رومنسيه ورعب
بسم الله الرحمن الرحيم
اولا شخصيات القصه
سلمى: بطله القصه وهى بنوته عندها 21 سنه اخر سنه ليها فى كليه الهندسة
ليلي ولما : اخواتها ال2 تؤأم فى اولى ثانوى
احمد :اخوهم الصغير الشقى فى3 ابتدائى
اياد :ابن صديق ابو سلمى و صديق سلمى فى الكليه وبيحبها اوى وهى مش عارفه مشاعرها من ناحيته لسه
واصحابهم فى الكليه :ندى ومى وزياد وجنا وتامر
والام والاب طبعا
مش عايز اطول عليكم
لما : ماما يا ماماااااا هو احنا لازم نمشى ونعزل من البيت انا مش عايزة امشى
الام : يا حبيبتى انا عارفه انكم حابين المكان هنا واصحابكم هنا بس هنعمل ايه احنا بقينا كتير اوي عالبيت الصغير ده ولازم ندور على بيت اكبر
ليلي : يا ماما ده معناه اننا هنتنقل من مدرستنا
الاب : اسمعوا الكلام البيت بقا صغير اوى علينا احنا كتير وبعدين المدرسه التانيه احلى وكلها سنتين وتروحوا الجامعه
يلا بقا يا ام سلمى حضرى الغدا سلمى قربت تيجى من الجامعه
وتدخل سلمى من الباب : السلام عليكم
كلهم : وعليكم السلام
احمد : سلمى سلمى جبتيلى حاجه حلوة وانتى جايا ها؟ ها؟ ها؟
سلمى بمرح وهى تضحك وتضم اخوها الصغير : انت على طول كده اول ما ادخل من باب الشقه على العموم اتفضل يا سيدى الشكولاته اللى بتحبها اهى
ليلي ولما فى وقت واحد : يا سلام ياختى :@
سلمى :هههههههههه والله كنت عارفه انكم هتقولوا كده خدوا انتو كمان
وكلهم ضحكوا وحضنوا اختهم الكبيرة الحنونة ولكن ...............
ماكنتش سلمى فى مودها الطبيعى المرح زى كل يوم
................
تك تك تك ) مامت سلمى بتخبط عليها (
مامت سلمى : يا سلمى انتى مبترديش ليه يا بنتى
تك تك تك
لكن سلمى كانت قعده فى اوضتها بعد ما غيرت لبس الجامعه ولبست لبس البيت كانت سرحانه ومش سامعه مامتها وهى بتخبط
وفجاءة .......
رن جرس موبايل سلمى وخرجها من شرودها
سلمى : الوو .... اياد ازيك
اياد :ايوة يا سلمى ازيك؟
سلمى :......... كويسه
اياد : ايه مالك يا بنتى فيكى ايه؟ صوتك مش عاجبنى
