ذنبي فتآة

آلبآرت10

ذنبي فتاة
البارت العاشر ولاخير
انطرح بس ما نام مثل الينامون

مو ملح صم.. حسبات طايح بالعيون..راقت

ضليت الوب بروحي اروح للبيت لولا ياربي شهل شده الي اني بيها الدكتور يكلي بدلي ملابسها
وخاف ارجع وحدي خالد يستغل الفرصه
بقيت واكفه باب الغرفه مال مستشفى وافرك بيدي
اجاني العيبي من بعيد يتمشى
-اي خويه فاطمه كًولي شبيج محتاره
-خويه ارد اجيب هديمات البنيتي وخاف ارجع مااندل وبنتي هدومها مبلله

-:لاخويه خل نرجع للبيت المستشفى بارده
حتى بطانيات مامش(لايوجد) وامي تكره الطبيب
-خوش خويه رح اجيب بنتي اي الحمد الله
طلعنا واني كل الطريق فرحانه ولا اتبهذل
بشوفت خالد واني اكول احمدك ربي
لو رايحه شنهي حالي وصلنا للبيت
دخلنا للبيت وجيت اخذ ام علي الغرفتها يمي
ماقبلت.كالت
أراد انام بلهول لان اختنك
فرشتلها جودليه الها ونامت بلهول
اخذت بنتي ورحنا نمنا بلغرفه لان بنتي تبجي اشوي وخاف متنام ام علي نامت بنتي كوه
الباب مال غرفه مابي قفل اشسوي
خايفه من خالد لان من دخلنا يلعب
يباوعلي من فوك اليجوه
ومن فرشت هم يباوع يربي مو هذا اخو رزن
ضليت الحد اتلاثه بليل
كًوه نمت بلاربعه الفجر فزيت
ايد على حلكي خالد فوكاي وعيونه حمر يخوفن
-بس اصرخين اقتل بنتج اذبحها
-لا خويه داخله على الله وعليك..
قاومت دفعته ضربتها صرخت غرمشته
وهو يضحك عليت صوتي محد سمعني
بنتي من صريخي ضلت تبجي ..وووو
كام من يمي ويضحك..
-بس تحجين الواحد اكلبها عليج اكلهم هي غرتني
-ياحقير. طلع كعدت ابجي..والطم وجهي
الحد وجه الصبح
اذا اسكت يعيدها وذا اشرد محد الي
طلعت من الغرفه اكلهم لو لا بس ليش محد سمعني
ام علي بله ماخذه دوه بي منوم
بس العيبي النجر وينه..رتبت البيت
وحضرت ريوك الام علي دخلت عليها كاعده كالتلي
-يمه فطيم الدوه مال سكر قوي
سمعت عياط مدري صريخ هاي انتي
لو جوارينا ارد كلها خاف مصدكني..
تذكرت العيبي ذبانا عل بيت وراح وي صاحبه
لازم اكله احسن بين ماارتب و طلع الردي خالد
فات من يمي ويغمز طلع من البيت
واني محتاره بدكته بقيت يم ام علي
الحد العصر..تركتها والبجي اخذني واني متانيه العيبي يجي واكله على اخو.
لازم يصدكني
طيت دوه الام علي صعدت للسطح
اشر اهدوم ....واجاني خالد
ضخم اني كدام جسمه وطوله مااكدر اسوي شي
تكرب شك ثوبي وشماغه على حلكي اغتصبني
بين ما هو فوكاي ...اي يارب
اسمع صوت العيبي الحملي خويه شافانا
العيبي:يلحقراء تستغفلوني جر اخو
ضرب اخو بوكس
خالد:خويه والله هي تغريني وتجي يمي
واني شاب تضرب اخوك
علمود وحده جابتها امي من الشارع
لانعرف اصلها لا فصلها
وسوه روحه بريء ويعاتب اخو
فاطمه:خويه فدوه اغديلك لا صدكه هو والله
ارد بس استر على روحي
هو البارحه اعتدى علي ردت اكلك
بس انت مااجيت نطرتك
لعيبي:بي ضوجه ويحجي يعني البارحه همين
تقرب علي متعصب يضرب بيه ويضرب
