ذنبي عشقتك (الجزء الثاني)

البارت التاسع عشر

قصه (ذنبي عشقتك)
الجزء الثاني
الحلقه التاسعه عشر
-------------------
رنا : ماما ماما ماما ماما
هاله وهي نايمه : عايزه اي يا رنا
رنا : ماما خالو سائر تحت
هاله : طيب يا حبيبتي روحي وانا هنزل وراكي
رنا : اوك مامي ونزلت تجري ع تحت وهاله فاقت ودخلت غسلت وشها ولبست هدومها ونزلت تحت
سائر : بس خد بالك انا اشطر منك ف الكوره
سيف : مهو باين من الجون االي خسرته
سائر : لا يا حبيبي انا خسرت بمزاجي
رنا : انكل ماتحولش تهرب ياانكل خلاص
هاله : هههههههههه انت خسرت تاني
سائر : طب قولي صباح الخير ولا انتي والعيال عليا
هاله : لا هقول مقولش لي صباح الخير
سائر : مش من قلبك بس مش مهم
ناديه وهي شايله الفطار وطالعه من المطبخ : وده احلي فطار لاولادي
هاله : صباح الخير يا داده
ناديه : صباح النور يا حبيبتي فوقتي من العيط ده
سائر باستغراب : اي ده انتي كنتي بتعيطي
هاله : انا لا محصلش
ناديه : كدابه يا بني دي عنيها ورمت من كتر العياط
سيف : خلصونا عايزين نفطر الله وبعدين ارغو براحتكم
رنا : ايوه وانا كمان جعانه
ناديه : قولتلك متقعديش مع محمد كتير وانتي حامل هههههههههه
سائر : هههههههههه فعلا حرام عليكي يا هاله
هاله : خلاص انا غلطانه يلا بقا العيال هيموتوا من الجوع
رنا : نونو تعالي اقعدي افطري معانا
سيف : اه يا نونو يلا
ناديه :  لا مينفعش كلوا انتوا
هاله : لا يا داده اقعدي كلي معانا
ناديه : بس
سائر : يلا بقا يلا يلا وزقها للسفر
وقعدوا ع السفره واكلوا وهم بياكلوا
سيف : مامي الأسبوع الجاي ف مسابقه عندنا
رنا : ايوه يا مامي وسيف عايز يدخل
هاله : ومسابقة اي دي بقا يا سي سيف
سيف بزعل : مسابقه جري
سائر : ومالك زعلان كده لي
سيف : عشان المسابقه دي مع بابي وانا معنديش بابا زي أصحابي
هاله سابت الاكل من ايديها وبصتله معقول كل إللي عملته ده ولسه مش عارفه تعوضهم عن ابوهم معقول اااااه انا حسه أني ضعيفه اوي
ناديه : طب وانت مالك كده  وراحت ماسكه سائر من ودانه والواد سائر ده راح فين
رنا بدموع : بس هو مش بابا مامي احنا لي معندناش بابي زي أصحابنا 😭
سائر بحزن : بس بس وقام واخد رنا وسيف ف حضنه. وانا روحت فين ها مش انا موجود ع طول وبص لهاله بمعني اتكلمي
هاله وهي ع وشك انها تعيط : متزعلش يا سيفو واخدته ف حضنها بص بقا احنا هنعمل حاجه حلوه
سيف وهو بيمسح دموعه : اي هي
هاله : هقولك هات ودانك
رنا : وانا كمان عايزه أعرف
هاله : تعالي بصوا بقا ............. ها فهمتوا
رنا وسيف بفرحه : اوووك موافقين وبصوا ع سائر اللي مش فاهم حاجه بس فرح لان الولاد فرحوا تاني وبطلوا عياط
ناديه : يلا بقا اخد ولادي الحلوين ونطلع نتعلم قران
سيف ورنا : اوك وطلعوا مع ناديه وأول ما هم طلعوا هاله اترمت ع اقرب كرسي جنبها وعيطت
سائر : لا بقا ده ف حاجه النهارده
هاله بعيط : حسه اني ضعيفه يا سائر ابني حاسس نفسه وحيد ملوش اب مع ان أبوه عايش بس مش موجود معاهم اااااه لو تعرف انا بتعذب قد اي لم افتكر اللي حصل ولادي بعد كل اللي عملته انا مش عارفه اعوضهم عنه يا سائر ااااااااه انا ضعيفه اوي
سائر بدموع : أسف يا هاله انا السبب في اللي حصل انا السبب في ان علاقتكم اتدمرت انا اسف بس انتي لي مخلتنيش أقول لأسر علي الحقيقه؟!
