قصه (ذنبي عشقتك)
الجزء الثاني
الحلقه الواحده والعشرون
-----------------------
ريهام : مازن زوما مازن
مازن بنوم : اي يا ريهام
ريهام : مش هتقوم عشان نروح الشغل وكمان نوصل الولاد الkinderground
مازن : والله وبقيتي تتكلمي انجيلزي إسمها حضانه يا حبيبتي
ريهام : يا سلام طريقه كلامي مش عجباك دلوقت الله يرحم لم كنت بتجري ورايا
مازن : انا محصلش ده انتي اللي كنتي هتموتي عشان اتجوزك واحده بايره اصلا
ريهام بغضب : انا بايره يا مازن ده انت اللي كنت بتجري ورايا وعملت المستحيل عشان توصلي
مازن بزهق : يووووووه انتي عايزه نكد ع الصبح
ريهام بعصبيه وصوتها عالي : تقصد تقول اني نكديه انت اللي نكدي وستين نكدي ده انت يا اخي مبتقعدش معايا قد ما بتقعد مع الدكتورة السلعوه اللي هناك
مازن بغضب : احترمي نفسك يا ريهام ووطي صوتك احسن لك
ريهام بغضب : انا محترمه احسن منك الف مره ع الأقل مبقعدش افضل ارغي مع الدكتورة
مازن : انتي اتجننتي دي ست متجوزه وبعدين انا برغي معها ف اي ها مش كله كلام شغل
ريهام : ايوه ايوه اتحجج بالشغل ماانت كنت بتاع بنات فمش جديده عليك
مازن : اللهم ما اغزيك يا شيطان ريهام لمي الدور احسنلك مش عايز امد ايدي عليكي
ريهام : عايز تضربني اضرب اضرب يا مازن ما دي آخره اللي تتتجوز واحد ملوش ام ولا اب هيتعلم الادب ازاي
مازن غضب وراح ماسكها من شعرها : اخرسي احسن اقطعلك لسانك تكونيش فاكره اني معرفش انك كنتي خدامه ف بيت عمك بعد ما مات ابوكي ولا ابنه اللي كان هيغتصبك والخدامه ساعتها صوتت ها ولا لم كنتي بتمشي تمسحي العربيات ها عشان تاخدي فلوس اتعدلي كده واظبطي كلامك وشوفي انتي بتتكلمي مع مين اللي زيك مكانها خدامه ف بيتي دلوقت احمدي ربنا اني لميتك من الشارع
مع كل كلمه كان بيقولها ريهام اكن حد بيغرز ف قلبها سكينه حاميه وعمال يشيل ويحط فيها
ريهام بوجع : انا ..انا أسفه ..بعد اذنك سيبني. سابها مازن وهو مخنوق وراح الحمام بس وهو ع الباب قالها
مازن : صحيح قريب اوي هتستلمي دعوه فرحي لان بصراحه العيشه معاكي بقت تخنقه وانا عايز حد يدلعني مش ينكد ع اهلي. ودخل ف اللحظه دي ريهام قوها انهارت معقول....معقول يتجوز عليا ...😭😭😭 اه يا ماما اه اه انا تعبانه اوي من غيركم. وفاقت ع صوت البنات بيعيطوا
تقي وعواطف : مامي 😭😭😭😭😭😭😭
ريهام اخدتهم ف حضنها وفضلت تهدي فيهم وتهدي نفسها ومازن اخد الشاور بتاعه وطلع من الحمام لقاهم قاعدين بالمنظر ده مهتمش ومشي ع عربيته وسابهم ف البيت .
