رحلة العمر

14

بعد الغداء راحوا البحر
الولاد نزلوا البحر والبنات كانت بتتصور موبايل ليالي رن راحت بعيد شويه ترد
ليالي / الو يا ماما
ماما / الو يا ليالي عملين ايه هناك مبسوطين
ليالي / الحمدالله يا ماما المكان جميل اوي واحنا مبسوطين خالص
ماما / طيب خدوا بالكوا من نفسكوا وسلميلي علي البنات
ليالي / حاضر يا ماما يوصل سلام
ماما / سلام
لفت علشان ترجع لقت ادهم في وشها
ليالي / حرام عليك خضيتني
ادهم / سوري بس شفتك واقفه لوحدك قولت اجي اشوفك احسن حد يضيقك
ليالي / شكرا يا سيدي
ادهم / اسف
ليالي / علي ايه
ادهم / علي الموقف الي اتقابلنا بيه
ليالي / لا يارجل ولا يهمك عادي كلنا ممكن يحصل لنا كدا انا يوميها كنت هعتذرلك بس انت الي عصبتني
ادهم / خالص يا بقا صاف يا لبن
ليالي / حليب يا قشطه
رجعوا مع بعض وهما بيتكلموا
لوجي / ايه الي لم الشامي علي المغربي
شذي / شكلهم اتصالحوا
ميريهان / احسن بردوا احسن دول خنقونا
شذي / انتوا اتصالحتوا ولا ايه
ليالي / اه في حاجه ولا ايه
لوجي / طيب كويس
ميريهان / انا زهقت تعالوا نعمل حاجه
شذي / ايه رايكوا في سباق موتسكلات
لوجي / اشطا
راحوا مكان يعرفوا بياجروا منه موتسكلات وركبوا
لوجي / 3.2.1
وانطلقوا كلهم مره واحده كلهم كانوا ماهرين في سواقه الموتسكلات وصلوا في نفس الوقت
ميريهان / تعادل
روحوا وناموا وتاني يوم رجعوا القاهره
يوم الحد راحوا الكليه زي كل يوم وخلصوا محاضرات وهما خارجين لوجي شافت البنات بتوع الخناقه راحوا لهم
البنت 2(مياده )/ دول جاين علينا يا ريسه
البنت 1(جيهان )/ شايفهم
لوجي / انتوا بتعملوا ايه هنا يا بت انتي وهي
جيهان / وانتي مالك بقا يا بت انتي
ليالي / مش واحده زيك الي تقولها بت البت دي تبقي انتي يا روحي
لوجي / احنا بقا كنا وخدين منكوا حاجه وعايزين نرجعها
ليالي / ايوه ولازم نرجعها
وهنا شافهم زين راح لهم علشان يشوف في ايه
زين / لوجي في ايه
لوجي / مفيش بس كنا عايزين نديهم هديه
زين / ممكن تيجوا معايا
لوجي / سبني اخلص الاول
زين / لا تعالي معايا
لوجي اديته بوكس وبعد مسكت جيهان من شعرها وليالي مسكت مياده ونزلوا فيهم ضرب وبعدين زين حاشهم ومشيوا ولا كانهم عملوا حاجه

في مكان تاني
ميريهان وصلت بيتها
ميريهان / انا جيت يا اهل البيت
ماما / هشششش اسكتي هتفضحينا
ميريهان بصوت واطي / ليه احنا عندنا ضيوف
ماما / اه عريس جوا قاعد مع ابوكي
ميريهان / عريس ايه دا انا محدش قالي ان في حد جاي
ماما / ادخلي لابوكي جوا شوفيه يمكن يعجبك وبعدين مش هتخسري حاجه احنا مش هنغصبك عليه يعني
ميريهان / طيب انا داخله
دخلت ووفجأه لقت عمر قاعد مع ابوها
باباها / تعالي يا ماهي سلمي
ميريهان / اهلا وسهلا
عمر بابتسامة / اهلا بيكي
باباها / طيب هسيبكوا شويه تتكلموا مع بعض
عمر / اتفضل يا عمي
بعد ما باباها خرج
ميريهان / عمك دا من امتي دا انشاءالله
عمر / من دلوقتي عندك مانع
ميريهان / اه عندي انت ازاي تيجي تخطبني من غير ما تقولي
عمر / هو حرام يعني المهم ايه رايك
ميريهان / سيبني اسبوعين افكر
عمر / نعم ياختي كدا (طيب بصوت عالي) يا عمي ياعمي
بابا / في ايه بتزعق كدا ليه
عمر / معلش يا عمي من الفرحه اصل ميريهان وافقت علي الخطوبه
بابا / بجد مبروك يا حبيبتي
وهنا دخل مصطفي
مصطفي / هتتجوزي يا بيضه مبروك وحضنها
ميريهان / الله يبارك فيك يا حبيبي عقبالك
مصطفي / مبروك يا جوز اختي
عمر / الله يبارك فيك يالا عبقالك