ذنبي عشقتك (الجزء الثاني)

البارت العشرون

قصه ( ذنبي عشقتك )
الجزء الثاني
الحلقه العشرون
------------------
اسلام وهو لسه داخل : ام اسلام اسااااندي
ساندي : ف اي يا واد دي طريقه تنده بيها لامك يا سافل
اسلام : خلاص بقا يا حجه الله ده انا عندي خبر كده
ساندي : اتحفني اكيد مصيبه
اسلام يتصنع الزعل : اخص عليكي انا تعرفي عني كده انا بتاع بلاوي مش مصايب😂😂😜
ساندي : هتشلني هات من الاخر يا اسلام
اسلام : بصي بقا انا هخلص الرحله وهروح اقعد عند واحد صحبي يومين كده
ساندي : نعععععععم يا عنيا تروح فين
اسلام بخوف : اهدي يا ماما مش كده ده انا زي ابنك يعني عامليني بلطف شويه ده هم يومين بس مش كتير يعني
ساندي : مش كتير ها فعلا وقلعت الشبشب وحدفته عليه
اسلام وهو بيتفاده : مجش فيا مجش فيا 😜😜
ساندي : غور عن وشي احسن انسي انك أبني واقتلك دلوقتي
مدحت وهو لسه داخل : ف اي يا جماعه صوتكم عالي لي
اسلام : والله ما عملت حاجه ده انا برئ ماما هي اللي متعصبه شويه
ساندي : متعصبه لا خالص انا هاديه جدا والدليل ع كده انك لسه سليم
مدحت : هو ف اي يا ساندي
ساندي : أسأل ابنك
مدحت : عملت اي يا قله صبري
اسلام وهو يبلع ريقه : ابدا والله كل الحكايه اني قولت لماما ان انا هخلص الرحله وهروح اقعد عند واحد صحبي يومين كده وارجع
مدحت بهدوء : ولي هو ميجيش هنا
اسلام بعد ما هدي شويه : هو قالي ان انا هروح عنده وهنلعب بلاستيشين وناكل ونشرب
مدحت : يومين بس ولو اتاخرت  هخليك تتجبس
اسلام وهو بيطري يحضنه : حبيبي يا بابا ربنا يخليك ليا
ساندي : يعني انت موافق انه يروح
مدحت : ايوه مش هم أصحاب خلاص
ساندي بزعل : اللي تشوفوه انا ع العموم مليش كلمه والكلمه كلمتك. ومشيت دخلت المطبخ
اسلام : شكلها زعلت
مدحت : باين كده
اسلام : خلاص انا مش هروح عشان متزعلش
مدحت بسرعه : لا لا روح انت وانا هقنع ماما متخفش
اسلام : ماشي انا هدخل اغير
مدحت : ماشي اسلام بقولك
اسلام : نعم يا بابا
مدحت : هي الرحله الساعه كام
اسلام : بكره الساعه ٧:٣٠
مدحت : ماشي يا حبيبي أدخل انت.    ودخل غرفته يغير هدوم الشغل
ساندي من بره : يلا الاكل جاهز.  والكل طلع واتغدوا مع بعض وقعدوا شويه مع بعض قدام التلفزيون
اسلام : ماما انتي زعلانه مني
ساندي بابتسامة : لا يا حبيبي بس انا خايفه عليك
اسلام : متخفيش يا ماما ابنك راجل بردو
ساندي بضحك : ماشي يا عم الراجل أنت
مدحت : وهتعملي اي لاسلام بكره
ساندي : اممممممممم انا مش هعمل حاجه خالص
مدحت : لي
ساندي : أصحابه كلهم أكيد هيجبوا اكل من هناك وانا هدي لاسلام فلوس وهو يجيب اللي هو عايزه
اسلام : حبيبتي يا ماما يارفعه راسي
مدحت : وانا يعني اللي منزلهالك ف الارض
اسلام : ااا طب انا هدخل انام عشان اصحي بدري
ساندي : مشي يا حبيبي تصبح ع خير
اسلام : تصبحي ع خير        دخل اوضته وساندي ام اتاكدت راحت داخله الاوضه بتاعتها ومدحت كمان دخل ع اوضته وكان فرحان
مدحت : واخيرا جاتلك الفرصه يا مدحت كلها بكره.   وفرد ضهره ع السرير
______________________________________
سائر : ارب يا ساتر
الشخص : حبيبي وحشتني
سائر : وانتي كمان يا قلبي عامله اي يا بطوط
فاطمه : الحمدلله يابني وانت إخبارك اي
سائر : الحمدلله يا ماما
فاطمه : كل ده متسألش عليا ولا حتي تعرفني انك جي
سائر : والله يا امي كنت مشغول وبعدين كنت عايز اعملك مفاجأه يا قمر انت
فاطمه : يا سلام كل بعقلي حلاوه يلا
سائر : ف حد يقدر يضحك عليكي يا عسل ده انتي عفريته
مازن وهو لسه داخل : اتلم ياض مع عمتي احسنلك اي عفريته دي
