ذنبي عشقتك (الجزء الثاني)

البارت الثاني والعشرون

قصه (ذنبي عشقتك)
الجزء الثاني
الحلقه الثانيه والعشرون
-----------------------
هاله : الو
شخص : اي يا هاله
هاله : هيتاخر النهارده
شخص : انتي متاكده
هاله : ايوه هو اتصل بيا وقالي
شخص : خلاص ماشي شويه وتلاقيني عندك باي
هاله : باي.  وقفلت معاه وشويه والشخص ده وصل
تق تق تق. هاله جت وفتحت وشافته اترمت ف حضنه
هاله : حبيبي وحشتني اوي اوي
الشخص : وانتي كمان عامله اي
هاله بحزن : اهو ماشي الحال
الشخص : مالك اسر عاملك حاجه ولا اي
هاله : اتخانق معايا النهارده
الشخص : لي بقا إن شاء الله
هاله : معرفش
الشخص : صبرك عليا انا هربيه ليكي
هاله : حبيبي مفيش داعي مش هتساعدني
الشخص : اكيد انا جبت اثنين عشان يساعدونا بعد كده يمشوا
هاله : ماشي يا حبيبي انا هدخل أعمل حاجه للجماعه
الشخص : ماشي.  ودخلت هاله تعملهم عصير فرش والخدامه واقفه جنبها وبترقبها وخلصت هاله العصير وطلعته
هاله : اتفضلوا العصير
الشخص : حبيبتي احنا هنطلع نجيب الحاجات الناقصه ونيجي
هاله : ماشي بس متتاخرش عشان اسر
الشخصيه : متخفيش
هاله : ماشي   ومشيوا وف اللحظه دي الخدامه اتصلت بسائر
سائر : ايه الاخبار
الداده : تمام يا باشا الجماعه اللي كانوا هنا مشيوا وهيتاخروا يا باشا عشان اللي بيدور عليه مش موجود هنا اصلا
سائر : خلاص ماشي تتطب اتكلي انتي ع الله بقا بس متنسيش هتعملي اي
الداده : ماشي يا باشا.  وقفلت معاه
سائر وهو بيتكلم مع نفسه : واخيرا هحقق انتقامي
الداده : يا ست هانم
هاله : نعم يا داده
الداده : انا بن تعبان يا ست هانم لسه متصلين بيا
هاله : تلف سلامه خلاص روحي يا داده
الداده : ربنا يخليكي يا ست هانم
هاله : شكرا اتكلي ع الله  ومشيت الداده زي ماقالها سائر وهاله قعدت وشويه والباب خبط
هاله وهي بتفتح : اخيرا جيت واتفجأت مين حضرتك
سائر : انا بعتني الأستاذ عشان اشوف ناقص اي
هاله : اوك اتفضل ودخل سائر جوا وبيعمل أنه بيشوف الجو بس هو كان مستني الوقت المناسب
___________________________
اسر : اووووف اي الكشوفات دي انا تعبت
مازن وهو بيقعد : ومين سمعك ده انا مش حاسس برجلي
اسر : يعني اليوم اللي بقول اروح فيه بدري يطلع كل الكشوفات دي
مازن بخبث : عايز تمشي لي ها 😉
اسر : اتلم يا كلب عيب كده
مازن : انا بردو اللي اتلم ها 😉
اسر : عليا النعمه لو مسكت لهخبطك ف الحيطه لا واي انا اللي هكشف عليك بنفسي واخد بالك انت
مازن : لا وع اي انا عايز اروح لمراتي سليم
اسر : ايوووه كده يبقى اتعدل بقا
مازن : من عنينا يا اسر باشا
اسر : هههه وقطع كلامه فون اسر اللي بيرن
اسر : الو
الداده : ازيك يا اسر بيه
اسر : الحمدلله ف حاجه
الداده : المدام هاله قاعده جوا مع واحد بقالهم كتير وعماله اخبط ع باب الفيلا محدش بيفتح
