الفصل الثالث
في مكتب عامر.....
عامر:بقي هو ده اللي مخوفك ومش مخليك عايز تخطب بنت عمك اما انت طلعت اهبل صح
حمزه:يا بابا وانت فاكر انها هتبقي عادي بالنسبه لي لأ طبعا لازم تبقي مقتنعه مليون في الميه
عامر:روح يا حمزه طيب شوف هتعمل ايه وانا هتصرف
حمزه:بابا ارجوك اوعي تقولها حاجه
عامر:مش هقول بس يلا اتكل عندي شغل
حمزه:طب تمام انا هروح بقي عشان انام شويه قبل الحفله بتاعه أسيل
عامر:انت هتروح معاها
حمزه:اكيد اومال اسيبها تروح لوحدها كده يعني
عامر:لا حول ولا قوه الا بالله ماشي يا حمزه مع السلامه وريني عرض اكتافك
حمزه:ماشي ياحاج سلام يا كبير
بيخرج حمزه من الشركه وبيركب العربيه رايح البيت ونسي تماما انه عنده مقابله السيكرتيره الجديده
نرجع لعامر تاني كان بيكلم باباه في التليفون
عامر:شوفت بقي يا بابا الاهبل ده بيفكر ازاي
حمزاوي:هههههههههه لا والله اهبل فعلا ابنك من كتر ما بيحب البت اتهبل
عامر:طب هنعمل ايه مصمم ان هي اللي تقوله انها بتحبه وعايزه تتخطبله
حمزاوي:اهو ده الهبل بعينه بقي بنت احمد الحمزاوي ع اخره الزمن هي اللي هتروح تخطب لنفسها
عامر:يا حاج متنساش برضوه انه ابن عامر الحمزاوي
حمزاوي:اكيد مش ناسي يا ابني بس هو الراجل برضو ولا انت رأيك ايه
عامر:انا معاك في اي حاجه تعملها يا حاج
حمزاوي:انا هسويه ع نار هاديه لحد ما يقول حقي برقبتي
عامر:شكلك هطلع عينه يا حاج
حمزاوي:ههههه لا مش اوي يعني في الاول والاخر هو برضو حمزه الغالي ابن الغالين
عامر:ربنا يخليك لينا يا حاج وما نتحرمش منك ابدا
حمزاوي: يلا مش هطول عليك روح شوف شغلك
في احدي مولات القاهره
تجلس أسيل مع صديقتها اروي في كافيه
اروي(صديقه اسيل المقربه منذ الصغر ولكن هي خريجه صيدله تعيش مع والدتها فقط فأبويها منفصلين واباها سافر ولم يسأل عنها قط اروي ذات العيون البنيه والبشره البرونزيه والشعر البندقي القصير الذي لايتعدي كتفيها)
اروي:بتقولي ايه حمزه قال الكلام ده بجد
أسيل:يعني والنبي انا هكذب عليكي ليه انا مش عارفه هو ليه قال كده دا انا مستنيه اليوم ده من وانا في اولي ثانوي لما بابا الله يرحمه كان عايش وكان بابا وجدو وحمزه وعمو بيتكلموا وحمزه كان عايز يخطبني في الوقت ده وجدو قال لا مافيش حاجه هتتعمل غير لما اخلص كليه
واديني اول ما اتخرجت راح قال كده شكله مكنش بيحبني من الاول اصلا
اروي:انتي عبيطه يا بت لا بجد انتي عبيطه يعني مين ده اللي مش بيحبك ده بيعشقك انتي مش بتشوفي بيبصلك ازاي ولا عينه بتلمع ازاي اول ما يشوفك طب مش فاكره يوم مادغدغ الواد اللي كان معانا في المدرسه ده اللي اسمه مصطفي لما شافه بيكلمك وانتي مكنتيش عايزه تردي عليه ساعتها زعق بعلو صوته وقال دي بنت عمي وتخصني واي حد هيقرب منها هيكون موته ع ايدي
