قهوتي السوداء(مكتمله)

رحيل؟

انور: قابلته؟
فهد: ايه
انور: شصار؟
فهد: اذا رجعت اليوم قلت لك
انور: انت ما تقول ٣ ايام توك باليوم الثاني
فهد: غيرت الحجز ما ابي اظل اكثر
انور: اوك توصل بالسلامه، متى موعد طايرتك ؟
فهد: بعد ٣ ساعات
انور: واضح مره انك تبي ترجع بسرعه ، اوك بانتظارك
—————————
اميره: خلنا نطلع نور!
نور: ما ابي اطلعي لحالك
اميره: احنا قاعدين هنا اسبوع خلنا نطلع و نتمشى و نستانس
نور: اقولك ما ابي
دخلت الغرفه و دق جوالي
نور: الو
...: سلام
نور: سلام، من معي
...: احمد
نور: مين احمد؟
احمد: نسيتيني بهالسرعه اللي وصلك امس
نور: اها ، ايوه شبغيت ؟
احمد: فاضيه ؟
نور: ليه؟
احمد: نطلع اشوي يعني بكلمك
نور: امم! اوك . متى؟
احمد: الحين اذا تقدري ؟
نور: اوك .
احمد: خلاص اجل تجهزي انا برا
نور: بسم الله من متى؟
احمد: من كلمتك
نور: اوك دقايق وانزل
و قفلت الخط
في ايش يبي يكلمني ؟
نور: اميره انا طالعه
اميره:هاه؟ توي قايله لك نطلع قلتِ لا طيب دقايق بتجهز
نور: بطلع مع احمد
اميره: احمد دقايق بس واتجهز
وصلتني رساله من احمد
(نسيت اقول بس الموضوع خاص اشوي و ابيك لحالك)
نور: اميره تعالي شوفي
اميره: شنو؟...... ما يبيني ؟ و بعدين شمو هالموضوع ؟
نور: و انا شدراني ! المهم بشوف شنو هالموضوع المهم اللي لازم ما احد يعرفه
اميره: و بظل لحالي !
نور(باستهزاء): شنو تخافين ؟
اميره: روحي بس روحي
نزلت و سلمت على احمد و ركبت السياره
احمد: شكرا لانك جيتي
نور: جيت بس لاعرف شنو موضوعك الخاص هذا؟
احمد: اذا وصلنا المقهى قلت لك
نور: اوك .
——————————-
بس ارجع هناك رح احاول اكلم نور ، بس خلال هالفتره ما ابي اقرب
لان حالتها سيئه مع ابوها ،
بتسامحني بعد كل اللي سويته ؟
يارب تسامحني كنت قاسي معها و هي مالها ذنب بشيء
——————————-
احمد: اوك شنو تشربين ؟
نور: اسبريسو
احمد: واحد اسبريسو و واحد امريكانو ساده
(امريكانو ساده فهد كان دايم يطلبها هي و القهوه السوداء)
نور: ايوه ؟ تكلم بما اننا وصلنا.
احمد: م ادري من وين ابدا الموضوع بس
من متى تعرفين فهد؟
نور: هاه ؟ انت تعرف فهد .!
احمد: تقدري تقولي ماضي سيء
نور: كان مديري التنفيذي بالشركه
احمد: فهد صار مدير تنفيذي؟
نور: ايه ، بس على الاغلب انك تعرفه من قبل الشركه صح ؟
احمد: كنت اعرفه في الجامعه ، تقدري هو السبب في حالي الحين
(وهو يآشر لاعاقته، مستحيل فهد سبب هالشيء )
نور: ليه ش صار بينكم؟
(ظل احمد ساكت )
نور: اذا ما تقدر تقول عادي هو مجرد فضول .
احمد: صعب اشوي .
————————-
(كيف اقنعها تجي معي امريكا ، لازم اخذها من فهد)
احمد: قالت اميره انك كنت تشتغلي بشركه
نور: اأ ايه كنت اشتغل ب(IBM)
احمد: تجي تشتغلي بشركتي ؟ بامريكا ؟ بما انك فصلتي
نور: بامريكا
احمد: ايه ، فكري بهالشيء ولا تردي الحين .
نور: بفكر بس ما اضمن لك اني بوافق لان امريكا بعيده و صديقتي لحالها بلندن
احمد: ارجوك فكري
نور: اوك
احمد: بينك و بين فهد شيء ؟
(ناظرتني بصدمه وارتبكت معنها صدق بينهم شيء )
نور: ل ... لا م بينا شيء ، شبيكون بينا اصلاً
احمد: ما ادري لمن شفتك تهربي منه بهالسرعه توقعت بينكم شيء
نور: لا، م هربت منه
احمد: نور ممكن تكوني صريحه معي
نور: انا صريحه معك
احمد: نور اسف بس انا نبشت في ماضيك و عرفت ان ابوك قاتل
صحيح هالشيء ؟
نور: اشلون تبحث في معلوماتي و حياتي الخاصه
احمد: اسف
نور: قمة الوقاحه
احمد: نور ! نور !
نور! ما اقدر الحقك ارجوك خليني اشرح
(لازم اطيح نفسي من هالكرسي الغبي )
—————————-
كنت بطلع من المقهى لان جد وقاحه ماله حق نبش بحياتي
بس صدمني طيحته من الكرسي
ركضت لعنده و قومته
نور: انت بخير ؟
احمد: نور اسف بس انا ...
نور: انت شنو ؟
احمد: انا ... انا ... انا معجب فيك نور
نور: هاه؟
احمد: انا من شفتك بالمطار حاولت الحقك و شفت انك تعرفي فهد
فنبشت بماضيك واكتشفت هالاشياء بس انا صدق ما كان قصدي اضرك او ازعلك
و تبعتك يوم السجن و شفت ان برضو فهد كان موجود وانا لي ماضي سيء مع فهد
(كان يقول هالكلام و بكى )
فكنت ابي اعرف شنو علاقتك معه لاني اعجبت فيك نور ارجوك سامحيني!
(ظليت اناظره بصدمه )
———————————
(يارب الدموع تفيد معك اخ، لمتى بظل افلم عليها ، ليه ما تختصري و توافقي
تروحي معي ؟)