هاله : لا يا سائر اسر خلاص مبقاش ليا اسر حب غيري خلاص ...وكملت بعياط حب غيري وأنا محبتش غيره وانا مش  قادره اعيش حياتي عادي وهو عادي نسيني خلاص انا مبقاش ليا اهميه عنده يا سائر عشان كده أنا مش هقوله ع حاجه خلاص علاقتنا انا واسر اتقفلت
سائر : طب ولو سئلك ولاد مين دول
هاله اتصدمت من السؤال لانها مكنتش متوقعاه : هقوله مش ولادك
سائر بصدمه : نعععععععم ازاااااي
هاله بالامبالاه : أي مالك
سائر: انتي بتهزري يا هاله مش كده
هاله بعصبية : لا مبهزرش  أنا تعبت ف ولادي لوحدي ربتهم واهتمت بيهم لوحدي هو مكنش لي اي دور وسطينا انا اللي شلت مسؤلية ولادي يبقي خلاص هو ملوش دعوه بيهم مش ولاده
سائر : متأكدة يا هاله
هاله : ايوه متاكده يا سائر وكفايه بقا كلام ف الموضوع ده
سائر عرف ان هاله خلاص جابت آخرها : اوك هتروحي الشركه
هاله : أيوه هروح
سائر : اوك انا هوصلك
هاله بخبث : توصلني لل لله ف الله ولا حاجه تانيه ها 😉
سائر : لا متخفيش انتي فهمتني وانا مش هوري وشي لحد ف الشركه مش هدخلها برجلي اصلا
هاله : اممممممممم ماشي
سائر : اي طعمها حلو
هاله : اووووووووووووي
سائر : طب يلا ياختي
ومشيوا
____________________________________
سامح : صباح الخير
اسر وعبير : صباح النور
اسر : عامل اي يا معلمي
سامح : ياض اتلم ده انت بقيت شحت ولسه بتتكلم بالطريقة دي
اسر : أيوه انا كده وهفضل كده متقلقش
عبير :واضح ده انا قولت عقلا ولا حاجه
اسر : انتي تعرفي عني الكلام ده يا بيرو يا قمر انتي
سامح : اكيد لا يلا عشان نفطر يلا
أسر : خلاص يا حج جينا وقطعنا عليكم الجو ها 😉
عبير : ولد عيب كده وبعدين احنا مكناش بنقعد لوحدنا ابدا لازم الولاد بيجوا بياتوا هنا ويقعدوا معانا يوميا
سامح : فعلا
أسر : اممممممممم والنهارده يوم مين بقا
عبير : هدير ومحمد
أسر: حلو عشان انا عايز اقعد مع هديررر كتييير
سامح : ابقي اقعد معاها براحتك يلا بقا انا جعان
اسر وعبير : يلا بينا
وقعدوا يفطروا وبعد الفطار
أسر : ياسلام تسلم ايدك يا ماما
عبير وهي بتبطب عليه : حبيبي بالهنا والشفا
سامح : يا سلام بقا لو كوبايه قهوه كمان
عبير : من عنيا ثواني وراحت ع المطبخ
سامح : ها بقا احكيلي عملت اي ف أستراليا
أسر : ولا حاجه اترقيت ف الشغل هناك وبقيت مشهور جدا هناك
سامح : عفارم عليك هو ده ابني
اسر : عيب عليك ده انا مشرفك
سامح : ومين البت السلعوه دي
اسر وهو ماسك ضحكته لان ده اللقب اللي لايق بجوليا : دي جوليا صحبتي
سامح : صحبتك بقا دي صحبتك دي شبه العرسه المحروقه
اسر : هههههههههه عرسه اي بس دي قمر
سامح : هتقولي ماانا شوفت
اسر : 😂😂😂😂😂😂😂
عبير : بتضحكوا ع اي ضحكوني معاكوا
اسر : لا ده بابا كان بيقول نكته فضحكت
عبير : فعلا طب قولنا نكته كده يا سامح
سامح : ها اه ييقولك مره واحد اتزنق ف ربع جنيه طلع من الخرم هههههههههه
عبير واسر : -_- -_- اي ده بقا
سامح : اي نكته مالكم
عبير : ولا حاجه اشرب القهوه يا سامح اشرب
اسر : وبعدين الربع جنيه المخروم ده مات من زمان دلوقتي بقا ف ورق
سامح : خلاص بقا الله مكنتش نكته يعني
عبير : ع رايك يلا بقا القهوه بتبرد بسرعه
أسر : اوك وبيشرب القهوه فونه رن
عبير : مين يا حبيبي
اسر : دي جولي يا ماما