اسيل:هههههههههه يخربيتك انتي لسه فاكره ده كان حته يوم لأ وكمان لما روحنا والمدرسه كلمت عمي وعمي كان بيقوله عاملي بلطجي وبتتخانق ودخلت الواد المستشفي ساعتها برضو قالوا ان أسيل خط احمر لا ده مش خط واحد ده مليون خط احمر واللي يفكر يعديهم نهاره مش فايت
ساعتها جدو قاله جدع يا حمزه لا عرفت تربي يا عامر
اروي:وجايه بعد ده كله وتقوليلي مش عارفه مش بيحبني يا شيخه اتوكسي
أسيل:طب اعمل ايه انا بقي
اروي:ما ابقاش اروي السيوفي الا اما خليتك يا حمزه يا ابن الحمزاويه تيجي تبوس الايادي عشان البت ترضي تبصلك بس
أسيل:ههههههههههه اقسم بالله مصاحبه عيله مجنونه
اروي:هتشوفي يا سيلا هعملك في ايه الاول الفستان اللي انتي جبيته للحفله ده تنسيه تماما
أسيل:نعم يا اختي
اروي:بقولك ايه انتي تعملي اللي اقولك عليه احنا عايزينك تدهولي الواد ده خالص
أسيل:والله شكلك هتودينا في داهيه
اروي :وهو احنا رجعنا منها اصلا
ويضحكوا الاتنين ويقوموا يلفوا ع المحلات وتنفذ اروي خطتها
في فيلا حمزاوي رجع حمزه وطلع الدور الثاني من الفيلا حيث يقيم هو وابيه وامه
فاطمه(ام حمزه):حبيبي يعني جيت بدري
حمزه:ايه يا ماما انتي نسيتي حفله أسيل النهارده
فاطمه:انسي ازاي يا ابني دي أسيل دي بنتي الله يرحمك يا سهام كانت بتحلم باليوم ده من زمان اوي
حمزه:ربنا يرحمها هي وعمي يارب
ملحوظه(سهام تبقي اخت فاطمه)
فاطمه طب يا حبيبي ادخل انت ارتاح شويه
حمزه:ماشي يا امي بعد اذنك
تليفون حمزه بيرن
حمزه:ايوه يا سميه
سميه :باشمهندس حضرتك فين؟؟!
حمزه:مشيت يا سميه ليه في ايه
سميه:مشيت حضرتك السكرتيره الجديده معادها كمان نص ساعه
حمزه:يا خبر ابيض انا نسيت خالص وكمان بكره الجمعه الشركه قافله
سميه :طب اعمل ايه
حمزه:اجلي المعاد ليوم السبت الساعه عشره
سميه:اوك يابشمهندس مع السلامه
حمزه:سلام
بيدخل حمزه غرفته وبيدخل الحمام ياخد شاور
فاطمه:حبيبي انا نازله تحت عند اميره يا ابني سامعني دا شكله نام يلا هنزل انا
الغندور بيخرج من الحمام ولافف الفوطه ع وسطه ولسه بينشف شعره وسمع صوت الجرس بيرن ترن ترن ترن ترن
حمزه:يا ماما افتحي الباب
ترن ترن
حمزه بيخرج من اوضته وبيبص ع مامته مش بيلاقيها بيروح يفتح الباب ع اعتقاد ان هي ترن ترن
حمزه:ايوه جاي اهو حاضر ثواني
حمزه بيفتح الباب يلاقي اللي بتصوت في وشه عاااااااااااااا
حمزه:ايه يا أسيل شوفتي عفريت
أسيل بتحط ايدها ع عنيها وبتقول:لا وانت الصادق شوفت حاجه انيل من العفريت
حمزه:انتي حاطه ايدك ليه كده يا بنتي متكلميني عدل هي ماما تحت
أسيل وهي لسه مغمضه عنيها :حمزه انت مش واخد بالك انك وبتسكت
حمزه:اني ايه انطقي
أسيل بسرعه البرق:حمزه انت بالفوطه
حمزه بياخد باله انه لسه ملبسش
حمزه:اوبس انا اسف والله مأخذتش بالي خليكي هدخل البس