اسر برعب : اي الكلام ده ياداده مين ده
الداده ببراءه : معرفش يا اسر بيه ده حتى كان عندها امبارح
اسر بصدمه : امبارح
الداده : ايوه يا اسر بيه أنا خايفه ليكون حصل حاجه
اسر : طيب انا جي حالا انا جي. وقفل معاها
مازن : مالك يابني ف اي
اسر : مفيش مفيش انا لازم امشي دلوقت
مازن : ماشي روح.  ونزل اسر جري ع عربيته ركبها وراح ع الفيلا عدل (وللاضافه المستشفى قريبه جدا من الفيلا يعني عشر دقائق بالكتير ويكون قدام بيته )
____________________________
هاله : حضرتك كل ده بتشوف اي اللي ناقص
سائر : معلش يا مدام بس عشان ملغبطش ف حاجه
هاله: طب  لو سمحت خلص بسرعه
سائر : يامدام انا بعمل كده عشان الحاجه تبقي مظبوطه بالظبط
هاله : اممممممممم اوك.   وشويه وكان اسر وصل بس كانت الداده الخبيثة واقفه بره وشافته رنت ع سائر وساعتها سائر عرف ان ده الوقت اللي ينفذ في خطته. وسأل الحاجه اللي ف أيده وراح لهاله
هاله وهي بترجع ورا : انت انت بتعمل اي
سائر : وانا كمان بحبك يا قلبي صدقيني وكل حاجه انتي عايزها انا هعملهاك ولو ع اسر انا هقتله زي ما إنتي عاوزه ونورثه بس المهم انك متزعليش مني لاني انا اي حاجه تهون عليا لكن ميهونش عليا زعلك.     بيقول كل ده تحت صدمه هاله الكبيرة من الكلام اللي بيقوله وصدمه اسر اللي سامع الكلام اللي سائر قاله
هاله : انت....بس هو قطعها ببوسه طويلة وف اللحظه دي اسر دخل عليهم وشافهم وكان واقف مصدوم من اللي بيشوفه معقول دي هاله معقول
اسر بغضب الدنيا : الله طب اروح واجي ف وقت تاني تكونوا خلصتوا
هاله اتنفضت ساعتها ورجعت لوره بصدمه كبيره وسائر مثل الصدمه
هاله بصدمه وخوف : ا ا ا اسر
اسر بغضب : ايوه اسر ايوه اسر اسر اللي عايزه تقتليه وتورثيه انا هو اسر اللي مثلتي عليا الحب انا هو اسر
هاله وهي بتهزر رأسها بمعني لا : اسر اسمعني والله انا
اسر ضربها قلم وقعها ع الارض : انت اي ها انتي اي انتي واحده حقيره انتي واحده خاااينه فاهمه خاينه. وبص لسائر
اسر : وانت بقا هتعمل كل حاجه عشانها صح وهتقتلني انا قدامك اهو مش انت إللي كنت بتكشف عندي امبارح صح وضربه بالبوكس ومراته متجوزه وبنحب بعض وضربتني بفازه صح وضربه بالبوكس تاني واداله بالقلم وانا أقول هاله مبتعملش كده هاله عمرها ما تخوني
هاله بدموع : يا اسر اسمعني بس
اسر بزعيق وغضب وعصبيه : انتي تخرسي خالص انتي فاهمه انتي بتحبيني ها وضربها بالقلم ويااسر متصدقش حاجه بتلعبي بيا ها وضربها بالقلم تاني  وسائر استغل الموقف وجري
هاله : 😭😭😭😭😭😭
أسر : بس انتي صح انا إللي غبببببي انا اللي غبببببي أني حبيت واحده زيك وانا هريحك مني خالص انتي طالق يا هاله وورقتك هتوصلك بكره
هاله اتسمرت مكانها ومنطقتش متكلمتش خالص واسر طلع يمشي هاله قامت وراه
هاله : اسر استني يا اسر استني اسمعني استني اسسسسسر.  بس اسر مشي خلاص
