قصه (ذنبي عشقتك)
الجزء الثاني
الحلقه الثامنه
---------------
وصلوا الفيلا اللي ف باريس بتاعت معتز وكانت تحفه الاثاث والديكور راقي جدا والجميع اندهشوا من المنظر
هاله : واوووووووووووو معتز مكنتش اعرف انك مهندس ديكور شاطر كده
معتز وهو يعدل ليقه قميص : اكيد يا بنتي انا مش سهل
مازن : لا بجد يا معتز هاله بتقول الصراحه الفيلا تحفه
معتز بغرور : شكرا شكرا
أسر : بس كفايه عليه كده الواد هيتغر ع الفاضي
هدير : من حقه اذا كان من هنا وكده امال ف الاوض ازاي
محمد : تعالي نشوف
ريهام : اهدي شويه يا محمد
ساره : هههههههههه احسن
جاسر : بلاش انتي انتي مش كنتي عايزه ترتاحي ها
معتز : هههههههههه حلاوتك يا سوسو
هاله : اي يا سمسم مش عجبك الفيلا ولا اي
سميره : لا حلوه الاوضه فين يا معتز
معتز باستغراب : فوق ع ايدك اليمين
سميره : ماشي وسابتهم وطلعت
ساره : مالها دي
أسر : انت عملت اي ا مصيبه
مازن : بقولكم اي
هدير : قول
مازن : انا ف رايي نرجع مصر
ريهام باستغراب : ليه
مازن : ده احنا من اول ما ركبنا الطياره والمشاكل مش بتخلص من شويه هاله ودلوقتي سميره وبعدين مين بقي
جاسر : هههههههههه فعلا والله السفريه دي محسوووووده
ساره : ايوه صح الدور عليك يا جاسر يا حبيبي
جاسر : لا والنبي احنا ف شهر عسل
هاله : يا سلام طب ما احنا كمان ف شهر عسل يا بشمهندس
هدير : بشمهندس انتي متاكده انك دكتوره
هاله بغرور : دكتوره ونص مش صح يا اسوري
أسر : ايوه يا روح اسوري
محمد : طب عقبال ما تخلصوا المحن هطلع انام
ريهام : ايوه فعلا وانا كمان
مازن : خلاص الخروج بقي بكره النهارده للنوم
الكل : اوك
________________
فاطمه بصدمه : عادل
عادل : مفجأه صح
فاطمه بخوف مش باين : عايز اي يا عادل
عادل : وحشتيني جيت ازورك
فاطمه : وحشك عفريت امشي اطلع بره
عادل : اخص عليكي حد يكلم طليقه كده
فاطمه : ايوه انا واطلع بالزوق يا عادل بدل ما انده للأمن
عادل : اندهي لهم وبعد ع الكرسي ورجل ع رجل (بيت ابوك هو 😠)
فاطمه :انت عايز بقي يا اخي حرام عليك ما تشوف حياتك مع أسماء
عادل : تؤ اسماء بقت نكديه وانا عايز ارجعلك يا قمر
فاطمه : مستحيل ارجع لواحد زيك
عادل : ده انا عادل حبيبك
فاطمه : حبك برص انا مبحبش حد اطلع بره
عادل بغيظ : ماشي بس هرجعلك سلام
فاطمه : يارب ما ترجع
ومشي عادل وفاطمه رجلها مقدرتش تستحملها وقعدت ع اقرب كرسي
فاطمه : رجعت لي عادل عايز اي سبني ف خالي اعيش زيك يا اخي حراااااام
_________________
معتز : مالك يا سوسو زعلانه لي
سميره : .....
معتز : يعني انا عملت حاجه
سميره : ........
