ذنبي فتات
البارت السادس
فاطمه:من دخلن نسوان الشيخ قنعني اشرد
وضلن يلحن طلعت شردت
بس رجل تتقدم رجل ترجع
طلعت الباب هوسه عبرت من ورى
البيت واني اركض وجاي اوصل للطريق
شفت ...شيخ ابو مطر.. شون جن امتانيني
من الخوف ماادري شبلاني
ركضت وهو لحكني ولا دكول شايب بي حيل سبع بس شمدري هو اني طالع من ورى البيت
لحكني وكضني من ايدي ويجر بيه
واني اتوسل بي يعوفني
فدوه ابو مطر ترى..مظلومه
جرني حيل و شمرني بلحوش مال بيته
ولده بناته ونسوانه واكفين وكل عائلته
نسوان تلاثتهن واكفات يظحكن
وحده تأشر لثانيه علي غدرني وزنه علي
ام مطر :هاشيخ مو خبرناك راحت تشرد الصاحبها
شفناها من طلعت وهي خايفه
وانت دكًول خامه زغيره
خل تفيدك جابتلك العار دنجت علي وتحجي
استوجٍ عاقده على شيخ وتاج راسج
وانتي تنهزمين
تفلت علي(بصق)
-انتي كتيلي شردي يظالمه
ابنه الجبير رفسني..ولج تحجين على امي ياسكط
نسوانه اثنينه يضربن بيه
صاح عليهم هاي حرمتي اني اربيها
وخرو منها تمدون ايدكم عليها
-اي والله شيخ هن كاللي شردي
جراني من شعري حيل ودخلني للغرفه
واني الخوف ماكلني طلع اشوي
كلت هاي هيه رح يذبحني تشاهدت
بس رجع بيده واير ابو ااسيم
ضل يضرب بيه ويضرب ويغلط
ياتايهه فوكً ماالفيج هيج اسوين
وكلما اريد اشرحله يكتلني تعب
وتمدد على جربايه ونام
واني الوجع والدم مشى بيه مااكدرت انام
لان بكل مكان وجع
امداني صدكتهن تالي هيج يردن يصير حالي
من الوجع نمت..جسمي تجنز
كعدت الصبح على صوته فزيت
كًومي خدامه يرفس برجله بيه
تالي عمري زعطوطه اجيبلي العار ياحقيره ياعار
والله ابو مطر خليني احجي بس اسكت اسولفلك
ارد كله يلطم حلكًي بيده والله شيخ انت تعرف
الحكًوكً تريد حلوكً...وانت متقبل اشرحلك
نهضت واطيح جرني من كصيبتي وووو تقربلي؟
طلع...نافش ريشه..
ونسوانه دخللي واني موجوعه من الضرب
من عنده تقرب مثل الوحش
استلمني ضرب غلط وخدمه..من لليل
اروح للفراش خاويه من التعب
يجي هو يرجع يغلط يل تايه يل عار
جاي شردين وي صاحبج يكتلني وينام وياي
من يخلص يرجع يرفسني وينزلني من الجربايه
لاتنكسيها العار 1
بداء عذابي بيت شيخ مطر مالي بس الصبر
مافات يوم الا يضربني
وهنه يغلطن خدامه النسوانه ولولده ونسوان ولده
هدوم كنسح مسح طبخ خطار
كل مره اكول اشرد بس وتالي
باسم ماكو خبر من عنده..ولد عمي ضاعو مدري وين
نوبات من مايضربني افرح..يرجعن يوزنه نسوانه
مر خمس اشهر من عذاب
يوم اتعس من يوم
وكل يوم قهر جديد وعذاب جديد
واتعلم على الصدعات كًلبي
هي الماعدها اهل هيج حالها
واني تعلمت عل خدمه والضرب والاهاين
بسبب بغير سبب حتى من اني مريضه اشتغل
مر الشيخ بيده عصى راد يضربني طاحت بصبعي
انعوج اصبعي لان من كتلني رفعت ايدي
ونكسر بلعصى الخيزان....... الي يمشي بيها
كتله الوجع اكلني مااهتم اني عالجت اصبعي
جبت طين نظيف من حديقتهم وخليته
الاصبعي حتى يرجع الوضعه لان اذاني
واني الخبز والعجن والتنظيف علي حتى خطار الشيخ علي وهدوم اتلث عوائل علي
من غير الشتايم لازم اتحمل الوجع
نوبات الجسم يخدر من كد الضرب هيج صرت
جنت اخبز بتنور الطين ...