#عوده_الي_الواقع
أسر : ها عرفت اي اللي حصل
محمد بصدمه : أختي هاله تعمل كده
اسر : هو ده اللي حصل
محمد : ان مش مصدق هاله وسائر بجد
اسر : والله مبكدب ده إللي حصل
محمد بغضب : عشان كده هي بتعامل سائر حلو بقا
اسر : معرفش بقا
محمد : ماشي يا اسر
عبير وهي لسه داخله : انتوا مروحتوش الشغل
هدير : يعني انت غايب النهارده يا محمد اهو آمال اي بقا عندي شغل دي
محمد : لي الساعه كام
عبير : الساعه ٢ يابني
أسر بدهشة : ٢ والله الوقت جري بينا ف ثانيه
محمد : والعيال فين
هدير : بره ف الجنينه
اسر : اوك ماشي انا همشي انا
هدير بزعل : لي يا اسر اقعد ده انت واحشني والله
اسر : ولا تزعلي انا قاعد اهو
عبير : ثواني هجهز الغذا واجي
الكل : اوك
هدير : والله انا لحد دلوقتي مش مصدقه ان اسر رجع
اسر : لا صدقي ياختي
محمد : بس اكيد ف أستراليا ناس مزز مجبتش لاخوك حاجه
اسر : نسيت معلش المره الجايه
هدير بحده : محمد
محمد : قلبه
أسر : هههههههههه
كريم وياسر : خالووو و
أسر : حبايبي ياناس
هدير : خد بالك كل ده عشان الخروجه بس مش اكتر من كده
محمد : ايوه بعد كده هيبعوك
اسر : هاااراسوح صحيح الكلام ده
كريم : لا دول عايزين يشوهوا سمعتنا
اسر : سمعتنا ماشي يابو سمعه انتوا
ياسر : مش هنروح الملاهي
سامح وهو لسه داخل : اول ما تخلصوا الhomework بتاعكم وتتغدوا تروحوا
اسر : وانا معنديش اعتراض
عبير : حمدالله على السلامه يا سامح
سامح : الله يسلمك يا حبيبتي
هدير : احلي حاجه ف بابا أنه رومانسي يا سلام
سامح : اتلمي يابت
محمد : هههههههههه منظرك وحش اوي
هدير : بقا كده ماااشي هوريك انا هاخد الولاد بقا اوك
الكل : اوك وطلعت فوق مع العيال
اسر لمحمد : منور يابو العياااااال
الكل : هههههههههه
___________________________________
هاله خلصت شغلها ف الشركه وراحت ع الحضانه لاولادها وشافت ريهام هناك
هاله : ريهام ازيك
ريهام : هاله حبيبتي وحضنتها
هاله : عامله اي يا قلبي
ريهام : الحمدلله
هاله بقلق : مالك يا ريهام
ريهام بارتباك : ها مليش مالي
هاله : عليا بردو احكيلي
ريهام : خلينا بس نروح وابقي احكيلك انا كده كده كنت هاجي عندك عشان مليش حد
هاله : ماشي يلا ندخل ناخد الولاد ودخلوا اخدوا ولادهم وطلعوا كل واحدة ركبت العربية بتاعتها وراحوا ع الفيلا بتاعت هاله
ناديه : اهلا ازيك يا ريري
ريهام : ازيك يا دودي عامله اي
ناديه : الحمدلله يا بنتي
ريهام : الحمدلله
هاله : معلش يا داده ينفع تاخدي الولاد دلوقتي عشان عايزه اتكلم مع ريهام شويه
ناديه : عيني يا بنتي يلا يا ولاد
رنا : ماشي متنسيش الملاهي يا مامي
تقي : اي ده انتوا هتروحوا الملاهي
سيف : اه ماما قالت هتودينا الملاهي
عواطف : مامي انا عايزه اروح الملاهي انا كمان
ريهام : مش هقدر يا توته معلش
