داز عام و تسع شهور و حنا مزوجين و رجعات ماما تتجبد السيرة ديال الحمل و الطبيبة النسائية و قالت ليا را شديت ليك رونديڤو بعد غدا اتمشي معايا انا قلت ليها صافي واخا، تسنيتو العشية يجي و كنت حاسمة اموري ليوم خصنا نحطو التقط على الحروف و خصني نعرف قيمتي عندو و شنو انا بالنسبة ليه، رجع من الخدمة دوش و كلا و جلست حداه قلت ليه بغيت نهضر معاك فواحد الموضوع مهم قاليا تفضلي تنسمعك، قلت ليه كل فترة ماما تتجبد ليا للموضوع ديال الحمل و تتقول ليا غنديك عند دكتورة نسائية تفحصك علاش محملتش تال حد الآن و مبقاتش عندي شي حجة باش نتهرب من الموضوع و حنا داز لينا كثر من عام و تسع شهور مع بعضياتنا مشفتش فيك الا كل خير و دبا بغيتك من غدا تبدا معايا فإجراءات الطلاق، قاليا شنووو الطلاق؟! قاطعتو مخليتوش يكمل قلت ليه اي وحدة بلاصتي كانت غادي تطلب الطلاق من أول شهرين و انا مدرتش هكا حيت هدشي غيأثر عليا من هنا للقدام و غيقلل من فرص زواجي من واحد آخر لأن الطلاق من مور شهرين على الزواح مشكلة كبيرة هدشي علاش تسنيت هاد المدة كلها باش يكون طلاقني منطقي قدام الناس ( انا طبعا مكنتش فمرة نطلق منو واخا نبقا معاه حتا خمسنين من لفوق مكانتش مشكلة حيت كنت تنبغيه بزاااف و كل نهار حبي ليه تيزيد يكبر و كان خصني نعرف شنو انا بالنسبة ليه و واش هو متمسك بيا ولا لا) كملت كلامي قلت ليه كيفما تلاقينا على خير نتفارقو على خير و الا سولك شي واحد قوليه متفاهمناش مع بعضنا باش تحافض على السمعة ديالك و ديالي، نضت دغيا مخليتش ليه فرصة فين يهضر بغيتو يفكر مزيان مع راسو بانليا لون وجهو مخطوف و باينة عليه الصدمة، دازت نص ساعة بانليل لبس حوايجو و خرج من الدار معرفتوش حتا فين مشا، مرجعش تال 3 ديال الليل واخا هكاك حسيت انه منعسش فمرة و غير طلع الصباح رجع لبس حوايجو و خرج عوتاني معرفتش فين مشا، ساعتين دازو عيطاتلي ماما و قالتلي علاش خبيتي عليل انا توثرت و قلت ليها شنو خبيت عليك قالتليا راجلك جا عندي صباح شوية عاد باش مشا و را عاود ليا كلشي، قلت ليها انا شنو عاود (انا خفت انه بصح يكون عاود ليها كلشي و عادي قصتنا و حاجة بيناتنا و ما هص حتا حد آخر يعرفها) قالتلي علاش مقلتيليش انكم مشيتو عند الطبيبة و فحصاتك و انك معندك حتا مشكل و المشكلة فراجلك و راه تياخد ادوية و تيتعالج قلت ليها غير مبغيتش نشغلك معايا......
فرحت بزاف ان راجلي دار شي حاجة بحال هكا و بغاني نبقا معاه يعني انه متمسك فيا و تيبغيني ولا على الاقل بدا يبغيني، تسنيتو يرجع بفارغ الصبر باش نسولو علاش دار هكا حيت حنا اصلا متافقناش على هدشي، دازت ساعة دخل للدار كان اصلا ممشاش يخدم داك النهار، اول ما دخل كان باين عليه التعب و العيا و جيت باش نهضر معاه قاليا راني عيااان مقادرش نقول حتا كلمة انا غنعس فاش نفيق نهضرو....
و غير فاق لقاني حداه تنتسناه يفيق قال ليا صباح الخير قلت ليه قول مسا الخير قاليا لا صباخ الخير حيت يالله بدا نهاري و صبح بهاد الوجه الزوين (كانت هديك اول جملو مفيدة غيقولها من نهار تزوجنا و اول مرة يتغزل فيا مكرهتش نقز فوق الفراش بحال دراري الصغار من كثرة الفرحة ولكن تبثث راسي بزز) ناض و قاليا اح ضهري تيضرني من النعسة ديال البارح جيبي شي ماساج و اجي دهني ليا بيه ضهري، حسيت براسي بحالا تنحلم حيت نعس و فاق واحد اخر لا علاقة بشخصيتو قبل و فعلا نضت بالزربة قبل ميغير رأيو، كانت هادي فرصة مكتعوضش و كانت ديك الليلة هي اول ليلو تاع الزواج فعلية، الزواج اللي ماشي غي على الوراق كانت ليلة تاع الف ليلة و ليلة، و الفاليزا اللي طلعتها فوق الماريو هادي عامين نزلتها مور شهرين من زواجنا الفعلي بناءا على الطلب ديالو.....
معمري سولتو من بعد على قصتو مع حبيبتو القديمة باش ميرجعش يتفكرها و يتفكر تفاصيلها و كيفاش كانت نشاعرو تجاهها
راجلي دبا تيحماق عليا و تيقوليا انا محظوظ بيك بزاف و كون اي وحدة بلاصتك مكانتش غتحمل هدشي كامل كون راها خلاتني و مشات من اول شهرين ولكن انت صبرتي عليا بزاف و رجعتي فيا الحياة و الضحكة، و قدما بغيتك مغنقدرش نوفيك حقك، و الخب ديالنا تيكبر و يكبر نهار على نهار خصوصا مور ما تزاد عندنا ولبد و بنية
انتهت 💜
أنت تقرأ
زوجي لا يحبني
Romantizmقصة زوينة منقولة مصرية رجعتها للهجة المغربية العنوان كافي لفهم مضمون القصة ما طويلاش بزاف نتمنى تعجبكم :)
