في المستشفى
ميريهان / اااااه انا فين
شذي / حمد لله علي السلامة يا ماهي
ليالي / قلقتينا عليكي يا ماهي
لوجي / خوفتينا جامد جدا عليكي
مصطفي / انتي كويسه دلوقتي يا حبيبتي
ميريهان / اه كويسه بس كتفي بيوجعني جامد
مصطفي / معلش يا حبيبتي استحملي
ميريهان / هو ايه الي حصل
شذي / رحتي تجيبي حاجه نشربها و اتاخرتي كلمتك كذا مره و مردتيش و بعدين عمر رد و قالي انه اضرب عليكي نار و انتي في المستشفى هما كانوا هنا بس اخوكي طردهم بالذوق
مصطفي / انتوا عارفين اني مش بستحمله
لوجي / و لا انا بردوا يا درش
الباب خبط
مصطفي / ادخل
نور / مساء الخير
مصطفي / مساء النور يا نور
ميريهان / تعالي يا نور
لوجي همست في ودن ميريهان / مين الموزه
ميريهان / اعرفكوا يا بنات نور خطيبه مصطفي
ليالي / نهار ازرق بقا تخطب و محدش يقولنا و كنت ناوي تتجوز من غير ما نعرف بردوا
شذي / احنا مش اخواتك بردوا يا درش دا احنا متربيين مع بعض يا راجل
لوجي / العيب مش عليه العيب علي اخته الي راقده دي مقلتلناش حاجه
مصطفي / اسكتوا بقا معلش الموضوع حصل بسرعه و بعدين احنا لسا معملناش الخطوبه
ميريهان / اسكتوا بقا فضحتونا قدامها المهم يا نور اعرفك بيهم شذي ليالي لوجي
نور / اهلا بيكوا
شذي / متزعليش من الي حصل بس مصطفي اخونا فكان لازم يقولنا معلش بقا
نور / و لا يهمكوا هو اصلا غلطان ازاي ميقولكوش
مصطفي / انتوا كلكوا عليا و لا ايه
ميريهان / انا كمان هقولكوا الحقيقة مصطفي هو الي قالي مقولش لحد
مصطفي / اه يا كدابه انا قولت كدا لولا انك مضروبه بالرصاص كنت كسرتك
لوجي / انت تقدر تقرب لها و احنا موجودين
شذي / لا طبعا ميقدرش
ليالي / احنا كنا خلصنا عليه
مصطفي / بعيد الشر عليا منكوا
نور بضحك / انتوا تحفه
ليالي / شكرا شكرا
لوجي / ميرسي
شذي / اخجلتي تواضعي
ميريهان / اهو انتي شايفه شذي دلوقتي متشوفيهاش في الشغل
نور / ليه يعني
ليالي / في الجد مفيش زيها
لوجي / في الزعق مفيش قدها
ميريهان / و دايما جاده في الكلام في الحركه و في الماشيه
شذي / خلاص يا حلوه انتي و هي انتوا هتحفلوا عليا ما انا بردوا ممكن اقول بتعملوا ايه
نور / بيعملوا ايه
شذي / الانسه ليالي تجي ليا الصبح وتقولي صباحو في مهندسه محترمه تقول صباحو في الشغل قوليها برا الشغل و الانسه لوجي كل ما ادخل عليها القيها بتاكل و ياريت بيبان عليها و الانسه ميريهان بترسم في الشغل
لوجي / فضحتينا
ليالي / سيحتلنا
ميريهان / حرام عليكي يا مفتريه
شذي / اسكتوا خالص احسن لكوا
في مكان تاني
ادهم / اهدا بقا انت سمعت الدكتور قال انها كويسه
عمر / عايزني اهدا ازاي و هي في المستشفى
زين / خلاص اهدا انا هكلم شذي و اسالها
باسل / و انت تكلم شذي ليه
زين / خلاص كلمها انت و شوف هترضا تكلمك و لا لا انا هكلمها علشان اعرف ايه الي حصل مش وقت غيره خالص و بعدين شذي زي اختي
ادهم / زين عنده حق مش وقت غيره خالص
باسل / ماشي بس يفتح الاسبيكر
زين / ماشي
موبايل شذي رن
شذي / معلش هرد وارجع تاني
نور / ماشي اتفضلي
شذي / الو يا زين
زين / الو يا شذي ازيك
شذي / الحمد لله و انت
زين / الحمد لله تمام المهم ميريهان عامله ايه دلوقتي
شذي/ هي كويسه الحمد لله فاقت
زين / طيب الحمد لله
شذي / طمنه انها كويسه
زين / هو مين دا
شذي / الاستاذ عمر سلام
زين / سلام
زين / اطمنت
عمر / ايوه اطمنت
زين / المهم دلوقتي الصبح تروح علي احسن محل ورد و تجيب احلي بوكيه ورد و تروح لها المستشفى
عمر / انا كنت هعمل كدا من غير ما تقول
باسل / طيب انا هاجي معاك
عمر / اشطا
عند البنات
شذي / ليالي انتي و لوجي هتروح البيت و بكرا تروحوا الشركه و تيجوا بعد الظهر
ليالي / و انتي
شذي / انا هبات معاها انهارده و لما تيجوا بكرا هروح انا و اعدي عليكوا بليل هنعمل ورديات يعني
لوجي / ماشي
بعد ما مشيوا
شذي / انتي عارفه مين الي كان بيكلمني
ميريهان / مين
شذي / زين كان عايز يعرف انتي عمله ايه علشان يقول للاستاذ عمر
ميريهان / شذي انا قفلت الموضوع دا
شذي / انا شايفه ان الواد بيحبك انتي مشفتيش شكله كان عامل ازاي و انتي في العمليات كان هيتجنن
ميريهان / طيب انتي رايك ايه
شذي / انا مليش راي الراي رايك
ميريهان / بصراحة انا عايزه ارجعله بس عايزه اربيه الاول
شذي / حقك و انا هساعدك.
ميريهان / ازاي
شذي / هقولك................
ميريهان / ايه الدماغ الجامده دي
شذي / عيب عليكي
تاني يوم
أنت تقرأ
رحلة العمر
Romanceلكل بنت فينا قصه او حكايه في منا الي بتعيش قصتها في خيالها وفي الي بتعشها علي ارض الواقع بس كل واحده ليها حكايه مختلفه عن التانيه طيب لو القصه دي عن اربع بنات صحاب كل واحده فيهم ليها شخصيتها وقصتها يا تري ايه الي ممكن يحصل معاهم