جر اعصى بلكاع
ضل يضربني بيها طكاني براسي
حسيت الدنيا ضباب دخت طحت للكاع اشوفهم راحو من يمي فزيت لكيت الدنيا غربت(المغرب)
كمت ورجلي ماتعيني من الضرب بعد لازم اشرد
مايصدكوني ردته بس يجي واكله
هو بطى مدري وين راح وامه مريضه ماكلتلها
خفت عليها
لان حبيتها ودارتني
نزلت والوجع والتعب عود مثل الناس
استقريت وارتاحيت بيت ودفو
طلعلي خالد أخذت بنتي وطلعت من الغرفه
لكيتهم كاعدين سلمت على ام علي
والعيبي اجى يضربني بعد مره
وامه صارت حاجوزه .. طلعت
وذا ابقى يمهم خالد يرجع يعتدي من يطلع اخو هاي هيه بعد الرحمه عند ابو خيمة لبست عباتي وشردت
والدمع بس هو الوفي الي ماتركني
يمشي وي ممشاي
ضليت افتر وتعبت عبرت المنطقه مال بيت ام علي
ومدري وين امشي تعب جوع اكعد اشوي ارضع بنتي
منا الحد ما صار اليل
مااحس بعد لا بخوف
لا بحزن لا بقهر الدنيا غسلتني ولبستني
وعجنتني وخبزتني تعب
ماادري عدها طلابه وياي
مدري اجيت ابساعه سوده هل الضيم ولاني
تعبت من المشي وصلت مكان قريب على قريه
لكيت شجره برد وخوف نمت جواها
نمت اني وبنتي اثنينه تعبانين منا الحد الصبح
كعدت على صوت الناس تمشي وتروح
هذا اليطني ربع دينار هذا نص
كعدت لكيت يم عباتي
فرحت بيهن كمت على حيل جوع وعطش
تمشيتة اشوي لكيت مريه تخبز بتنور طين
اطيتها الفلوس الها اطتني خبزات وماي
تالي عمر اجدي(متسوله)
تذكرت الزلمه بلأمن من مسوي روحه يعرج
وشاد تك عين بلفاف عود مجدي
ضليت اضحك على روحي على حضي
رجعت للشجره بعد خوش مكان
شفت ام طرار جارتنا الي خطبتني الابنهاصحتلها
ضلت تبوس بيه وينكم فطوم
وين صفى الدهر بيكم
-ام طرار الدهر والاني وهاي قصتي كامله
بلا ماازود بيها كلها يمج سولفي للناس قصتي
ام طرار:هاي انتي فطيم حملتي كل هل ضيم
ليش يمه تعاي وياي ولا اخلي واحد بعد يذلج
فاطمه:صدك خاله ام طرار والله عذريني
من ماقبلت بطرار بس علمود عمي وعمتي
جنت اشوف عمي وعمتي محتاجيني
فكلت ماازوج الاجلهم.لازعلين
ام طرار:ولج تتعذرين على شنو
هذا كله الجره عليج
وتتعذرين
والج هاي الدنيا تمشي اعوج وي الناس... وتنعدل وانتي مشت وياج اعوج... بعوج
فاطمه:الحمدالله خاله شسوي بعد بس والله هاي قصتي وداعت بنتي وروح امي وابوي
الماشبعت منهم مازودت ولا نقصت شي
ام طرار:مصدكتج خاله يله كومي
تالي عمرج اجدين
وبهل لحظه فاتو اثنين زلم اي شوفي ام طرار
ذول ولد عمي محمد وحميد
هسه رح ارتاح رايحتلهم خاله هاي قصتي
من شوفين بنات عمي كرابتنا هيج سولفي
-ولج ضلي يمي هم صاحبين عويل
شفتهم متغيرين مو مثل كلما يشوفوني
الدنيا غيرتهم
ام طرار:باستني فطيم واخذوها ولد عمها
ردت امنعها ماقبلت الا تروح وياهم
حضها مدري الله يريدها ترتاح من الدنيا
هاي قصتها سولفتها الي
واني قبل لا اموت سولفتها الوحده من بنات عمها هي السولفت الكلام كله
وتحجي وهي تبجي
