ذنبي فتآة

آلبآرت9

ذنبي فتاة
البارت التاسع

بين مانايمه على جربايه متانيه الضابط
اسمع صوت طيارات قصف رمي
جرحى تجي طاح صاروخ يم المستشفى
بظهرها بطنها ماهتميت صارت هوسه
الناس تركض منا ومنا
ستغليتها فرصه اخذت بنياتي وشردت
من المستشفى وضليت اركض
وتختل من مكان لمكان
ارد ارتاح
وين ارتاح
انه بروحي مگبره
مابيها بس صياح
عليش ارتاح اليتيم من صغره
مقهور
يگضيها دگ ونياح 1
طاح صاروخ أمريكي عل جهة المستشفى
مدري بيها مدري داخلها
وناس ضلت تتراكص ستغليتها فرصه
شلت بنياتي خليتهن و لفتيهن بطانية المستشفى
وشردت الوجع رد ليه مال خياطات
ضلت حروره اطيح مني بين رجلي
عرفت صار عندي نزف
وضليت امشي ارد تقوى الخاطر بناتي
الطريق مااعرفه وين اروح
امشي والمطر بللني
ارد مكان البد(اختل)بي من المطر
الوجع قوي بس ابنياتي اهم
شفت مكان مفلش
دائره مدري مدرسه دخلت واني خايفه
الحمد الله ماكو بيها بشر
بس بزون مثلي تريد مجان من المطر
فتت ساحه جبير بيها..دخلت مثل الممر طويل
بي غرف افتريت بلغرف
كلها مفلشه وشبابيك مكسره.. شفت وحده زينه
كعدت بيها شفت بردات معلكات
نزلتهن سويتهن ..مثل الفراش مديتهن
خليت بنياتي علي وغطيتهن سديت الباب
بيدي البقجه وفتريت بلجن الكى ماي
الدم تارسني لكيت حمام امفلش و طاكه الحنفيه واكو مي خفيف يجري من الحنفيه
دخلت غسلت بيه شون مجان(مكان)
بس اتخلص من ريحة الدم ..
من طلعت بقجتي وبدلت الحمدالله رتاحيت
رحت البنياتي ارد ارضعهن
ماكو حليب( بثداي)صدري
جف من الجوع هيج خليتهن بس على ريحتي
بلجن ينامن ونمت من التعب من الجوع
اريد اكل الخاطر بنياتي
وين اطلع حرب قصف المطر يزخ قوي
تالي يوكف
يزخ ويوكف
طلعت بعد الجوع كافر
ضليت افتر بلشوارع بلجن الكى لكًمه
ماعندي فلوس
قصف صار اقوى رمي رجعت تيهت الدرب
مطرت الدنيا
واني افتر وامشي
وصلت يم مجان بعيد علعماره
مادري رجلي وين ذبتني
طحت من التعب
والبلل كعدت احس بنياتي هم تبللن
اشبيدي يربي
لادنيا ترحمني
حتى السما غايضه علي
الكاع تطردني من مجان المجان(مكان)
شده واكول ازول
تطلع شده اصعب منها
الدنيا وكح وياي
وناس البيها صلفه
ضليت انخي وابجي احس ارد اموت
اذكرت ابوي اذكره شكله شوي من جان يلعبني
يشيليني امي ياحضنه الدافي وحنيتها علي
عمي من يتنخصلي بثوب
مرت عمي من جانت تحطلي حنه ادكلي اريد شعرج حلو حسيت منيتي
يارب الخاطر بنياتي قويني
(يافضه فضيه)اجتني حرمه جٍبيره
بلعمر لافه عمامه على راسه داكه حنحها (معناهاوشم)
بيدها عصى تتكوى عليها كالت يابنيه شسوين هني
فاطمه بحضني بنياتي وأيست شوي
رفعت راسي مااكدر احجي من البرد من البلل من الجوع خاله اهلي كلهم ماتو محد بقالي
بس رحمة الله ابجي وارجف
ام علي اسمي كًومي وياي
فاطمه :صدك خاله فرحت اباوع على سما يارحمتك ياالله ماتكطع حشاك ركبنا سياره وصعدنا سياره
واني مثل الصار عنده امل وردتله الروح
وصلنا البيتها دخلتني الغرفه بيها صوبه مفروشه سجاد اكو سله بيها خبز الجوع اكلني
بس استحي اكل الا من دكلي
فتحت البطانيه خليت ابنياتي بلكاع يدفن
البطانيه مبلله بس هنه بس رطوبة..خفيفه
اجتني اطتني ثوب قديف وملابس داخليه كالت روحي سبحي بيج ريحت دم وانفاس
موزين على بنياتج
دخلت للحمام جدر بي ماي على جٍوله
سبحت غسلت هدومي حسيت براحه
رحت شريت الملابس ولبطانيه
ام علي:لا طلعين راسج مبلل تمرضين ومطر
اطتني خاولي ياربي هاي الحرمه اهتمت
بيه بجٍيت من الفرح
رجعت البناتي طلعت البقجه
نشفت هدمات عل الصوبه
اطتني ياهن الممرضه لمتهن الي من بنات بلمستشفى حميتهن على صوبه حتى ينشفن
جابتلي ام علي اكًل