معتز بغضب : انا مش بكلمك
سميره بنفس الغضب : نعم عايز اي انت مش عارف عملت اي اقولك انا
فلاش باك
سميره وهي ف دراع معتز : والله هاله دي مجنونه
معتز : طالعه لابن عمها
سميره : لا انت اتعديت المرحله دي بكتير
معتز : والله
سميره : ايوه
معتز : ماشي ومشيوا وهو ماشي شاف بنت موزه اخر حاجه
البنت : هاي انا فيكتوريا (الحوار بالانجليزي)
معتز : وانا معتز
فيكتوريا : انت بجد عسول اوي
معتز : ده انتي اللي عسل
سميره بغيظ : في حاجه يا حبيبي
فيكتوريا : هاي مين دي يا معتز
سميره : انا مصراته يا حلوه
فيكتوريا باحراج : اها اهلا همشي بقي
معتز بتلقائية : متخليكي شويه
سميره بغضب : معتز
فيكتوريا : انا انا همشي باي
سميره بالعربي : سلام يا اختي
معتز : جامده اوي
سميره: ماشي يا معتز ومشيت وسابته
عوده الى الواقع
سميره بغضب : عرفت عملت اي ولا لسه
معتز وهو بيضحك : انتي متغازه منها دي معفنه
سميره: مهو واضح وهي بتقلده جامده بس
معتز : يا هبله والله انتي اللي ف القلب
سميره: محدش ياخد مكاني
معتز : ولا حد يقدر اصلا
سميره حضنته : بحبك
معتز : وانا بموت فيكي
_______________________
ف النادي
امل : مالك يا فاطمه وشك قالب كده لي
فاطمه بقلق : عادل
عبير : ماله
فاطمه : جيه النهارده
امل وعبير بصدمه : اي
امل : وعملتي اي
فاطمه : طردته
عبير : كان عايزك لي
فاطمه : عايز يرجعلي
امل : وانتي وافقتي
فاطمه : لا طبعا ده واحد زباله
عبير : بس خدي بالك شكله مش سهل وهيعمل اي حاجه عشان ترجعيله
فاطمه : ده بعده
امل : ايوه كده
فاطمه مغيره الحديث : فين العصير
عبير : بس كده ثواني
وطلبوا العصير وشربوا وكل واحد روح بيته وفاطمه قلقانه وخايفه من عادل
_________________
دخل مدحت من باب الشقه وكان غضبان بس بحاول يداري عشان ساندي
ساندي : حبيبي جيت
مدحت : اه يا حبيبتي عامله ايه
ساندي بشك : انا كويسه مالك يا مدحت
مدحت بارتباك : لا مفيش حاجه
ساندي بشك : متاكد
مدحت : اه اه متاكد
ساندي : ماشي هعملك الاكل
مدحت : ماشي اسلام فين
ساندي : ف اوضته جوه
مدحت : ماشي انا هدخل له
ساندي : ماشي يا حبيبي
ودخل مدحت ع اسلام لله ببرسم
مدحت : عندي فنان ف بيتي وانا مااعرفش
اسلام : اكيد مش هتعرف انا مش بشوفك
مدحت بندم : معلش يا حبيبي بس الشغل
اسلام : ماشي بس ابقي اقعد معانا شويه
مدحت : ما ماما موجوده مش بتقعد معاها لي
اسلام بتلقائية : دي ست وانا عايز ولد عشان اتكلم معاه
مدحت : وانا اهو يا سيدي اقول بقي
اسلام بطفوله : انا بحب واحده معايا ف الحضانه
مدحت بضحك بيداري : نعم لا لسه صغير
اسلام : لا يا بابا انا كبرت واقدر اتجوز
مدحت : تتجوز كمان
اسلام : ايوه هتجوز
مدحت : وهي بقي بتحبك
اسلام بحزن : مش عارف
مدحت : مشكله كبيره فعلا انت الاول شوف اذا بتحبك ولا لا بعد كده اشوف حل للموضوع
اسلام بفرح : بجد يا يابابا
مدحت : طبعا انت عارف ابوك ميرجعش ف كلمته
دخلت ساندي ف اللحظه دي وسمعت الجمله الاخيره
ساندي : لا بجد مبيرجعش
مدحت وهو بيضم مراته : الا مع مامتك بس
اسلام : ايوه يا بابا يا لعيب
ساندي : هههههههههه طب يلا يا شقي عشان نأكل
اسلام : حاضر
مدحت : ما تقعدي شويه
ساندي : لا انا جعانه وزقته وخرجت
مدحت ف نفسه : مجنونه وربنا
وطلعوا كلهم وقعدوا ياكلوا وكلامهم اللي بيخلي القعده حلوه وكان يوم جميل والكل دخل نام بعدها (طبعا بعد غسيل المواعين 😉😂)
_________________________
امل : وائل ثواني هحضرلك الاكل واجي
وائل : بعصبية : مليش نفس
امل : مالك يا وائل
وائل : مفيش
امل : ع فكره انت مش بتعرف تخبي
وائل : الشركه يا امل
امل : مالها
وائل : خسرنا صفقه كبيرة اوي
امل : فداك يا حبيبي شويه ويجي غيرها
وائل : بس دي كانت صفقه هتنقلنا نقله تانيه
امل : معلش يا حبيبي اكيد ربنا شيلنا الاحسن
وائل : ونعم بالله
امل : يلا فوق كده عقبال أم اجهز السفره
وائل : ماشي
ونزل وائل وقعدوا يتغدوا وامل بتحاول تنسيه عشان ميتعبش وخلصوا اكل وطلعوا ع اوضتهم وناموا
وخلص اليوم ع الكل بحلوه ومره
__________________
تفتكروا عادل ممكن يعمل حاجه
ومدحت مدايق لي
توقعاتكم
#Nemo
أنت تقرأ
ذنبي عشقتك (الجزء الثاني)
Romanceعشقتك ولكن لم تثق بي اذا لا تلومني ع شئ فاانت المذنب الوحيد