ريهام : واللي يجي ع بطه يتعور
فاطمه : حبايبي تعالوا عاملين اي
مازن وهو بيحضنها : الحمدلله ياست الكل
ريهام : عامله اي ياماما
فاطمه : الحمدلله يا حبيبتي حبايب تيته
تقي وعواطف : وحشاني يا تيته
فاطمه : وانتوا كمان يا قلبي
سائر بتصنع الزعل: طب وانا مليش ف الحب شويه يا بنات
عواطف : لا مفيش احنا مش سلمنا عليك امبارح
تقي : ايوه يبقي مفيش هي ازيك بس
مازن : هههههههههه قسف جبهه جاااااااااااامد
سائر : اي الاحراج ده ماشي يا تقي ماشي يا عواطف مفيش شيكولاته
فاطمه : عادي ستهم موجوده في الدنيا
سائر : حتي إنتي يا ماما اي الحب ده كله اللي ف العيله دي حتي هاله مرضتش تديني حق التاكسي المعفنه
ريهام بعدم فهم : هاله لي انت كنت عندها ولا أي
سائر : ايوه روحت لها الصبح ووقعدت فطرت مع العيال القرود دول واخدتها ومشيت عشان أوصلها الشركه
مازن : الله طب واي دخل التاكسي ف الموضوع
سائر : مهي بوزها نحس العربيه عطلت ف نص الطريق وانت عارف أنه طريق معفن نادرا لو لقيت ف تاكسي
فاطمه : وعملتوا اي
سائر : ابدا لقيت اسر ف طريقنا روحنا ركبنا معاه
ريهام : وهاله وافقت كده عادي
سائر : لا طبعا لازم تشل امي عقبال ما تتدخل العربيه
مازن : واسر هو اللي جه والا انتوا اللي رحتوله
ريهام : اكيد لا هو اللي جيه انا عارفه هاله وبعدين مهو بيقولك دخلت بالعافيه يبقي هما اللي راحوا له
سائر : فهميه والنبي
ريهام : ما انا اتكلمت اهو
فاطمه : طب يلا يلا انا عامله اكل يستاهل بؤكم
تقي : ياريت انا جعااانه
عواطف : وانا كمان جعانه
سائر : معندناش اكل ليكم شطبنا خد عيالك وامشي ياعم الحج
مازن : شايفه يا بطوط
فاطمه : والله انا بشك انكم كبار أصلا يلا يلا العيال جعانين يلا
وقعدوا وكلوا وضحكوا وهزروا وغنوا كمان (اااااه ياعين ااااه ياليل )
مازن : احنا هنمشي بقا يا بطوط اوك
فاطمه : لي يابني خليك معانا
ريهام : معلش ياماما عشان الحضانه بتاعت الأولاد بس
فاطمه : ماشي يا حبيبتي هتوحشيني يا توته انتي وطمطم
تقي وعواطف : وانتي كمان يا بطوطه
مازن : يلا سلام يا بطوط
فاطمه : سلام يا حبيبي.  ومشيوا
سائر : يلا يا مدام اطلعي ع اوضتك وانا كمان هطلع لاني خرمان خالص
فاطمه : ماشي يا حبيبي.     وكل واحد طلع ع اوضته يريح شويه (اي القصه أبطالها كلها هيموتوا ولا اي)
__________________________________
هاله : عم محمد بذات نفسه اي ده لا لا اكيد ف حاجه
محمد : أهلا اهلا ازيك يا اسر عامل اي
اسر : تمام اخبارك
محمد : ماشي الحال عامله اي يا لولو
هاله : احسن منك 😜
محمد : والله وبقيتي تعرفي تردي اهو
هاله بغرور مصطنع : اكيد يابني هو انا اي حد
محمد بسخريه : لا طبعا ميصحش ثم أكمل بحزم وانت بتعمل اي هنا يا اسر
اسر : ابدا كنت باخد ورق المناقصة من هاله
محمد : اها وعملت اي ف أستراليا اكيد راجع عشان تشيل مع جاسر وعم سامح مش كده
اسر : لي ما جاسر مع بابا عادي
محمد : بس جاسر مشتغلش الشغلانه اللي عايزها زيك انت اشتغلت وبقيت دكتور وجاسر فضل مع عمي
اسر بندم : فعلا إن شاء الله هبقي هبقي انزل معاه
محمد : اوك عايزه حاجه يا لولو
هاله : رايح فين استني شويه اظبط حاجتي وامشي معاك
محمد : لا يا معلم انتي ناسيه اننا النهارده عند ماما ولا اي
اسر : ايوه صح ماما قالتلي
هاله : يعني انت هتروح ع البيت تاخد هدير والولاد وبعدين تروح لماما
محمد : لا ياحبيبتي هدير عند ماما من زمان
هاله : اه تمام بأي
محمد : باي اشوفك هناك يا اسر
اسر : اكيد.    ومشي
تق تق تق
هاله : اتفضل
جودي : مدام هاله حضرتك مش هتمشي