واني اكل بلا شبع اكلت كرصتين خبز من الجوع وطتني تمر وشوي صدري ضل يدر
استحيت هواي كليت
ام علي:انتي مرضع اكلي لاتستحين
-:خاله شكرج حسيتها الدنيا نسدت
-:ابن ادم يسد باب ........؟..ربج يفتح عشره
رحت ارضع بناتي رضعت الجبيره رضعت ونامت
الزغيره ارضع بيها ماكو
يمه رضعي فدوه غديلج
يمه كعدي حضنتها ضليت ابجي
حلكها ازرك جسمها بارد وفاكه حلكها
تكربت ام علي عليها كالت ماتت
ماتت ابنيتي عمرها عشر ايام ضليت اصرخ ابجي
-قوي روحج بسج.. بجٍي... الحي ابدا من الميت
هاي بنيتج ماتت الثانيه محتاجتج
الحليب بقهر يمرض البزر
بقيت حاضنتها وابجي بخنكًه اوف يابنيتي
ورثتجن الضيم والجوع
يمه ليش عفتيني اني واختج
حلكها ازرك ابوس بيها جرتها ام علي من عندي
اخذتها ودفنتها يم نخله يم بيتهم
الحزن رجعلي والقهر
يوميه افكدلي بشر
يوميه ميت عندي
وكل يوم عيوني
توالف دمع وسهر.....
......
ضليت كلما ارضع بنتي اذكر اختها
جابتلي ام علي ثوابتها القديمه حضاين اسويهن
وضلت اداري بيها وكلما ابجي على بنتي تسكتني
شغلت روحي بلبيت نظفته رتبته
وصرت اطبخ واخبز
بنيتي اشوي نشنشت
صار عمرها اتلاثين يوم
صار عندي امل لدنيا حسيتها بخير
سئلت ام علي ليش وحدج
-شوفي فاطمه يمه عندي اربع ولد
واحد بحرب ايران استشهد
واحد غرك بلشط
واثنين بلجيش
رح تخلص الحرب من يجون
صخمي روحج حطي بصل
المهم لان همه شباب وانتي حليوه
-صار خاله وتعودت علبيت وبيومها بليل
ورتاحيت مثل جنه بيت اهلي بيومها بليل
اندك الباب طلعت اشوف منو باوعت من الزرف
ركضت كعدت ام علي كتلها اثنين
عسكريين وشايلين جنط
-ذولي ولدي ركضي
رحت للحمام صخمت وجهي من جدر مال مي جوه بيه صخام جٍوله جبت بصل ومردته على ثوبي
دخلو امهم طلعت جٍكليت اذب عليهم فرحت بولدها لان الحرب طويله وجانت خايفه عليهم
حضرتلهم الحمام وسويتلهم اكل
طلعت من المطبخ اسمعهم يكلولها
يمه ريحتها تكتل شون ناكل اكلها
وجهه يخوف كلها صخام خاف نسمم
ام علي:معليكم يمه اريدها تخدمني من اجت الحد هسه خادمتني وماخلتني اشتغل
كلولها ماريد منها اكل
بس تنظف الطبخ يمه عليج الجبير
كالتهم خوش يمه هيج
عرفته لعيبي الجٍبير وثاني خالد طول ماهمه موجودين محبوسه بلغرفه اطلع بس انظف خالد نظراته دون
برغم مصخمه ضجت منه كلش
بيومها تمرضت ام علي جنت اسبح
دخلت بلغرفه امشط شعري
انام سوه انا وام علي شفتها مسبله عينها
كعدتها ماكو لفيت الشيله على راسي
رحت الغرفة العيبي لان مؤدب دكيت الباب
طلعلي خويه امك مريضه
طلع ركض شال امه وكال تعاي وياي خويه بسعج
رحت اخذت بنتي وياي لان جانت مصخنه كلش
وهم من تفز محد الها لبست عباتي طلعنا
اجر سيارت جوارينا ورحنا للعياده حللو الام علي طلع بيها سكر وصاعد العيبي تشكر مني
لعيبلي: شكرا خويه مانجازيج
احسن من الخدامه العدنا
هم مصخمه وهم تمبل جانت ام علي على سديه ام علي:يمه هي هاي فاطمه نفسها بس جنت خاف عليها منكم
لعيبي :ها صدك تعجب
اخذت بنتي مريضه
كلش بيها ذات الرئه شافها الدكتور كلي
يراد تعتنين بيها
اطاني علاج كال ملابسها رطبه لان..تبولت...بطريق
معلومه
(حفاظات ماكو قبل جانو بقطعت قماش يحفضون)
ردت ارجع اخاف من خالد من نظراته قبل واني مصخمه وهسه شاف شكلي
بلا صخام بلا بصل شون ارجع وحدي
وبنيتي يرادلها هدوم
ضليت الوب بروحي اروح لو لا
ودكتور يكلي ستجعلي
تـــــــره الــمـــــا

عــنـــــدة حـــــــظ

يـــمــــوت ! +

گــــبـــل مــــيـمــوت

مـــــــوت الُلُهہ

شـعر مـني آلگمـ حبآيب 😘
يا ريحـــت الما وفو💔  
تحـــرگني كلــما تهب😔
ياگلبي لاتنتظر✘
انه الجبرتك تحب❤️
متعود اعشگ صدگ✔️
وأحنه بزمان اللعب😔