تقي : مامي هو بابي ماله
عواطف : كان بيزعق اوي أوي فيكي لي
ريهام : مفيش يا حبيبتي مش انا لم بدايق منكم بزعق لكم
تقي وعواطف هزوا رأسهم بمعني اه
ريهام : هو زعل مني شويه ف زعقلي بس كده
تقي : ماشي إحنا مش هنروح الحضانه
ريهام : اكيد طبعا هنروح قدامي ع العربية يلا عقبال ما اظبط شعري
تقي وعواطف : اوك. ومشيوا البنات ع العربية وريهام وقفت قدام المرايا تعدل هدومها وشعرها معقول مازن يقولي الكلام ده ااااه انت اكنك قتلتني بسكينه تلمه وخلصت وراحت للولاد توديهم الحضانه وتروح ع شغلها
___________________________________
حسام : بابي بابي بابي بابي بابي
معتز : اي يا حسام عايز اي
حسام : طب اتعدل وانت بتكلمني اكلمك ازاي انا كده ها
معتز قعد نص قاعده : اهو خير خير يا حبيبي مصحيني من الصبح لي
حسام : مش عشان وحشتني اكيد لا دي سميره اللي قالتلي اصحيك
معتز بدهشه : سميره عادي كده من غير ماما
حسام : انت مش عليك بقولك بابا خلاص ملكش دعوه بقا اقول لماما اي
معتز : انت طفل انت
حسام : امال كبير زيك ده انا ملاك برئ
معتز : هتقولي اتفضل اطلع بره يلا عقبال ما اغير
حسام : وانا اش ضمني انك مش هتنام تاني وتضحك عليا
معتز : يابني ارحمني والله انا هموت منك
حسام : مش مهم يلا بقا هتاخر ع الحضانه
معتز : محسسني انك هتتاخر ع امتحان الثانوية حاضر يا خويا اترزع هنا
حسام : متزوقش طيب. ودخل الحمام خد الشاور بتاعه ولبس وطلع بره واتفاجئ
معتز بصدمه : البرفان بتاعي خلص 😨
حسام : كله يهون عشان خاطري 😝
معتز : والله ماانا سيبك تعالي هنا تعالي. وفضل يجري وراه ف الفيلا
سميره : اي اي بتجروا لي
حسام وهو بيستخبا وراها : عايز يضربني افتره 😜
سميره : لي كده يا معتز
معتز بدهشه : يا كداب افتره انا عايز اضربك افتره ده خلص البرفيوم بتاعي يا سميره
سميره : لي كده يا حسام
حسام بتصنع برائه الاطفال : مش قصدي يا مامي والله ده أنا عمال ارش ومفيش ريحه فتحته وقع مني بالغلط رحت قفلته تاني
سميره : خلاص يا معتز مكنش يقصد الله ويلا بقا اتاخرنا
معتز : اي مكنش يقصد انتي بتهزري يا سميره
سميره : لا مبهزرش انت شايف هو عامل ازاي
معتز : ده بيكدب عليكي وانتي مصدقاه عادي
سميره : معلش يا عزوز بقا انت الكبير
معتز : بقا كده ماشي طب مفيش لعب لاستاذ حسام نهائي بقا لمده شهر
حسام بصدمه : أييييي مفيش لعب ليييييييييييي
معتز : اهو كده كيفي عشان تبقي تكدب عدل
سميره : لي كده يا معتز
معتز : هووووس مش عايز اسمع اي صوت قدامي ع العربية يلا
سميره : طب مش هنفطر
معتز : ماشي خمس دقائق ونمشي وقعدوا يفطروا وحسام زعلان وخلصوا فطار ومشيوا ع الحضانه نزلوا حسام وهم كملوا طريقهم للشركه ( شركه للديكور)
سميره : لي كده يا معتز زعلاته لي
معتز : اكيد أنا مش همنع عنه الالعاب بس عشان يتعلم ميكدبش فهمتي قصدي اي
سميره : اااااه فهمت والله كنت هزعل منك جامد
معتز بحب : وانا ميهونش عليا زعلك