عبير : العرسه بتاعت امبارح
أسر : هههههههههه اه هي استني ارد عليها
اسر : الو
جوليا : ?hi baby. how are you
اسر : كويس وانتي عامله اي
جوليا : fine .thanks
اسر : اممممممممم طب ف حاجه يا جولي مادام بتتكلمي كده يبقى ف حاجه
جوليا : حبيبي انا اتصلت بيك عشان انت وعدتني واحنا ف المطار انك هتفرجني ع مصر يا بيبي
أسر : ااااه اوك اجهزي عقبال ما اجي
جوليا: اوك see you soon bye
اسر :bye
سامح : هتروح فين يا اسر
اسر : هروح لجولي اصل كنت وعدها اني أخرجها
عبير : هو ضروري ابقي روحلها ف يوم تاني
اسر : معلش يا ست الكل هو مشوار ف السريع وارجع
سامح : اوك وانت راجع ابقي روح لهاله وهات منها ورق المناقصه
اسر بعدم فهم : هاله واي دخلها بالشغل
سامح : هاله هي اللي ماسكه شركات باباها يعني هي شريكه معايا ف الشركه الي عملنها انا ووائل
اسر بضيق : يعني هو لازم انا مينفعش حد تاني
عبير : اكيد يا حبيبي لو ف حد تاني كان زمان باباك بعته بس هو مشغول واخوكي جاسر مان اكيد مطحون ف الشركه فامفيش غيرك
أسر : اوك يلا عايزين حاجه
سامح وعبير : سلامتك
أسر : سلام
سامح وعبير : مع السلامه
ومشي اسر وبعديه بشويه مشي سامح وعبير طلعت قعدت ف الجنينه عاده كل يوم
_______________________________
هاله : هو ده اللي خمس دقائق وهصلحها بقالنا ساعه واقفين ولاحصل الهوا حتي دي العربيه مكحتش كحه يااخي
سائر : وانا اعمل اي بس هو انا اللي قولتلها اعطلي
هاله : يعني ياربي مش كفايه اني متاخره كمان مع سائر كده كتير
سائر : طب اعمل اي انا دلوقتي
هاله : متعملش حاجه انا اللي هعمل
سائر : هتعملي اي
هاله : هتصل بالشركه يبعتوا عربيه طب هعمل اي
سائر : طب وانا هتسبيني كده
هاله وهي بتقلده : عشر دقايق وتصلحها وتمشي مش كده
سائر : قلبك طيب يا لولو طب هاتي حق التاكسي طيب
هاله : ولا مليم وبعدين انت مش معاك فلوس ادفع انت الله
سائر وهو بيغيظ هاله : دي عربيتي كانت زي الفل ماعرفش مين اللي ركب فيها خربها كده
هاله بغيظ : تقصد ان انا نحس يا سائر وفضلت تضرب فيه بالشنطه بتاعتها
ف اللحظه دي اسر عده بعربيته وشافهم واقفين طبعا اتغاظ لم شاف هاله بتضرب ف سائر بس معملش اهتمام
اسر : طب اروحلهم اشوفهم مروحش اروح مروحش خلاص هروح لا لا مش هروح ف حته لا خلاص هروح لا ياعم خليك مكانك وف الآخر راحلهم
اسر: خير واقفين كده لي
هاله سمعت صوته اتصدمت بس مبينتش
سائر : بن حلال جيت ف وقتك انقذنا بقا ووصلنا الشركه
أسر : طب مفيش ازيك حتي ولا اي مش واخد بالك وبث وبص ع هاله
سائر : لا ازاي طبعا بس عشان هاله مستعجله جدا
اسر : طب تعالوا وانا اوصلكوا
هاله بجمود : شكرا انا هتصل بالشركه تبعت عربيه
اسر : عادي ولا يهمك اركبي
هاله : لا شكرا قولت
سائر : خلاص يا هاله يلا بقا عشان الاجتماع
هاله : بس يا سائر
سائر : يلا يلا وركبوا العربيه مع اسر وسائر اتصل بحد يجي ياخد العربيه
أسر بغيظ بيدريه : ازيك يامدام هاله
هاله ببرود : الحمدلله ازي حضرتك
اسر : تمام
هاله : اوك وبصت ناحيه الشباك
سائر : وانت اخبارك اي يا اسر وحياتك كانت ازاي ف استراليا
