رحلة العمر

10

عند البنات
شذي / حرام عليكوا هتخنق من كتر الاكل
لوجي وهي بتاكل معاها /هو في احلي من الاكل
ليالي /اسكتي انتي خالص انتي وكله لغايه دلوقتي 6 ساندويتشات ويايريته يختي بيبان عليكلي
لوجي / انتي غيرانه مني علشان انا رفيعه وبعدين جعانه من امبارح ماكلتش حاجه
شذي / حرام عليكي يا ليالي سبيها تاكل براحتها
لوجي / اوي مفيش غير شوشو حبيبتي الي نصفاني
شذي / سبيها تاكل يمكن تتخن شويه
لوجي /تصدقي بالله لولا دماغك كنت اتصرفت معاكي
شذي / ولا تقدري تعملي حاجه
ليالي / وبعدين قربلها كدا وشوفي هنعمل فيكي ايه
ميريهان / عايزني ادور معاكي يا لوجي
لوجي / تدوري علي ايه
ميريهان / علي جبهتك
ليالي وشذي / ههههههه
شذي / ايوه يا جامده
ليالي / جدعه يا بت
ميريهان / اي خدعه
الباب خبط
لوجي / انا هروح اشوف مين وانتوا البسوا الطرح
شذي / طيب
زين / هاي
البنات / هاي
زين / الف سلامه يا شذي
شذي / الله يسلمك يا باشمهندس
باسل / حمدالله عالسلامة
شذي / الله يسلمك
عمر وادهم / حمدالله علي السلامه
شذي / الله يسلمكوا
لوجي / ايه دا شوكولاتا وورد
زين / دول مش ليكي دول لشذي
لوجي / تصدق انك رخم
شذي / هبقي اديكي منهم
لوجي / والله انتي احسن واحده في العرر دول
ليالي/ الله الله انتي بتشنمينا واحنا قاعدين
لوجي / خلاص قوموا علشان اشتمكوا
ميريهان / احنا لو قومنا هنقوم علشان حاجه واحده وانتي اكيد فاهمه
لوجي / لا وعلي ايه خيلكوا قاعدين
شذي / جبتي ورا في ثانية
لوجي / لا انا مش عايزهم يتعبوا بس
زين / لا واضح
لوجي / انت مالك انت
باسل / هو ايه الي حصل بظبط
لوجي / دا واحده حيوانه ضربتها من ورا علي راسها
ميريهان / جبانه مقدرتش تضربها من قدام علشان عارفه ان شذي اقوي
ليالي / بس وحياه امي لوريها
ادهم / هي مين دي وضربتك ليه
شذي / دي واحده كانت عايزه تضرب لوجي هي وصحابها
وحكيت لهم ايه الي حصل
شذي / بس كدا هو دا الي حصل
زين / والبنات دول كانوا عايزين من لوجي ايه
ليالي / انا اعتقد ان في واحد منهم معجبه بيك
زين / معجبه بيا انا
ميريهان / اه حتي قالت للوجي انتي بقا لوجي الي كان زين قاعد معاها الصبح
لوجي / البت دي شكلها مجنونه علشان كدا جت تتخانق معانا بس انا مش هسبها
وهنا الباب خبط
لوجي / ادخل
نادر / صباحوا يا قمر
شذي/ اهلا يا نودي
مصطفي / انتي كويسه يا بت طيب ما انتي سليمه اهو امال في ايه
ميريهان / علي اساس انك اعمي مش شايف دماغ البت
محمد / معلش يا سطا حق عليا انا بس انا شايف انك زي الفل اهو
ليالي / انا عايزه افهم انتوا ايه الي جابكوا بس
نادر / يعني عايزني اعرف ان شوشو في المستشفي وماجيش نطمن ماتت ولا لسا
شذي / بعد الشر عليا
لوجي / في اختراع اسمه موبايل كنت اتصل باليالي وهي هطمنك
ادهم في نفسه/ وهو يكلمها ليه اصلا هما بيهزروا معاها ليه طب وانا مالي لا مالي انا شكلي بحبها اه بحبها ومش هسبها تضيع مني وفي اول فرصه هقولها بس لازم اصلح علاقتي معها
شذي / هو مش انتوا كنتوا هتسافروا
نادر / اصلانا عرفنا وغير كدا شادي كلمني وقالي اجي اتطمن عيلكي
شذي / هو شادي هو كمان عرف
نادر / اه كان بيتكلم مع طنط وقالتله وقالي اخليكي تتصلي بيه
شذي / طيب انا هبقا اكلمه
لوجي / يا ربي نسيت اعرفكوا دا زين ودا عمر ودا باسل ودا بقا الاستاذ ادهم
دول بقا نادر ودا مصطفي ودا محمد
اهلا قالها ادهم وهو بنظر لهم
باسل في نفسه / وطلعلي منين شادي دا كمان معقول يكون خطيبها بس هي مش لبسه دبله معقول تكون بتحبه لا مش معقول هوانا بحبها ولا ايه خلاص انا لازم اعترف لها
بعد ما مشيوا