سميره بكسوف : ركز ف الطريق عيب كده😊
معتز بضحك : يعني متجوزين بقالنا خمس سنين ولسه بتتكسفي😀
سميره بخجل : بس بقا الله ركز ف الطريق😊
معتز : حاضر
____________________________
ساره : صباح الخير
جاسر : صباح النور يا قلبي
سلمي : صباح الخير يا بابي
جاسر : يا صباح الورد والياسمين ع حبيبت قلبي وباسها ع خدها
ساره : ايوه بقا يا ست سلمي ختي جوزي مني
سلمي : اه ده حبيبي أنا
جاسر وساره : هههههههههه
ساره : بقا كده طب انا نبقي أقول لسيف ان معندناش بنات للجواز
جاسر بخبث : سيف مين بقا
سلمي : مفيش حاجه مامي بتضحك وبرقت لمامتها بطريقه طفوليه
جاسر : لا والله
سلمي : اه اه اه
ساره : خلاص يا جاسر بلاش تحرج البنت 😂😂😂😂
جاسر : لا ماانا لازم اعرف سيف بن هاله صح
ساره : اه هو وراحت غمازله مش سيف طلع بيحب واحده تانيه ف الحضانه
سلمي بغضب : ايييي بيحب غيري 😡
جاسر فهم : اه صح وكان قال لهاله عليها
سلمي بدموع : بجد😭😭
ساره بحنيه : حبيبتي بهزر يا قلبي
جاسر : اووووو بنتي بتحب وهي لسه في حضانه يا بختك المنيل يا جاسر
سلمي : ماله بختك ها
جاسر : ملوش احبيبتي يلا افطري يلا
سلمي : متزعقش
جاسر : لا هزعق براحتي
سلمي : اهون عليك يا جوجو
جاسر : لا متهونيش يا قلبي
ساره بدهشه : البت هتاخد جوزي مني يا جدعان يالهوووي
سلمي : حد لمسه احنا بس بنثبته مش اكتر
جاسر : لا والله بقا كده
سلمي : بهزر ده انا بثبتها بس
جاسر وساره : هههههههههه
ساره : طب يلا يام نص لسان افطري عشان تروحي الحضانه
سلمي : انا مش بنص لسان ع فكره انا لساني كامل اهو 👅
ساره : يابت اسكتي وكلي
سلمي : اوك. وقعدوا فطروا مع بعض وخلصوا فطار
جاسر : الحمدلله
ساره : كلت ي حبيبي
جاسر : اه الحمدلله خلصتي يا سوسو
سلمي : اه خلصت شيلني بقا
جاسر : بس كده اهو وشالها وباسها ف خدها
جاسر : يا خرابي بقا انا عندي القمر ده
ساره : طب وانا
جاسر : انتي البسكوته بتاعتي وباسها ف خدها
سلمي : وانا
ساره : هههههههههه مش هتخلص النهارده روح روح
جاسر : سلام يا قلبي
ساره : باي
________________________
اسلام : يا ماما كل ده ومش هتديني حاجه
ساندي : لي هم دول كتير دول حاجات قليله
اسلام بصدمه : اي حاجات قليله اتكلم انت يا بابا
مدحت : بصراحه يا ساندي انتي اووفر أوي كل ده ولا بتقولي خد فلوس بقا ابقي هات اكل من بره مش لو خلص ده
ساندي : ده كلهم نص كيلو بانيه ونص كيلو بطاطس محمره و٨ قطع همبرجر وازازه بيبسي وعصير وشيكولا
اسلام بدهشه : هااراسوح كل ده.... ده يارب اخلصهم اصلا وبعدين ابقي اجيب أكل من بره
ساندي : محسسني إن حاجات كتير
مدحت : نعم انتي كنتي تحطي معاها اي تاني تحطي المطبخ حرام عليكي هتنفخي الواد
ساندي : بقا كده أنا غلطانه متخدش حاجه بس
اسلام : يا ماما والله ما نقصد بس احنا بنقولك ان الحاجه كتير مش اكتر
مدحت : خلاص بقى يا نودي متزعليش هو بس شايف ان الاكل كتير
ساندي بزعل : مش كفايه هيبعد عني ثلاثة أيام