هاله : الساعه كام
جودي : الساعه ٤ يا مدام
اسر اتصدم لم عرف الوقت وبص ف الساعه لقاها ٤ فعلا :يالهوي دي جولي هتخنقني طبعا كل ده كان ف عقله
هاله : يا خبر انا اتاخرت ع الولاد اوك أنا همشي حالا
جودي : اوك مدام
اسر : ماشي يا مدام هاله نتقابل وقت تاني
هاله : ان شاءالله بعد اذنك.  ومشيوا هم الاثنين وكل واحد شاف طريقه
____________________________
كريم : هههههههههه مش هتعرف تغلبني يا جدو
سامح : بس بس ده انا لعيب قديم
هدير : لا الصراحه واضح بدليل ال٣ اجوان اللي دخلوا ف حضرتك
عبير: بس يا بت ابوكي هو اللي سايبهم يلغبوه
ياسر : وسع شويه يا كريم دوري بقا
كريم : خد اهو وراح لهدير ماما هو بابا هيجي امتي
هدير : لسه زمانه ع وصول انت عايزه لي
كريم : عشان نشكل انا وهو فريق كره ضد ياسر وجدو
عبير : هههههههههه شويه ويجي يا حبيبي     وفي هذه اللحظه محمد دخل
محمد : اوووبا بلايستيشن من غيري
كريم : بابي وجري عليه
محمد : براحه يابني انت تخنت ازيك يا ماما
عبير : ازيك يا حبيبي
محمد : الحمدلله ازيك يا بابا
سامح : أهلا اهلا
هدير : ولا هيرد عليك مادام هو بيلعب هيخلص لعب وهيفوق لك
ياسر : يااااااااس كسبببببت كسسسسسسسسسبت
سامح : ماشي ماشي اي ده اهلا ازيك يا محمد
محمد وهو ماسك ضحكته : أهلا يا بابا عامل اي
سامح : فل اهو ولادك دول اي مش بيقوموا من ع البلايستيشن ولا اي
محمد : والله طول اليوم قصاده
سامح : واضح واضح
كريم : يلا عشان نلعب ماتش كوره
عبير : لا هناكل الاول بعد كده العبوا
هدير : اي ده مش هنستني اسر
محمد : اسر مع هاله دلوقتي
سامح : مع هاله بيعمل أي
محمد : بيقول بيجيب ورق المناقصة
سامح : ايوه صح انا بعته فعلا
عبير : اوك يلا بقا ناكل احنا
الكل : اوك.    
  وقعدوا كلوا وشربوا ......الخ وف الآخر بقا طلعوا ناموا
_________________________
جوليا : بجد هو ده اللي البسي وهكون عندك
اسر بضيق : معلش يا جولي كنت مشغول
جوليا : مشغول اي بس يا اسر وأنا مستنياك بقالي كتير
اسر : sooooorry
جوليا : it's ok
اسر : اوك يلا بقا البسي عشان ننزل
جوليا : لا مودي باظ
أسر : يلا يا جوليا متعصبنيش
جوليا : لا يا اسر مش هنزل
اسر : ماشي يا جوليا براحتك سلام
جوليا : اسر استني        ولكن حياه لمن تنادي مشي
جوليا : اوووف فاكراني تحت امره      والفون بتاعها رن
جوليا بخنقه: الو
الشخص : عملتي اي
جوليا : معملتش حاجه المتخلف لسه جي دلوقتي
الشخص : يعني انتي معاه ناو
جوليا : لا طبعا يعني هكون معاه واقولك المتخلف لا واكلمك كمان
الشخص : امال عملتي اي
جوليا : مشيته اتخنقت ومقدرتش أنزل معاه
الشخص بعصبية : ?are you crazy
جوليا بعصبيه : ?what happen
الشخص بغضب : No thing bye
جوليا بغضب : bye  اوووف بقت حاجه تخنق انا هدخل انااام
____________________________
هاله : أنا جيييييت
ناديه : نورتي يا حبيبتي. اجبالك اكل
هاله : لا يا داده شبعانه.  امال الولاد فين يا داده
ناديه : كلوا وناموا يا حبة عيني
هاله : ماشي يا داده عايزه حاجه
ناديه : تسلميلي تصبحي ع خير
هاله : وانتي من أهله داده
وطلعت ع اوضتها غيرت وخرجت بصت ع ولادها ورجعت تاني الاوضه خلصت شغلها ونامت.       واسر كمان روح البيت مخنوق ولقي الكل نايم طلع هو كمان ع اوضته نام بعد معاناه طويله من التفكير وهو الولاد دول ولاد مين
____________________________
بس كده خلصت حلقتنا
تفتكروا الولاد دول ولاد مين
مين الشخص اللي بتكلمه جوليا
اي الحكايه بين فاطمه وسائر
مدحت بيفكر ف اي
توقعاتكم
#Nemo