اجاني شيخ ابو مطر كالي تعاي اثنين شباب
يسئلون عليج خليتهم بذيج الصريفه
منو ذول اخوتي لبست عباتي جانت علشباك
وطلعت اتمشى الشيخ كدامي اعاينله حتى محدب
اي محدب من الكبر بس هو جيف ظخم ممبين علي
رحت للصريفه ودخلت واشوفهم محمد وحميد
من شفتهم امل ورد ليه بس الضيم هم لاحكهم وجوهم وارمه وثوابتهم مدمايه
والتعب ماخذهم كعدت اكًبالهم وابجي
ليش هيج صاير بيكم
رد محمد وين امي ابوي لان حميد تعبان
ميكدر يحجي
سولفتلهم على امهم وابوهم والضيم المر علينا
وكعدنا نبجي شافنا ابو مطر نبجي بحركه
وقهر طلع وعافنا
حميد خويه احضرلكم لكمه ونكمل حجي
رحت حضرتلهم اكل وكعدو ياكلون
واني ااعاينلهم ريحت هلي واخوتي وعزوتي
فاطمه:شون اندليتو مكاني
حميد:احنا من شردنا بيوم ابوي ضرب الزلمه
اجت سيارات الأمن وحرس الجمهوريه
ضل يكضون بينا ......بلا هويه
وصعدونا لسيارات حمل هواي شباب موبس احنا
دخلونا للسجن كل غرفه بيها كوام كوام زلم
وجانو ياخذونا كل خمس او عشر يستلمونا تعذيب
لو نتل لو تعليك لو يدكون ايد الزلم عل حياط
من يتعبون من عدنا ويعرفونا بريئين
يجمعونا بغرفه وحده ونظل انسولف
واحد يطبب الثاني غرفه تسمعين بس الون بيها
واني ومحمد لكينا ولد جارنا يبع سمج
سولفنا وياه جان ناسينا..وطينا اسامينا للولد جارنا وذكرنا وعرفنا وجاي نكمل سوالف
فاكو ولد ورانا كاعد يمنه الدم مالي نقهرنا علي
والولد يدارون بي فرحنا علي سئلنا
جان وضعه اصعب من وضعنا بلتعذيب
لان من تعذيب فاكسين عينه
الظابط بصبعه فاكس عينه
كناله وصي شتريد خاف نطلع واحنا نوصيك من تطلع هيج بلسجن واحد يوصي الثاني
ماكدر يحجي لان كل جسمه ينزف
حتى ميكدر يكعد مكمبز
محمد سئله موجوع خويه
كال الوجع(الألم)والسجن أله رجاله خويه
بس المضوجني شي واحد وقاهرني
كتله عيونك شي فكًسوهن
الله يعوضك...بس كون تطلع سالم
كال لا ابد والله مو عيوني
القاهرني وعدت وحده ازوجها
واعدتها اجيب اهلها
وعدتها اسويلها بيت
وعدتها وعدتها وعدتها هواي
ضل يبجي دم مو دمع لان عيونه مفكسه
اول مره اشوف عيون تبجي دم
كناله كول من هي بلجن نساعدك
فاطمه وضل يحجي بيج وبابوي وشون ساعدكم
حميد اجى يجره من دهداشته من ياخته
شون تعرفها ولك احجي
دفع ايدي وكلي....باسم اسمي
بنت عمكم مرضعها حلال
خطبتها من ابوكًم
وحتى لمس مالامسها.... وجيت ادور عليكًم
اشوي بردنا ....من عنده.. لان حجي من صدك
محمد:هدينا لان عبالنا عنده شي وياج
هو الظاهر مو اول مره يكظو بس هل مره ماتيهو
لأن جان هو وطلاب عدهم كتب ممنوعه
فطيم:يعني باسم الشهم هيج حاله وعيونه راحن
غميت كصتي(الله يلعن الحكومه والحزب)
اي اني هاي( الططوه)
دزيته الديرت حرب
............
دخان وسمة مغيمة وبروحي تفسر شر...
