...............................................................................................................................................................................................................
سلمى بتفتح عنيها براحه لقيت نفسها فى حضن مامتها وكلهم حواليها
الام : سلمى حبيبتى ... مالك يابنتى فيكى ايه ؟
احمد بيعيط : سلمى ... انتى كويسه ؟ اهئ اهئ
سلمى بصوت ضعيف : ماما !!! انا ...... كويسه
الاب : ايه يا بنتى حصل ايه ؟
سلمى مش قادرة تتكلم
الاب : خلاص يا ام سلمى يلا تعالوا نسبها ترتاح
اياد كان مرعوب عليها كان وشها ابيض مفيهوش ولا نقطه دم
ام سلمى وهى عنيها مدمعه قلقانه على بنتها : طيب يا ابو سلمى حاضر ........ يلا يا ولاد نسيبها ترتاح
ليلي : انا هقعد معاها يا ماما
لما : وانا كمان خلينى معاها
احمد : وانا ... وانا
ابو سلمى : لا يلا محدش يزعجها ... هى كلمه واحده
سلمى بصوت ضعيف : بابا ..... معلش خلى ....ليلي ولما .... معايا
ابو سلمى : ماشى يا حبيبتى زى ما تحبى
احمد يتنطط : واشمعنى انا اهئ اهئ
ابو سلمى : يلا يا ولد اختك تعبانه
احمد : يوووووووووووه بقااااااا
خرجوا من الاوضه وسابوا ليلي ولما معاها
اياد : عمى بعد اذن حضرتك انا هستنى معاكم اساعدك فى باقى الشغل وكمان علشان اطمن على سلمى بعد اذنك
ابو سلمى : يابنى انا مش عايز اتعبك معانا وكمان ولدتك لوحدها فى البيت
ام سلمى : انا هكلمها واخليها تيجى تتغدى معانا وكمان انا ماشفتش ام اياد بقالى كتير وحشتنى
ابو سلمى : خلاص يا ام سلمى كلميها خليها تيجى تأنسنا وتنورنا
اياد : شكرا يا عمى ربنا يخليك
جيه وقت الغدا وسلمى كانت نايمه فامحدش حب يصحيها وخلوها ترتاح
ام سلمى : يلا يا بنات تعالوا خدوا الاكل
ام اياد : اجى اساعدك يا ام سلمى ؟؟
ام سلمى : تسلميلى يا حبيبتى خليكى مرتاحه فى عروستين اهم .... اومال لازمتهم ايه بقا
ضحكو كلهم بس لما وليلي اتكسفوا بس مش اوى لانهم عارفين ام اياد وكانو متربين مع بعض لان العيلتين اصحاب من زمان
ابو سلمى : منورانا يا ام اياد ليه الغيبه الطويله دى مابتزويناش ليه ولا من بعد الحاج ادهم مبقناش اصدقاء؟