هاله : ولا يهمك هاخدهم معايا
ريهام : مفيش داعي يا هاله
هاله : اسكتي انتي بس خلاص هتروحوا الملاهي بس اول ما تخلصوا الhomework بتاعكم
الاطفال : اوووك. وطلعوا مع الداده فوق
هاله : ها بقا يا ستي ف اي
ريهام : مفيش عادي
هاله : بت انتي احكي ولا انا مش اختك ولا اي
ريهام : لا والله مش كده بس
هاله : بس لا ده الموضوع كبير اوي اتكلمي  مازن عملك حاجه
تقريبا ريهام كانت مستنيه الجمله دي وابتدت عياط
هاله اخدتها فى حضنها : اهدي يا حبيبتي أهدي واحكيلي ف اي.   ريهام حكتلها اللي حصل معها هي ومازن وهاله كانت مش مصدقه
هاله بغضب : إزاي ده حصل يعني ومقولتيش ليا لي ها
ريهام بدموع : والله كنت هقولك
هاله : أمتي لم يسوء فيها صح المره دي عايرك ومسكك من شعرك والمره الجايه هيعمل اي هيضربك بالقلم بس يعني هو عمل كده من نفسه يعنى
ريهام : اه عمل كده من نفسه
هاله بشك : ريهام انا عارفه مازن صبووور لابعد الحدود أكيد انتي عملتي حاجه
ريهام : ماانا بصراحه شتمته وقولتله أنه بصاص
هاله : يخربيتك يعني انتي كمان غلطانه وجيه تشتكي
ريهام : بس انا مغلطش اوي كده عشان يعمل كده فيا ده قال إنه إنه هيتجوز عليا
هاله : وطبعا انتي هبله صدقتي
ريهام : ايوه هو قالها ايا صريحه أنه هيتجوز عليا عشان يخلص من زني عليه
هاله : انتي اكيد هبله لا مش هبله انتي متخلفه كمان معقول تصدقي ان مازن ممكن يتجوز عليكي
ريهام :. اهو كده بقا انتي لو مكان كنتي هتصدقي
هاله : ابدا والله عشان انا عارفه مازن بيحبك قد اي بس انتي متخلفه واتخنقتي معاه بس بردو ان شاكه ان ف حاجه اكتر من كده انتي متاكده ان دي كل حاجه
ريهام بعد تفكير وشها كله اتقلب من غضب لزعل شديد جدا وهاله لاحظت ده
هاله : اي قولتي اي
ريهام بصدمه من نفسها : انا عيرته أنه من غير اب او ام😨
هاله بصدمه : اييييييييي انتي بتتكلمي جد
ريهام : اه والله انا عيرته عايره حبيبي أنه معندوش أهل انا جرحة مازن جدا 😭😭😭وعيطت
هاله : ماانتي متخلفه حد تقول لجوزها انت معندكش اهل انتي متخلفه انتي كده اكنك قتلتيه بالبطئ لا وياريته سمع الكلام ده بره لا ده سمعه من مراته حبيبته انتي متخيله شعوره عامل إزاي دلوقتي
ريهام : ااااااه انا جرحته اوي يا هاله وأنتي اكتر واحده عارفه بجرح الحبيب اكيد هو مش طايقني دلوقتي حقه هاله انا مش هروح مش هقدر اوريه وشي بالله عليكي يا هاله قولي ليا أنا أعمل اي ااااااه 😭😭😭😭😭
هاله عيطت ع عياط صحبتها هي معها حق هي اكتر واحده عارفه اي هو جرح الحبيب 😢😢😢😢😢
هاله اخدتها ف حضنها : خلاص خلاص اقعدي معايا النهارده خلاص
ريهام بعياط : ااااااه يا هاله انا جرحته اوي حقه لو مكلمنيش تاني 😭
هاله : اهدي يا حبيبتي أهدي.   جت ناديه عليهم شافتهم بيعيطوا شهقت
ناديه : يالهوي بتعيطوا لي وراحتلهم وهم اترموا ف حضنها وزادو ف العياط ف حضنها وهي بتهدي فيها بالعافيه 