بس اني رح اكللكم اشصار ابفاطمه من راحت وي ولد عمها وشسوو بيها شوفي ابنيتي
فاطمه من اخذوها ولد عمها
تمشيت وراهم تبعتهم
جانت الحرب منتهيه مال كويت والعراق
والأنتفاضه شعبانيه
تبعتها الشعب تعب من الحروب والقتل
فسوو انتفاضه بس خربت
وانتهت الحرب . والانتفاضه ..خلصت
وراها النفوس الناس هم انتهت..وخلصت
صار الاخ ما يريد اخو
الاخت متريد اختها
والصله رحم جاي تنتهي
الا القليل بقو محافضين عل محنه
من ضمن النفوس الي انتهت وضاعت وي الحرب
ولد عم فاطمه..
طلعو من السجن بيهم حاله نفسيه من التعذيب
ومن كد ماعذبوهم لأن خونه
صار ولائهم للبعث ولأء جنون
خوف رعب من التعذيب
اخذو فاطمه المكان مثل الصحرى بيه قريه كلش زغيره اسمها قرية (أعمشه)
تكربت ورى نخله اسمعها دكلهم رح تكتلوني مو
بس ليش بلا سبب انتم اخوتي
جاوبوها شوفي فاطمه انتي اخذج النقيب
وهذا النقيب حمزه التكريتي
وكلها تعرف هل نقيب
من ياخذ حرمه شيسوي بيها
لازم يفعل ويغتصب
ومن صارت الانتفاضه المعارضه كتلو ابو عمار
وفتحو السجون وطلعونا
ولوماابو عمار يموت جا هسه احنا معدومين
وهسه النقيب حمزه التكريتي يدور عليج وبس يشوفج يدك ناقصه وياج ويفعل بيج
ويسئلنا على حملح وشجبتي ابنيه جبتي لو ولد
واحنا لازم نغسل عارنا
قبل لا ينداس
واحنا بعد مابينا حيل تعذيب
وسجن الشفنا كافي علينا هوياتنا شفعتنا
اسمعها ادكلهم اني مااطيتي شرفي الأي واحد
والكم اني فاطمه تربيتكم
لو اطي شرفي جا اني بقيت يم ام علي
قلاها بيت عدها... ودلال
ليش هيج محمد حميد
مو احنا ضكنا التعب سوه
ضكنا السجن سوه
مو محد الي بلدنيا بس انتم
مو انتم عادين اختكم
محمد خويه مو ادكلي انت
اني مثل بنتك زهور.... ليش تحجون هيج
ام طرار:اسمها تحجي وتبجي كعدت فطيم
بلكاع كلتلهم ...شرح اسوون هسه
تكتلوني... وبنيتي..لا
حميد راح جاب بانزين
ومحمد حفر.... كًبرها... وهي كاعده وتبجي
ماخلوها حتى تبجي
اني رحت اصيح ابني ..بس شفتهم
نزع اشماغه حميد.. وشد حلكها
كلتلهم..كتلوني بس اخذو بنتي
اذا تريدون تكتلوني.. عاد ربوها ماعدها ذنب
فدواتكم لاتكتلوها طفلها ماطالعه اتلث تشهر
وماعدها ذنب والله ذنب مابيها
محمد:لا عدها ذنب ذنبها حرمه وانتي حرمي
لو ولد جا ناخذه انربي
حاله من حال ولدنا بس... حرمه.ذنبها نولدت مره
خلوها بلحفره وشدوه. ايدها ورجلها
وخلو بنتها يمها
وذبو بانزين عليهم وحركًوهن
وصريخها على وتالي هفت
اني من الصدمه صكيت ذبو تراب عليها دفنوها
ام طرار قبل لا اموت ياابنيتي زهور
هاي قصة فاطمه شفتهم شون حركوها
وهم شماشمه سكتت ورى ماطبت من الصدمه
لان بس احجي عليهم.. واكول
ترحون كلكم برجلين
حركو فاطمه هي وبتها ماتت فاطمه
وعمرها اسبعطعش سنه ابمكان قريب على قرية(اعمشه)وهذا الحجي بداية التسعينات
والمكان جان صحرى ترابه صفره ماتنزرع
نبتت مجان الحفره الي دفنو بيها فاطمه ..سدره اي سدره