قهوتي السوداء(مكتمله)

"اكرهه"

اميره: نور يلا
نور: اميره م ابي اروح تراجعت
اميره: اوك نور براحتك ما بنروح بس لمتى بتظلي تهربي
هو ابوك و بيظل ابوك حتى لو نفيتيه بيظل ابوك، بروح ابدل ملابسي بشيء مريح
سكت اشوي و قررت
نور: خلاص يلا خلنا نروح
و طلعت و لحقتني اميره
لازم اواجهه
اخترتُ ان اواجهكَ على ان اهرب منك ..
في اشد خوفي و توتري من مقابلتك ..
افكر بذلك الشخص،بمن ملئ قلبي ..
ليت الزمن يعود للوراء ..
وتقوم بمحو خطاياك..
وبعد فتره وصلت الى السجن
دخلنا و سمحوا لنا بالزياره و سألونا عن مكانتنا بالنسبه لابوي
واستغربوا بان بعد هالوقت كله فجاه ظهرت بنته
دخلت وانتظر انهم يجيبون ابوي وكانت صدمتي لمن دخل
كان نحيف و جهه تعبان و مجهد هالات السوداء تغطي عيونه
واللحيه البيضاء على وجهه بس ناظر فيني تسمر مكانه و بدا يرتجف
الاب:نور! بنتي !
و بس قال بنتي بدا بالبكاء
وصار يعتذر و يبكي
الاب: اسف !... اسف
بانفاس متقطعه كان يقولها
...:لاني خذلتك اسف ، لاني حطمتك اسف
اسف يا بنتي والله اسف و مهما اعتذرت ما رح يكفر عن خطاياي
و عن كيف خليت حياتك صعبه اسف كنت فاشل اقتربت منه و نزلت لمستواه
و قلت له و عيوني غرقانين دموع :مرح اسامحك ، اسفه بس كنت اب فاشل و طلعت من الغرفه ركض
لحقتني اميره و في طريقي صدمت بذاك الكائن الضخم
ايه فهد صدمت فيه لكن بدون ما احس ضميته و صرت ابكي و اشهق
هو ظل متسمر مكانه ، تداركت نفسي و بعدت عنه
نور: اسفه .
و طلعت من الباب
———————————
كانت تركض باتجاهي و هي تبكي اصدمت فيني
ومجرد ما شافت وجهي ضمتني
كنت افكر ابادلها الضمه بس تسمرت في مكاني
بعد دقايق تركتني و اعتذرت و راحت
لمن بكت بحضني بذيك الطريقه حسيت ببكي معها حسيت بغصه
طلبت زيارة جابر والد نور
دخلوني الغرفه و قالوا لي انتظر
و بعد دقايق دخلوه الغرف
———————————
اميره: نور ! نور!
وقفت و جلست على الارض
احاول التقط انفاسي
اميره: نور ؟
نور: كان لازم م اقابله اكرهه، اكرهه .
اميره: مين ؟ انتِ قابلت شخصين مو واحد
نور: م ادري اكرهه و بس
اكره فهد و اكره ابوي و اكره حقيقتهم م ابي اشوف احد و لا اقابل احد منهم
خلاص ودي ابتعد عن هالمكان و عن لندن و الشركه و فهد و خصوصا فهد
...: انسه نور .
كان قدامي بكرسيه المتحرك شخص مقعد ناظرت فيه
مد لي يده ...: قومي .
مسكت يده على اساس بعتمد على نفسي في القومه م كان ودي
ارده و يتحسس و لكن انصدمت من قوة يده لمن رفعني
...: انا احمد .
نور: شلون تعرفني ؟