ناديه : خلاص اهدوا اهدوا بدل انا كمان هعيط انا بقول اهو.   هاله وريهام ضحكوا ف وسط حزنهم ومسحوا دموعهم وناموا ع رجلها لحد ما نزل الولاد
تقي : انطي هاله انا خلصت
عواطف : وانا كمان
هاله اتعدلت : تمام وانا عند وعدي يلا بينا نروح الملاهي
الولاد : هييييييييييييه
ناديه وريهام وهاله : هههههههههه
ناديه : مش هتاكلوا
هاله : لا يا حبيبتي احنا هناكل بره كلنا
ريهام : طب متنسوناش بقا ف حاجه ها
هاله : ملناش دعوه صح ولا لا
الولاد : صح
ناديه : بعتونا ماااااشي
هاله : يلا بااااي
ريهام وناديه : بااي.  وهي طالعه لقت مازن ف وشها
مازن بخوف : هاله ريهام عندك
هاله باطمئنان : يعني من خوفك عليها مش شايف بناتك قدامك اهو
مازن : يعني هي هنا الحمدلله انا كنت خايف جدا رجعت ع البيت ملقتهمش قلقت
تقي : بابي شوفت انطي هاله هتودينا الملاهي
سيف : كله بفضلي 😎
مازن : يخربيت غرورك اشيخ غور من هنا
سيف : لم ارجعلك طيب ماما هطلع انا والبنات اوك
هاله : ماشي خد بالك من اخواتك
سيف : حاضر
مازن : هي صاحيه
هاله : ايوه وموته نفسها عياط بسبب اللي قالته ليك
مازن : وانا كمان والله زعلان عشان اللي عملته معاها والكلام اللي قولتلها
هاله : والله هي مهماش انت قولتلها اي هي افتكرت إللي قالته ليك فضلت تعيط جوا انت مش شايف هدومي مبلوله إزاي
مازن : هههههههههه ماانا عارفه لو فتحت عياط تغرق بيت
هاله مسكته من ودانه : واي حكايه الجواز دي يا واد ها
مازن : والله ما حقيقي هي طلعت مني كده بس أكيد مش هعمل كده انتي عارفه
هاله : ماانا عارفه بس ف غيري مقتنع لمده هسيبك انا معاها
مازن : ماشي خدي بالك من البنات
هاله : امشي من وشي يا مازن عشان مولعش فيك أمشي
مازن : خلاص خلاص انا ندخل للموزه بتاعتي
هاله بضحك : ماشي يا خويا سلام
مازن بضحك : سلام ودخل جوا عند ريهام وهاله ركبت العربية ومشيت وأكيد شغلوا مهرجانات
ريهام شافت مازن اتصدمت : مازن
ناديه سكن ان ف حاجه : طب انا هسيبكوا بقا
مازن بصلها بغضب شديد اترعبت منه
مازن :
_____________________________________
اسر : هههههههههه والله العظيم انتوا الاثنين شبه المثل اللي بيقول اتلم تنتون ع تنتن بقت الحكايه زفت وانتن
محمد : والله يابني تخيل انت نايم ف امان الله وتشم ريحه شياط وفجأة نمط من السرير اتاري المدام مولعه كبريت بين رجلي
عبير وسامح واسر : هههههههههه
سامح : الله يسامحك يا محمد هتموتني من الضحك
محمد : هو اللي قولته ده حاجه ده انا داخل استحما ف امان الله والله مش ف دماغي حاجه ماسك الشامبوا عادي جدا وعمال اقول الله الشامبو مبيرغيش لي بفتح عيني لقيته كاتشب كاتشب يا عمي
عبير وسامح واسر : هههههههههه
اسر : هههههههههه هتقولي ع مقالب اختي أختي وانا عارفها
