ذنبي فتات
البارت الثالث
فاطمه:من اجاني عمي وتوثيته لمينا على سريع الشغلات الي نكدر انشيلهن عمي يصيح واني ادور على راديو زغير جابه عمي الي يشتغل علباتري
وشلنا غراض الي نحتاجهن ورحنا
نتشمى طلعنا الصبحيه قبل زوال الظهر
اباوع على الطريق الي اشكد لعبت بي
الكاع مالتنا المزروعه والبقره طلعنا وعيني
ابدمعها وين روح وين نولي وحلالنا بقى للناس
الي كتل عمي ابنهم
غراضنا ثكال وتعبنا اجرنا عربانه يدفعها حصان
وصلنا القريه وعمتي تبجي
لان ماودعت بناتها ولا ولدها
وعمي كوه يسكتها هي منتجيه على جتفي
وصلنا القريه اسمها عمشه شفنا بيها صرايف
بس اكو أمن وبعثيه يداهمون الصرايف
ويفلشوهن على الناس واكو ناس ترفض
تطلع يحركوها عليهم وماتسمع بس صريخ النسوان
وعياط الجعال خفنا اني وعمتي
عمي كال خل روح الغير قريه
وهل مره مشينا على رجلنا عمتي
مابيها حيل وهيج اشوي و لكينه صريفه امفلشه
بس الكصب باقي بيها رتبناها اني وعمي
وخلينا الكصبات الطايحات
سندتنهن بطابوك كعدنا بيها 1
طلعت الجٍوله بيها نفطات رحت اخذت
سطل فافون اجيب مي نزلت للشط
اشوف مكان كون المي راكد حتى يطلع صافي
ورحت ترست السطل مي ضليت كاعده
غسلت وجهي وايدي وكفت اباوع للسما
الطيور شون اطير تمنيت هيج اني ولا هل تعب
وتمنيت اطير وشوف الدنياجنت اسمع حيدر
يسولف على العماره بيها سينما ويعرضون افلام
حلوه ويكعد يسولفلي قصة الافلام كال من اتخرج
اخذج اشوفين فلم (نعيمه)
وضليت بصفناتي طير النورس يجي
ويحط على الماي الله شنهي من حلات
واسمع صوت من ورى الزور
اكو زرع يصير على حافة الماي
يسمو زور اشوي عالي
وخرت اشوي بيدي مديت راسي واشوف زلمه يصيد
سمج كاعد بلبلم شكله مرتب كلش حتى
شماغه لافه لفه مرتبه ولاخف ثوبه لحتى ميتلف
يمه كتاب فاتحه وهو بيده السناره يدير
راسه كل اشوي ويقراء
وضليت اعاين(اباوع) شوف شون مرتب
عيونه كبار حواجبه مجتوله لحيته حلوه
خشمه جٍنه خاشوكة ستيل حلو
وخرت اوف يفطيم شجاج وتباعين على زلمه
عرف ولف... رجعت اعاين وجان يطلع
صوت من الكصب الي بلكاع دست علي برجلي
وهو كام الزلمه كال منو هنا منو
اجى على صفحتي واني خفت كلبي دك حيل
اخذت سطلت المي وامشي على سريع
كلما التفت عليه اتمشى الكا واكف يعاين
وصلت الصريفتنا كوه ايدي على كًلبي
حمدة الله وشكرته مااجى وراي وطلعت كًونية
بيها اماعين وجدوره وطبخت تمن ابيض وتغدينا
العصريه رحت رجعت يم النهر جبت طين
صاير على جرف جبت هواي اروح واجي
صار عندي هواي طين اكو تبن باقي يم الصريفه
خلطته وي الطين وكمت اعجن بي برجلي
واني هيه هاي ونساتي بشغلات بسيطه
تفرحني خلصت كمت اسوي
شنكات طين ارجع امدهن مثل الشريط العريض
وحط واحد فوك الثاني وسويت تنور طين
علما ينشف فد جًم يوم حتى
اخبز بي ومن بعيد واجى رجال جبير
بيده سلاح هيج يجي اكبر من عمي
سلم علينا وعرفنا احنا دخيلين عل سلفهم
سويت جاي وكتله تفضل عمي
طلع الزلمه من المنطقه ااي كاعدين
دخيلين بيهااسمه ابو مطر
كعدت يم عمي وزلمه كال اني ابومطر
شيخ هل قريه
ومادامكم جيتونا رح اجيبلكم بقره
من عندي اكسب ثواب وختى اكلك خويه ابو محمد الدنيا ابخير وانتم بعد بحمايتي
وهم تعيشون منها طلعون روبتكم كًيمركم
طلع من يمنا
كرشه كدامه وسلاحه بيده وعيونه جاحظه
صدك ورى ساعه جابنا بقره واحنا فرحنا
وبقيت كم يوم تعلمنا على مكان واني اروح
اجيب مي من الشط ورجع احمي على نار
علما يفور ابرده بلحب(اناء كبير يصنع من الطين الفخار المصقول يستخدم لتبريد الماء)
تنوري جهز وضليت اخبز بي وكلما اروح يم شط
الكى هل الزلمه الحليو مره ضليت اعاين ماكو جاي
اروح صار بوجهي كال أدورين علي
فاطمه:يمه اشكد عيل لا شنهي اني اعرفك ودور..
أنت تقرأ
ذنبي فتآة
General Fictionهل گونگ فتآة ذنب آو گونگ يتيمـة ذنب هذة قصـت فتآة. يتيمـة. آحبت ولم يحآلفهآ آلحض وقتلت علئ يد.آعز آقربآئهآتحگي قصـتهآ آمـرئة