وناعور الهموم وياي يفتر...
حسيت النفس راح
وعيوني تفسر الراح
وجة الطارش يخبرني...
ولفك راح يمخدر. .
ولفك من غصب مجتوف.
وطاح حملة من الجتوف
وسماك من غيمت...مطرت دم...عاشقة زينب....
.............
ونيت على شبابه
وهسه وين راح خويه محمد حميد احجو
ترى كلبي شعبتو هل زلمه الطويل البطل هيج يصير 1
محمد:ماندري بس هو ياخذونا للتعذيب
صوته يوجع بس يصيح يايمه
زلمه اتحمل تعذيب..
ومااطى نشده على ربعه
لان هو طالب ويعرف الطلاب
المعارضين وتحمل ومااطا معلومات
من طلعنا سلمنا علي
كالنا هذا اخر يوم يجوز الي وياكم
خلو فطيم تبريلي الذمه
لان وعدت ومانفذت وعودي الها
بس اذا متت رح اموت مرتاح ...
لان دليتكم عليها.....روحولها وعينكم عليها
ترى متستاهل يجرالها حرمه مملوحه
طلع يتلمس الحيطان والدم ورى بكل خطوه
يكودن بي الأمن للتعذيب لان ميشوف
طلع من يمنا ومكان يمشي من يمه ينترس دم
لان الطلاب عذبوهم اكثر
واحنا طلعنا احنا وجم شخص والبقي اعدام
وهذا الي بثوبي دمه لان من يريد يكًوم اسنده
اني وخوي ماتعذبنا تعذيب قوي بس بلهروات
والصوندات
بس هو عفيه رجال من دخلونا الغرفه الي يتعذب بيها باسم لكيته بس لابس سراواله اسود
بلا ثوب بلا فانيله وشادين ايده ليفوك
ويعذبون بي احنا شفنا هيج قررنا نستسلم وطلعونا
فاطمه:ليش طلعتو من دون الناس
حميد:صرنا رفاق شماشمه
فاطمه:ضليت اخرمش بخدودي ليش خويه
همزين عمي مات ولا شافكم هيج شماشمه
قبل ماصدكت من سمعت بيكم
هسه صدكت ليش خوتي رجعتو تشتغلون الهم
وجهالكم ونسوانكم وخوااتكم فكرو بيهن
شيصير بحالهم
الدنيا دين والوادم ماناقصها ظيم
تشمشمون عليها
محمد:خواتنا طلعن الأيران خواتنا
ونسوانا وبزرنا موجودين بس ليش صرنا لان ليعاندهم مصيره مثل .....باسم الصياد
وحيدر اخوي تعذيب واعدام
فاطمه:فدوه روحو الايران ولا سلمون الناس للضلام
اجى ابو مطر عصبي طلعتله
كلي اسبوع شهر...ويرحون
مااريدهم هنا سلفنا امن ماريد
ناس تجيبله الخراب
يله روحي شتغلي
وضليت اذل روحي للشيخ والأهله حتى مايطردهم
وتعبت من الخدمه مر على وجود ولد عمي شهر يمنا واجت ام مطر تكتلني.. ماغاسله هدومها
حسيت الدنا غيمة طحت ماكعدت الا فوك راسي مرت الشيخ
الثالثه وهي هم جده(قابله)
وكامت تحجي بضوجه
كالت حامل بربع تشهر وشيخ فرح
بس نسوانه بعدهن يغارن
ضلن يوزن بيه منين حملت
وانت جبير خاف من ولد عمها
وبد يكتل بيه ..وزاد بكتله
مره كلي شني ماعدهم خوال ماعدهم عمام تايهين انعل امج وابوج خل يرحون
واني مااخبر ولد عمي لان وين يرحون محد الهم
من يصير بيه اثر من الضرب مااطلعلهم
خاف يشوفون وينقهرون الشيخ عذبني هو
وعائلته عذاب الي مصاير
كلشي سوولي من قهر
مرت التلث
أنت تقرأ
ذنبي فتآة
Fiksi Umumهل گونگ فتآة ذنب آو گونگ يتيمـة ذنب هذة قصـت فتآة. يتيمـة. آحبت ولم يحآلفهآ آلحض وقتلت علئ يد.آعز آقربآئهآتحگي قصـتهآ آمـرئة
