بعد ما الطياره وصلت
شذي / وحشتوني يا كلاب
لوجي / و انتوا كمان يا جزم
ميريهان / انتو هتقضوها شتيمه ولا ايه
ليالي / عندك حق يا ماهي يا ختي
شذي / فرنسا نورت
ليالي / دا نور اللمبه يا ختي
ميريهان / لا ياختي دا نور ربنا
لوجي / مش يلا بقا احسن رجلي وجعتني
شذي / يلا ياختي انتي و هي
ليالي / طيب ما تذقيش
بعد ما وصلوا كان شادي عندهم في البيت
شادي / اهلا اهلا يا بنات باريس نورت
لوجي / شكرا يا ذوق شوف اختك من ساعه ما شافتنا وهي بتشتم
ليالي / ايوه اتعلمي من اخوكي شويه
شذي / انتوا هتحفلوا عليا ولا ايه
لوجي / و لا نحفل و لا حاجه
ميريهان / يلا بقا علشان انا جعانه و عملنا ليكوا مكرونه بالبشاميل والفراخ
ليالي / الله جوعتيني
شادي / طيب اسيبكوا انا بقا علشان تخدوا راحتكوا
شذي / طيب ما تقعد معانا
شادي / معلش يا حبيبتي مره تاني اصل صحابي مستنيني
شذي / طيب يا حبيبي مع السلامه
ليالي / حبيبي و حبيبتي الحب ولع في الدره
شادي / بس يا جزمه
ليالي / تشكر يا ذوق
شادي / انا ماشي عايزين حاجه
شذي / شكرا يا حبيبي
بعد ما خرج كل واحده فيهم دخلت تغير هدومها و بعدين خرجوا و اتغدوا و قعدوا مع بعض
ميريهان / يا سلام بقلنا كتير مقعدناش القاعده دي
شذي / فعلا من ساعه ما دخلنا الجامعه
لوجي / اه و كنا نعقد نلعب ونتفرج علي فيلم كرتون
ليالي / يا بنات احنا طول عمرنا لما بتحصل حاجه لحد بنحكيها لبعض صح
شذي / صح بس هو في حاجه ولا ايه
ليالي حكت لهم علي الي حصل معاها و الي قاله ادهم ليها و الي هي قالته
ميريهان / الحيوان ازاي يقولك كدا طلما هو مش بيحبك طلب منك الجواز ليه
شذي / انتي مش سمعتي انه قالها انه بيحب واحده تانيه
لوجي / قصدك ايه
شذي / حاجه من الاتنين مالهمش تالت الاول انه كان بيحبها و هي سابته فحب يغظها علشان ترجعله او هي سابته و هو كان عايز ليالي علشان ينساها و بعدين هي رجعته
ليالي / او ممكن يكون حبها بعد ما قالي
شذي / دا احتمال ضعيف اصله هيقابلها فين في الكليه مثلا مش معقوله
ميريهان / شذي بتتكلم كلام منطقي
شذي / بصوا بقا انتي تنسي الحيوان دا زي ما انا هنسي باسل زي ما ميريهان هتنسي عمر و نعيش حياتنا بشكل طبيعي نخرج نذاكر نتفسح نشتغل هنعمل كل حاجه المهم ننساهم اتفقنا
البنات / اتفقنا
شذي / خلاص و من بكرا هنجري كل يوم الصبح الجري هيخليكوا تتهدوا ومتفكروش في حاجه
لوجي / طيب انا مال اهلي انتوا كلكوا فركشتوا لكن انا سنجل معنديش حاجه انسها
ليالي / نعم يا ختي دا انتي اول واحده هتجري معانا
ميريهان / و كمان هنشترك في نادي و جيم
شذي / و كل يوم هنروح الكليه و هنجهد نفسنا في المذكرا احنا لازم نجيب تقدير كبير طبعا الكلام دا مش عليكي يا ماهي انتي مش محتاجه حد يقولك زاكري عايزين نبتدي حياه جديده اعتبروا ان بكرا اول يوم لينا في الجامعه
لوجي / و النظام دا هيمشي عليا بردوا
ميريهان / طبعا
في مكان تاني
ادهم / الو يا حبيبتي وحشتيني اوي
فريده / لو كنت فعلا بتحبني مكنتش اتقدمت لواحده غيري
ادهم / انا مش قولتلك اني مكنتش بحبها
فريده / طيب يا بيبي انا عايزه اقابلك بكرا
ادهم / ماشي يا قلبي
فريده / معلش يا بيبي انا هسيبك دلوقتي علشان عندي حاجات لازم اعملها
ادهم / ماشي يا حبي سلام
فريده / سلام
حسن / كويس عرفتي توقعيه تاني
فريده / عيب عليك يا حبيبي انا فري الي محدش يقدر يقومها
حسن بضحك / عندك حق يا فري المهم اننا نعرف نقلبه و ناخد شويه من الي علي قلبه هو و ابوه
فريده / انا عندي خطه جامده
حسن / خطه ايه
فريده / بص يا سيدي.........
في مكان تاني
باسل / انا عايز افهم هما اختفوا الارض انشقت و بلعتهم
عمر / لا هما اكيد من عايزين عرفونا هما فين
باسل / طيب مش انت رحتلها البيت ايه الي حصل
عمر / اسكت يا عم انا اتبهدلت يوميها و مصطفي جابلي الشبكه ورمها في وشي
باسل / بصراحه يا عمر هو عنده حق انا لوعندي اخت حصلها زي ما احنا عملنا كنت هعمل اكتر بكتير من الي عمله مصطفي
عمر / احنا عايزين نشوف حل مع زين تعرف انا عرفت هو بيحب مين
باسل / لوجي
عمر / ايه الي عرفك
باسل / لان واضح جدا انها سابته بعد الي احنا عملنا مع صحابها
عمر / احنا لازم نصالحه
باسل / ماشي بص احنا هنعمل.........
أنت تقرأ
رحلة العمر
Romanceلكل بنت فينا قصه او حكايه في منا الي بتعيش قصتها في خيالها وفي الي بتعشها علي ارض الواقع بس كل واحده ليها حكايه مختلفه عن التانيه طيب لو القصه دي عن اربع بنات صحاب كل واحده فيهم ليها شخصيتها وقصتها يا تري ايه الي ممكن يحصل معاهم
