قهوتي السوداء(مكتمله)

...جاسوسه ...

...صحيت ابكر ... اصلا ما قدرت انام الليل ...
بديت اتجهز و كتبت ملاحظه لاميره لانها كانت لسى نايمه ...
و طلعت... رحت الشركه و كملت اخر التدقيقات لاتاكد ان كل شيء
تمام ... و جلست على مكتبي ... كنت جايه مبكر بساعتين
فالدوام الاصلي ٧:٠٠ و الحين ٥:٠٠ جلست استكشف الشركه ...
رحت للمقهى اعديت لي قهوه ورجعت لقسمي ...
شفت غرفة فهد مفتوح ...
هي بالعاده مقفله بس اذا نظفوا يفتحوها ...
دخلت ... ريحة العطر اللي يستخدم لسى موجوده ...
جلست على كرسيه لفيت الكرسي و كان المنظر من وراء الزجاج حق غرفته
روعه منظر المباني و الشمس ... و السيارات ...
و سمعت صوته : نور !!؟
قمت بسرعه وانا مرتعبه ... : سيدي ...!!
ا ... ا ... اسفه ...
و حاولت اطلع بسرعه ... ولكن مسكني من يدي بقوه ...
فهد : شتسوين هنا ؟!
نور: ولا شيء بس ...
فهد (معصب): بس شنو ... !
نور : شدني المنظر و كنت اشوفه ...
فكني واتجه بسرعه للباب و قفله ...
و قال: وقفي على الجدار ...
وقفت و صار يفتش مكتبه ... حسيت بالاهانه ...
نور: ما سرقت شيء ...
فهد : وانا شدراني اذا ما سرقتي صدق انتِ جديده على الشركه
يمكن تكوني جاسوسه من الشركه المنافسه ...
نور : ما سرقت شيء
فهد : اووه صدق ؟!
وقرب مني ... وفتش جيوبي
بعدت وصرخت : لا تلمسني ...
فهد ضحك بسخريه : المسك ... انا جالس افتش الجاسوسه ...
بس يبدو ان مكتبي ما انسرق منه شيء ...
اطلعي من هنا بسرعه ...
ما اكذب بذيك اللحظه عيوني دمعة ... و بديت ابكي بسببه ...
ما سرقت شيء ... بس فضولي اللي ما ينتهي ...
وما الومه لو انا مكانه فكرت نفس التفكير ...
بس حسيت بالاهانه الشديده ... طلعت من الغرفه ...
وجلست على مكتبي طالع فيني من وراء الزجاج ...
و قفل الستاير ... كان اكثر موقف محرج و يعور القلب ...