هدير وهي نازله مع الولاد : مالها اختك يا اسر ها مالها
عبير : زي العسل يا حبيبتي حد يقدر يفتح بقه بكلمه
هدير : بحسب
محمد : طب احسبي بالاله والنبي مش عايزين غلط 😜
هدير : هههه خفه
محمد : ع الشفاه يا عسل
كريم وياسر : احنا خلصنا يا خالو
اسر : تمام يلا بينا
عبير : طب والأكل
اسر : هناكل بره يلا سلام يا جماعه
الكل : بااااي
________________________________
ساندي روقت الاوضه وخلتها ولا اكنها لعرسيين جداد وجهزت الاكل وحطته ع السفره واستنت مدحت عقبال ما يجي وقعدت تتفرج ع التلفزيون وشويه وباب الشقه اتفتح ساندي عرفت أنه مدحت بس ما اهتمتش
مدحت : خشي يا حبيبتي البيت بيتك متتكسفيش.   اي اللي بسمعه ده ها ف حد داخل مع مدحت معقول هو بيقول لواحده غيرها حبيبتي اكيد ف حاجه
ساندي قامت بصت ع الباب واتصدمت مدحت داخل ومعاه واحده ست معقول معقول هي دي اللي خلاها تنضف لها الاوضه اكيد لا
ساندي بصوت مهزوز : مين دي يا مدحت
مدحت : طب ادخلي انتي ع الاوضه يا حبيبتي
ساندي بعصبية : تدخل فين مين دي يا مدحت
مدحت : مش قولتلك ادخلي ع الاوضه خشي.  ودخلت البنت اللي كانت مع مدحت
مدحت : نعم خير
ساندي بحده : مين دي
مدحت ببرود : مراتي
ساندي بصدمه : اي مراتك
مدحت : ايوه مراتي مالك اتصدمت لي
ساندي بصدمه : انت اتجوزت عليا يا مدحت
مدحت : عادي الراجل من حقه يتجوز واحده واثنين واربعه كمان
ساندي : اي اللي انت بتقوله ده انت اكيد بتهزر صح
مدحت : هي دي حاجه فيها هزار
ساندي : معقول تتجوز عليا يا مدحت طب والحب اللي بينا
مدحت : الحب اللي بينا بح خلاص معدش موجود
ساندي بعصبية : انت واحد واطي وخاين
مدحت ضربها بالقلم : اتعدلي وانتي بتتكلمي معايا انتي نسيتي نفسك ولا اي
ساندي : لا طبعا عارفه اني بكلم واحد حيوان
مدحت ضربها بالقلم تاني : قسما بالله لو ما اتلميتي لقتلك هنا
ساندي بتريقه : عادي مهي دي عادتك قتال قتله
مدحت ضربها بالقلم ثاني : بقا انا قتال قتله ماشي انا هوريكي قتال القتله ده بيعمل أي ونزل عليها بالاقلام
ساندي بصراخ : سيبني سيبني يا حيوان انت واحد حيوان سيبنيييي سيبني يا واطي
مدحت وهو بيزيد ضربه : اخرسي اخرسي خالص
ساندي بصراخ : اااااه سيبني يا مدحت حرام عليك سيبني ااااه حد يلحقني    طلعت البنت اللي دخلها مدحت واتصدمت من المنظر
البنت بخوف : سيبها يا مدحت سيبها بالله عليك
مدحت بغضب : اخرسي انتي خالص امشي من هنا امشي
ساندي بتستغيث بيها : ساعديني ساعدوني يا ناااس سيبني يا مدحت. لكن مدحت نازل بيها اقلام لحد ما ساندي بقت كتله دم وسكتت عن الصراخ نهائي او نقدر نقول غابت عن الوعي
مدحت بصدمه : ساندي ساندي افتحي عينك ساندي انا اسف ساندي ساندي. لكن لا حياه لمن تنادي ساندي مش هنا أصلا
_________________________________
يا تري اي اللي هيحصل
توقعاتكم
#Nemo