صحتج
طيتها كوزة المي وكعدت تربعت يمها
خاله:اني بلا قصد سمعت كلامج وي عمتي
خاله محشومه انتي وابنج وانتم جوارينا
ماشفنا في يوم باطله لو عيبه منكم
وتنحطون عل عين وراس بس اني
عاده روحي زغيره مو مال زواج
ام طرار:يا زغير بنتي بكدج وبحلج
جبتها اني وامج نفس اليوم طلكنا
بنتي عدها ولد وهسه حامل بشهر
فاطمه:ربي يسعدها بس اني باقيه
وي عمي وحرمته محتاجيني
اكثر وربي يفتحه بوجه طرار
اام محمد:يله فطوم عينيني خل روح
مادامنا نتمشى بنيتي ليش رفضت
فاطمه:اذا اقبل منو الكم
ام محمد:اي والله بنيتي بناتي عافني انتي
بقيتيلي بس شنو ذنبج
خاله ذنبي اني احبكم واريد ارد جزء بسيط
من تعبكم وتربيتكم الي بعد وفاة اهلي
دامنا وصلنا رح اكلم باميه وعدنا لحمات جوه الحب
ضامتهن وسوي تمن عنبر للغداء روحي تمددي واني
ازهب الغداء
ودخلت زهبت الغدا واني اكلب بجدريت التمن
اذكرت بيوم ماتت امي جان عمري خمسه مدري
ست سنوات المهم اذكر كاعده يمها بيها دنيا ليل
واختنكت وجسمها نمل وصار بارد جانت نايمه على
الحصيره اطتني محبسها ذهب بي شذره
مكتوب عليها ياالله مخليته بخيط مغزل
لبسته بركبتي ضلت امي فاتحه عينها
واني حاضنتها من اليل لحد الصبح اجى
عمي جايب الدوه الامي عرفها ميته
انقهر عليها واني اكلهم ماميته
وجروني ولفوها وشالوها من يمي
اخ يايمه
انحرمت من اقدامج
االي جواهن الجنه
ونحرمت من كلبج
الي كله محنه
أخاف احجي وتفز الروح.
واخاف اسكت واضل مجروح
خايف من تصد العين
اعاين عالكلب مذبوح
ماريدك حلم بالليل
واشوفنه الصبح مسموح
ما ريدك عشك يومين
وثالث يوم عني تروح
وما ريدك تكلي اهواك
أريد ااانصير رووووح برووووح
أنت تقرأ
ذنبي فتآة
General Fictionهل گونگ فتآة ذنب آو گونگ يتيمـة ذنب هذة قصـت فتآة. يتيمـة. آحبت ولم يحآلفهآ آلحض وقتلت علئ يد.آعز آقربآئهآتحگي قصـتهآ آمـرئة