اسلام : والله العظيم لو فضلتي زعلانه كده ماهروح ف حطه وذنبي هيبقي ف رقباتك
ساندي بابتسامة : لا يا حبيبي خلاص انا مبسوطه اهو 😁
اسلام : هههههههههه لا مش للدرجه دي يعني
مدحت : طب يلا يا رغاي خلص عشان منتاخرش
اسلام : حاضر حاضر ها يا ماما فى حاجه تاني
ساندي : مش عارفه استني اشوف
اسلام : لا تشوفي اي أنا كنت بهزر يلا يلا
ساندي : طب استني
اسلام : نعم
ساندي : خدي دي معاك واوع تسيبها ابدا ماشي
اسلام : الله دي ايه الكرسي
ساندي : ايوه عشان تحفظك وتحميك
اسلام حضنها : ربنا يخليكي ليا يا احلي أم
مدحت : يلا بقا هتناخر
ساندي ومدحت : اوك. ونزلوا تحت بعد ما اصرت ساندي توصل اسلام بنفسها وفضلوا وقفين لحد ما الباص مشي ورجعوا
مدحت : انا النهارده مش هتاخر ف الشغل ياريت تنظيم ليا اوضتي وتخليها اكنها لعروسه جديده
ساندي باستغراب : اشمعنا
مدحت : وأنتي مالك اسمعي الكلام وبس
ساندي بزعل : حاضر اي أوامر تانيه
مدحت بتريقه : لا يااختي شكرا لو عوزت حاجه هقولك
ساندي : ماشي طب انت هترجع امتي
مدحت : انتي غبيه مش قولتلك انتي مالك
ساندي : اسفه. وفضلوا ساكتين وقطع صمتهم لم فتح الكاست واشتغلت الاغنيه وهي بتقول
مالك ما تقولى أيه غير أحوالك
مالك ما تقولى أيه بس اللى جرالك
مالك ياحبيبى أيه غير أحوالك
مالك ياحبيبى أيه بس اللى جرالك
فاكر ليالى زماان ..فاكر ليالينا
يبقى أنت والايام ..قاسيين كده علينا
فاكر ليالى زماان ..فاكر ليالينا
يبقى أنت والايام ..قاسيين كده علينا. ساندي كانت بتسمع الاغنيه وتدمع وهو راح قافل الكاست وفضلوا ف الصمت ده لحد ما وصلوا البيت نزلت ساندي من العربيه وطلعت ع شقتها ومدحت راح ع شعله وساندي فعلا ابتدت تنظف الاوضه وهي دموعها ف عنيها
___________________________
هاله : يا رنا تعالي هنا يا حبيبتي
رنا : تؤ تؤ مش هروح الحضانه
هاله : يا بنتي ربنا يهديكي تعالي هنا
رنا : لا يعني لا
سيف : متخلصوا بقا خنقتونا الله
ناديه : بس ياض انت اسكت خالص ده انت فرجت علينا الخلق عقبال ما رضيت تلبس
رنا : يا مامتي يا حياتي انا مالي ومال الدراسه
هاله : دراسه اي يا بت ده انتي لسه مسخوطه ف حضانه
رنا : انا مسخوطه ما سيف كمان مسخوط
سيف : هو حد كلمك ابنتي ولا انتي بتجيبي ف سيره الناس وخلاص
هاله : يالهوي مخلفه عربجي انا
سيف : اللهم طولك يا روح
ناديه : مالها روحك يا حبيبي
سيف : زهقت زهقت متنجزي بقا يا بت انتي
رنا : ملكش دعوه انت انا حره عايز تروح انت روح
سيف : خلاص يا مامي سيبيها وانا وانتي نروح الملاهي لم نخلص زي ما قولتي
رنا بفرحه : اي الملاهي بجد خلاص انا هلبس اهو
هاله : الحمدلله يلا اطلعي مع داده ناديه يلا
رنا : اوك يلا يا نونو
ناديه : يلا يا حبيبتي
هاله : خد تعالي هنا يا سيف
سيف : مش قادر تعالي انتي
هاله بغضب : سيييييف وف ثانيه كان سيف قدمها
سيف : نعم يا حبيبتي
هاله : لا والله حبيبتك
سيف : ايوه طبعا مش ماما
