عند شذي
كانت نايمه وموبايلها
شذي /الو
ميريهان / انتي نايمه قومي فزي
شذي / في ايه يا بت حد من اهلك جراله حاجه
ميريهان / بعيد الشر
شذي / امال في ايه بقا
ميريهان / هضيف باقي البنات علي المكالمه وهقولك
شذي / يخربت رخمتك يا شيخه
ليالي كانت قاعده علي الفيس بتتفرج علي الممثلين والفساتين وموبايلها رن
ليالي / عايزه ايه زفته الطين
ميريهان / تصدقي بالله انا غلطانه اني كلمتك كنت قولتلهم هما بس ولا اقولك انا هقفل
ليالي / لا قولي عايزه ايه
ميريهان / احم ايوه كده اتعدلي انا هضيف لوجي
لوجي كانت بتتفرج علي التليفزيون علي فيلم روبانزل وموبايلها رن
لوجي / الو يا فصيله عايزه ايه
ميريهان / هو مفيش حد طايقني ليه مفيش غير شوشو حبيبتي
لوجي / اتنيلي انتي وشوشو بتاعتك
ميريهان / بقا كدا طيب وانا الي كنت عايزه احكيلك حاجه مهمه جدا بس انا غلطانه
لوجي / لا ماهي يا حبيبتي قولي
ميريهان / سامعينني كدا
شذي / ايوه
ليالي / انجزي يا بت
لوجي / اخلصي يا بت
ميريهان / انا في عريس متقدم لي
شذي / بجد
ليالي / لا يا راجل
لوجي / مين حد نعرفه
ميريهان / عمر
شذي / هو قالك امتي انه عايز يتجوزك
لوجي بضحك / تلقيه قالها في المكتبه
ليالي بضحكه / عندك حق
ميريهان / يا عيال دا طلع مجنون
شذي / ليه هو عمل ايه
ميريهان / هحكلكوا اللي حصل
و حكتلهم اللي حصل
شذي بضحك / د ا مجنون
ليالي / مجنون دي كلمه قليله
لوجي / دا مستشفي المجنين كلها
ميريهان / تصدقي يالله مفيش مجنون هنا غيرك
لوجي / ليه يا ختي
ميريهان / بقا يامجنونه اعرف انك رحتي اتخانقتي وانتي والانسه ليالي مع بنتين من شله البنات الي اتخانقنا معاهم قبل كدا لا وكمان ضربت زين يا المفتريه علشان كان عايز يحوشها
شذي / الكلام دا بجد يا بت انتي ما سبتيش حد من شله الولاد غير لما ضربتيه
لوجي / لسا ادهم و باسل
ليالي / حرام عليكي فعلا يا لولو انتي ضربتي اتنين سيبلي بقا الاتنين التانين
لوجي / عندك حق خلاص هسيبهملك
شذي / بقولكوا ايه انا هروح اكمل نومي احسن
ميريهان / عندك حق وانا كمان هروح اذاكر شويه
ليالي/ طيب يا دحيحه
ميريهان / ماهو القر دا الي جايبنا ورا
شذي / عندك حق يلا سلام
لوجي / سلام وانا كمان هروح اكمل الفيلم
ليالي/ فيلم ايه
لوجي / روبانزل
ليالي / علي قناه ايه بسرعه يا جزمه انتي عارفه انه شغال ومش تقولي
لوجي / معلش بقا المره الجايه علي قناه.........
ليالي / طيب سلام
عند شذي كانت لسا هتنام لقت ماماتها دخلت الاوضه
ماما / قومي يا شذي بسرعه
شذي / في ايه حد حصله حاجه
ماما / لا قومي في ضيوف
شذي / انا مش عارفه ضيوف ايه دي الي تيجي من غير معاد
ماما / لا هما وخدين يا ختي معاد
شذي / انا مش عارفه عيله ايه دي الي متقولش ان في ضيوف جاين
ماما / قومي يا بت بطلي لماضه
شذي / طيب طيب قايمه
قامت لبست طقم شيك وخرجت مع مامتها لقت باسل ومعاه باباه ومامته
مامته / اهلا اهلا دي طلت قمر
شذي / شكرا يا طنط
بعد ما قعدوا
باباه / احنا يشرفنا نطلب ايد بنتكوا الانسه شذي
شذي في نفسها / وهما هيخدوا ايدي يعملوا بيها ايه وبعدين ازاي يجي يخطبني من غير ما اعرف ماشي يا باسل
باسل / ايه رايك يا عمي
شذي في نفسها / عمي دا من امتي دا
باباها / بص يا بني عليا انا موافق بس لازم راي شذي
باباه / اكيد طبعا ممكن نسيبهم يتكلموا مع بعض شويه
بابا / ماشي اتفضلوا معايا
شذي / ايه الي جابك
باسل / نعم هو مش انا اتقدمتلك وانتي ووافقتي
شذي / ايوه بس تقولي انك جاي
باسل / حبيت اعملك مفاجأه
شذي في نفسها / يا حنين
شذي / شكرا يا سيدي علي المفاجأة
باسل/ العفو ها ايه رايك
شذي / في ايه
باسل / في ايه في الجواز يا ختي
شذي / مش انا قولتلك قبل كدا
باسل / عايزه اعرف تاني
شذي / موافقه
باسل / يا عمي
بابا / ايوه يا بني
باسل / شذي وافقت
بابا / بجد مبروك يا قلبي
شذي / الله يبارك فيك يا حبيبي
ماما / مبروك يا شوشو
شذي / الله يبارك فيكي يا قمر
باباه / مبروك يا باسل
باسل / الله يبارك فيك يا بابا
مامته/ مبروك يا حبيبي
باسل/ الله يبارك فيكي يا حبيبتي
أنت تقرأ
رحلة العمر
Romanceلكل بنت فينا قصه او حكايه في منا الي بتعيش قصتها في خيالها وفي الي بتعشها علي ارض الواقع بس كل واحده ليها حكايه مختلفه عن التانيه طيب لو القصه دي عن اربع بنات صحاب كل واحده فيهم ليها شخصيتها وقصتها يا تري ايه الي ممكن يحصل معاهم