اسر وهو مش طايقني سائر ونفسه يقتله : ماشي الحال وهناك اي البنات عنب بس كلهم صنف واحد خاينين.     هاله سمعت كده زعلت جدا وسائر لاحظ بس مبينش هو كمان زعله ع هاله واسر ملاحظ النظرات بين هاله وسائر بس مبيتكلمش وهيموت من الغيره بس عامل نفسه أنه مش مهتم
اسر : وصلنا
هاله نزلت بسرعه من العربيه ووقفت بره كأنها كانت سجينه وطلعت من السجن وبتشم هوا بدل الخنقه
سائر : طيب تمام همشي انا بقا
اسر باستغراب : لي ده انت لسه واصل ومطلعتش كمان
سائر : لا اصل انا مش نطلع بس انا كنت واعد هاله اني أوصلها الشركه بنفسي عشان كده بس جيت إنما أنا هروح بقا
اسر بغضب بيدريه : اممممممممم يعني خايف عليها
سائر : طبعا يلا عايزه حاجه يا هاله
هاله : شكرا يا سائر باي
سائر : باي باي أسر
اسر وهو بيجز ع سنانه : باي
وطلعت هاله الشركه بس لقيت اسر طالع وراها
هاله وقفت : افندم
أسر باستغراب : خير
هاله : حضرتك طالع ورايا لي
اسر : اولا انا مش قصدي اطلع وراكي ثانياً بابا اللي بعتني لأنه عايز ورق المناقصه يعني مش عشان سواد عيونك😏
هاله برسميه : طب اتفضل عشان تاخد الورق ولم انك بن استاذ سامح يبقي حقك تحضر معانا الاجتماع اتفضل معايا
اسر : اوك اتفضلي ومشيوا وراحوا الاجتماع سوا والكل بيبص عليهم ومستغربين
موظفه واحد : مش ده استاذ اسر طليق مدام هاله هم رجعوا لبعض تاني ولا اي
موظفه اثنين : والنبي ياختي ماانا عارفه الدنيا فيها اي
جودي : اتاخرتي لي يا مدام هاله العملاء كلهم جوا
هاله : معلش يا جودي يلا بسرعه وجهزيلي النسكافيه بتاعتي عقبال ما الاجتماع يخلص وهاتي لأستاذ اسر قهوه بس السمر مظبوط اوك
جودي : اوك اتفضلي حضرتك
هاله : اوك اتفضل يا اسر بيه
ودخلوا الاجتماع واسر اتفجئ من مهاره هاله ف المجال ده بس طبعا مظهرش (طول عمره نكدي ) وفضلوا ف الاجتماع نص ساعه وبعدين خلصوا
هاله : صدقني لو طلعت البضاعه مغشوشه هندمك انت ماضي دلوقت وصل ٥٠ مليون الف جنيه فانت وحظك بقا
الرجل: يا مدام إحنا بنتعامل مع الشركه دي بقالنا ٦ سنين اكيد مش هتكون ثقت عملاءنا
هاله : والله الكلام ده نشوفوا بعدين عن اذنك الاجتماع انتهي وقامت مشيت هي واسر وهاله لاحظت ان العمال باصين عليها
هاله بعصبية: ف اي كل واحد يشوف شغله اتحركوا. ودخلت المكتب
جودي دخلت : النسكافيه والقهوه يا فندم
هاله : اوك وبعدين عادي ده استاذ اسر بن انكل سامح اكيد عارفه
جودي بسرعه : أكيد مين ميعرفش جوز حضرتك
اسر : طليقها يا انسه مش انسه بردو
جودي : ايوه عن اذنك يا هاله
هاله : اتفضلي وخرجت جودي وهاله واسر فضلوا باصين لبعض بعد كده هاله طلعت ورق المناقصه من الدرج واديته لأسر
هاله : اتفضل ورق المناقصه اهو
اسر : اوك مكنتش اعرف انك شديدة اوي ف البزينس
هاله بسخريه : ده الطبيعي بعد مرور سنه اكيد هتعلم ولا أي 😏
اسر بسخريه : اكيد صحيح يا هاله الولاد دول ولاد مين
هاله اتصدمت معقول معقول انت شاكك ف الولاد بس يا هاله متضعفيش
اسر: ولاد سائر صح
هاله اتصدمت للمره الثانيه بس قررت ترد عليه : اذن ملكش حق تسأل ولاد مين أنت مين انت عشان تسال عليهم
اسر لسه هيرد بس شخص دخل عليهم فجأه
الشخص : لولو وحشتييييييني
_________________________________
تفتكروا مين الشخص ده
مين اللي هاله بتلمح عليه
جوليا دي حربايه فعلا ولا لا
توقعاتكم
#Nemo