هاله : هتقولي قول يا واد عرفت ازاي أنها هتوافق انها تلبس بالطريقة دي
سيف : كل العيال الصغيرة تفكيرهم كده
هاله: ع اساس انك شحط مثلا
سيف : اي الالفاظ دي وف الاخر بتقولي بتجيب الألفاظ دي منين مهو كله من عندك
هاله : لا والله طب أمشي من قدامي دلوقتي امششششششي. اه يا قلبي يانا دلوقتي انا عرفت لي ماما كنت تفضل تقولنا يعتبر عقلتوا شويه بس لسه لم تتجوزوا هتعقلوا اكتر ربنا يرحمك يا ماما يارب. وشويه ونزلت رنا وهي لابسه الهدوم بتاعتها ورايحه لمامتها
هاله : اي الحلاوه دي يا ناس
رنا : اكيد اكيد يلا بقا عشان منتاخرش
هاله : يلا يااختي قدامي يلا
ناديه : مع السلامه يا ولاد
هاله وولادها : مع السلامه. ومشيوا ووهم ف الطريق سيف شغل الكاست وكانت الاغينه لسه بتبتدي وكانت كالتالي
حلوة اوي معرفش ازاي
احلى من السكر في الشاي
ولا جمالها جمال ملكات ولا مصنع حلويات
افترت سيطرت افترت سيطرت افترت سيطرت
وسطك وسطك وسط بلاستيك
لما تشدي الحبل يأستك
الي شافك لو ما سمى
يبقا عيل سيس و فيستك
وسيف ورنا بيرقصوا عليها وهاله بتضحك عليهم وع منظرهم ووصلوا الحضانه وهاله نزلتهم وباستهم ومشيت ع الشركه
______________________________
هدير : صباح الخير
اسر ومحمد وسامح وعبير : صباح النور
كريم وياسر : بابي حبيبي
محمد : قلبي عايزين اي
ياسر : واحنا لازم نكون عايزين حاجه
محمد : عليا عايزين اي من غير لف ودوران
كريم : ابدا احنا عايزين نبقي نروح الملاهي
سامح : مفيش صباح الخير يا جدو
ياسر : صباح الخير يا جدو صباح الخير يا تيته صباح الخير يا
هدير : ده خالو اسر
كريم : مين أسر ده
عبير : ده خالكم اخو ماما
ياسر : ااااه اوك صباح الخير يا خالو
اسر : صباح الفل عليكم اي هتروحوا الحضانه
كريم : اه بس لم بابا يقول رائيه
محمد : ف اي يا كريم
ياسر : ف موضوع الملاهي
محمد : والله انا مش فاضي يا ياسر انت وكريم عندي شغل
كريم بزعل : بس انا عايز اروح الملاهي
اسر : خلاص متزعلش انا هوديكم
ياسر وكريم بفرحه : بجد 😁
اسر : اه يا حبيبي بجد
ياسر وكريم جريوا عليه : انت أحسن خالو ف الدنيا .
أسر : وانت اجمل ولاد ف الدنيا
هدير : يلا بقا عشان نروح الحضانه
عبير : انا هاجي معاكم وبالمره هشتري شويه حاجات
سامح : اوك وانا كمان نمشي عشان اروح الشركة
اسر ومحمد : اوك
كريم وياسر : باي يا بابي باي يا خالو
اسر ومحمد : بااااي. ومشيوا الجماعه كل واحد مكانه
محمد : اسر انا عايز اسالك ع حاجه
اسر باستغراب : اتفضل يا محمد
محمد : انت لي سبت هاله
اسر وظهر عليه علامات الغضب : ينفع منتكلمش ف الموضوع ده
محمد بغضب : لا لازم نتكلم فيه يا اسر
اسر : وانا مش مستعد اتكلم فيه
محمد : لوسمحت يا اسر وغلاوه هدير عندك
أسر : اوك هقولك طبعا هو قاله الجزء اللي كان اسر افتكره قبل كده ودلوقتي هيكمل
#فلاش_باك
ثاني يوم الصبح
هاله : صباح الخير يا حبيبي
اسر : صباح النور
هاله : اي وراك شغل النهارده
اسر بشك : اه لي ف حاجه