أسيل:لا انا نازله ابقي تعالي انت تحت
حمزه متنح اصلا وبيبص ع وشها اللي قلب فرولايه
حمزه:بس مكنتش اعرف انك بتتكسفي كده اول مره احس انك بنوته يعني ع طول عامله زي عبدو الشويش
اول ما أسيل سمعت البوقين دول نزلت ايدها من ع عنيها
أسيل:انا زي عبدو الشويش ماشي يا حمزه انا هوريك مين عبدو الشويش ده واعمل حسابك هننزل الساعه سابعه عشان نعدي ع اروي
حمزه:هو انا السواق ولا ايه
أسيل بكل جرأه:ايوه وتسيبه وتنزل
وهو يفطس ضحك عليها وع خدودها
نزلت أسيل تحت
فاطمه:أسيل صحيتي حمزه
أسيل:لا يا خالتو هو اصلا كان بياخد دش مش نايم
فاطمه:اه عشان كده لما نديت عليه مردش والله يا بنتي افتكرته نام
حمزه دخل عليهم وهو لابس شورت رمادي وتيشرت اسود وشعره مبلول ونازل ع عينه حمزه:انا جيت يا اهل البيت مرمر يا ميرو
اميره: تعالي يا غالي ايه يا واد الحلاوه دي
حمزه:مش احلي منك اعسسسسسل والله دا انتي اللي يشوفك معايا يفتكرك اختي
أسيل:والله العظيم بياع كلام يا ابني كفايه كدب بقي هتولع من كتر ما بتكدب
اميره: اسفوخس عليكي يا بت هو انا مش حلوه ولا ايه
أسيل:بتروح تبوسها وتقولها لا طبعا هو انتي في زيك بس كان لازم يقول اخته الصغيره
فاطمه واميره يضحكواا
حمزه:ههههههههههههه لا يا بت شاطره ضحكتي عليها
حمزاوي يطلع من المكتب علي صوت ضحكهم
حمزاوي:بس يا جحش ايه تضحك عليها دي هو اصلا في زي اميره دي الحب كله
فاطمه وأسيل وحمزه في صوت واحد :تيراااااارارايتيررراااااريري
وبعدين كلهم بيضحكوا وو سط ده كله عيون حمزه منزلتش من ع أسيل ولا عيون أسيل نزلت من ع حمزه وكل. واحد فيهم بيستعبط قال مش شايف التاني يعني وهو مركز معاه
أسيل:طب انا هدخل البس بقي
حمزه:ايه ده هو احنا مش هناكل
أسيل:لا ماليش نفس كل انت
حمزه:ماشي
حمزاوي:بقولكم ايه اوعوا تأخروا عشان عايزكم في موضوع
حمزه:موضوع ايه
حمزاوي :لما تيجوا هتعرفوا ويسيبهم ويمشي
حمزه:مرمر هو في ايه
اميره:علمي علمك ولا اعرف حاجه
حمزه:يا شيخه ع حمزه الكلام ده
اميره: بس يا واد هقوم اعملك الغدا
حمزه:يارب عدي اليوم اللي مش راضي يخلص ده ع خير يا تري يا بابا قلت لجدي ولا لأ
في غرفه أسيل التي يغلب عليها اللون الوردي الحقيقه ان أسيل عكس ما حمزه قال خالص اصلا من مميزاتها الرقه والجمال فهو ينطبق عليها مقوله "انت التي سجد الجمال لك خاشعا"
أسيل بتفتح الدولاب وبتبص ع الفستان وبتقرر تنفذ خطه اروي😉
نهايه الفصل الثالث
أنت تقرأ
الغندور وابنه العم
Romanceقصص الغرام قد تكون مختلفه ولكنها جميعا تجتمع علي شئ واحد وهو أن الحب تلك الحاله التي يعيشها الإنسان التي لا وصف لها هي اجمل الأشياء بالحياه تلك الحاله تجعل الشخص كما لو كان شخصا آخر. ولكل شخص مفهوم للحب. أما انا ففي وجهه نظري الحب هو الآمان ان اشع...