هاله بارتباك : ها لا ولا حاجه عادي يعني بسال فيها حاجه دي
اسر والشك ابتدأ يزيد : لا مفيش يا هاله
هاله : اوك بس ابقي قولي لو عندك شغل كتير
اسر : ان شاءالله
هاله : وابقي اتصل بيا قبل ما ترجع
أسر والشك ابتدأ يبقي يقين : اه اكيد بس لي
هاله : عشان ابقي اعمل حسابي واخلص بسرعه
اسر : تخلصي اي بالظبط
هاله : ها الغدا يا حبيبي
اسر : الغدا اه ماشي
هاله : مالك يا اسر بتتكلم معايا كده
أسر : بتكلم معاكي إزاي مهو عادي اهو
هاله : لا مش عادي يا أسر انت من ساعه ما رجعت من الشغل امبارح وانت متغير
اسر بعصبيه : يعني شيفاني بشد ف شعري مثلا ولا اي
هاله : اي يا اسر بتتكلم بصوت عالي لي
اسر : يووووو انتي عايزه تتخنقي ع الصبح صح انا ماشي
هاله : استني يا اسر استني استني بس لا حياه لمن تنادي مشي وهاله رجعت زعلانه ع الفيلا
_____________________________
اسر طلع متعصب وعفاريت الدنيا بتتنط ف وشه ركب عربيته ومشي بيها فضل يلف يلف لحد ما وصل المستشفى ودخل وهو مزعوج جدا ع مكتبه وكان بيشركه مازن فيه
مازن : مالك يا أسر
أسر : مليش
مازن : شكلك متغير
اسر : هو كل حد يشوفني يقولي مالك شكلك متغير ف اي يا ناس
مازن : اهدي وريح اعصابك
اسر : هديت
مازن : اطلبك ليمون
اسر : افضل قهوه
مازن : اوك. وخرج من الاوضه عشان يجيب القهوه ليهم وف نفس الوقت يسيب اسر شويه ويهدي بعد ما خرج اسر فضل قاعد مع نفسه وبيشوف هو عمل غلط ولا صح
اسر : مش معقول أكيد انا غبي ازاي اشك ف هاله حبيبتي ازاااااي اكيد يعني ف سوء تفاهم ف الموضوع بس كلامها النهارده كله مش مظبوط بس اكيد انت بتخرف ده.... حطت مريض يلعب ف دماغك كده اكيد.... لا هاله مستحيل اخوتي مستحيل طب بص ....انا اتصل بيها دلوقتي واقولها اني هتاخر ف الشغل... وساعتها هيتحدد اذا انا شكي غلط ولا صح... ااااه هو ده الحل الوحيد. ومسك الفون بتاعه وطلب هاله
هاله : الو
اسر : اي يا هاله
هاله : ايوه يا اسر ف حاجه
اسر : كنت عايز اقولك اني هتأخر ف الشغل اوك
هاله : ماشي يا حبيبي
أسر : ماشي سلام
هاله : سلام. وقفل المكالمة وف اللحظه دي دخل مازن ومعاه القهوه
مازن : اتفضل يا سيدي
اسر : حبيبي تسلم
مازن : هديت دلوقت
اسر : الحمدلله
مازن : الحمدلله مالك بقا. اسر بصله بصت غضب سكت خالص. وقعدوا شربوا القهوه وراحوا يشوفوا شغلهم وف الوقت ده هاله اتصلت بحد ف الفون
هاله : الو
شخص : اي يا هاله
هاله : هيتاخر النهارده
شخص : انتي متاكده
هاله : ايوه هو اتصل بيا وقالي
شخص : خلاص ماشي شويه وتلاقيني عندك باي
هاله : باي. وقفلت معاه
_____________________________
تفتكروا مين اللي بتكلمه هاله ده
اي اللي هيحصل بين مازن وريهام
اللي عمله معتز مع حسام ده كويس
لي مدحت طلب من ساندي تجهز اوضته اكنها لعروسه
توقعاتكم
#Nemo
أنت تقرأ
ذنبي عشقتك (الجزء الثاني)
Storie d'amoreعشقتك ولكن لم تثق بي اذا لا تلومني ع شئ فاانت المذنب الوحيد
