الفصل الخامس
اليوم الجمعه واليوم مختلف بالنسبه لعائله الحمزاوي فإن لهم بعض الطقوس الخاصه بذلك اليوم....
تستيقظ أسيل ع رائحه بخور جدتها اميره التي من عادتها ان تبخر البيت كله به يوم الجمعه خرجت من غرفتها ووجدت جدتها تطوف في اركان البيت وتتلو بعض من آيات القرآن الكريم
اميره:ايه ده انتي صحيتي
أسيل:اه يا حبيبتي
اميره:صباح الفل والياسمين
أسيل:صباح الفل يا احلي مرمر في الدنيا اومال فين جدو يا ميرو
اميره:كالعاده في الفرانده بيشرب القهوه وبيقرأ الجرايد
أسيل: طيب هروح اصبح عليه بقي
أسيل ذهبت الي الفرانده
أسيل:صباح الخير يا جدو
حمزاوي:صباح النور يا قلب جدو.... ايه يا بت الحلاوه دي
أسيل:والله ما في احلي منك انت يا جدو
أسيل كانت ترتدي فستان يصل لركبتيها لونه ابيض ومليئ بالورود ذات الالوان المتعدده
وبدون اكمام وكانت ترتدي جزمه بكعب بلون وردي
اميره:يلا يا حاج عامر نزل اهو
حمزاوي وأسيل خرجوا من الفرانده وتوجهوا الي السفره لكي يتناولوا الافطار فمن عادتهم ان يتناولوا افطار يوم الجمعه مع بعضهم البعض
حمزاوي :صباح الخير عليكم
عامر وفاطمه:صباح الخير يا حاج
أسيل:ايه ده هو حمزه مش هيفطر معانا
فاطمه:لا يا حبيبتي نازل بس كان بيلعب رياضه الصبح فبياخد دش ونازل
أسيل:اها اوك
حمزاوي: طب يلا نفطر وهو يحصلنا
جلسوا ع السفره وبدأوا في تناول الافطار دخل عليهم حمزه
حمزه:سلاموووو عليكوووو
حمزاوي:يا ابني انت جاي منين
حمزه: الله انت بتغلط في ابويا يا حاج ده حتي عيب في حقك السؤال ده دا انت حتي مخلف راجل
حمزاوي:يا حيواااااان في بنات
حمزه:بنات فين البنات دول مش شايفهم والله
أسيل:تقول ايه بقي اصل البعيد اعمي
حمزاوي:اقعد افطر يلا عشان الصلاه
حمزه:حاضر
عامر:سيلا انتي هتنزلي الشغل من بكره
اسيل:ايوه بإذن الله يا عمي
حمزه:تبقي موجوده الساعه تمانيه انا ما بحبش لغبطه المواعيد دي الشغل شغل
أسيل:هو حد قالك اني السكيرتيره بتاعه جنابك ولا يكونش هشتغل في البوفيه فعايزني احضرلك قهوتك
حمزه:لا بس انتي المساعده بتاعتي يعني المفروض تبقي موجوده بدري
أسيل:اهااا بس ده لما المدير نفسه يبقي موجود بدري مش بيروح الساعه عشره
حمزه:ع فكره انا مش بروح عشره
أسيل: من تسعه لعشره يا قلبي لا تحزن
الجميع هههههههههههه
حمزاوي:انا بقول تسكت احسن عشان دي عماله تحط عليك ع رأي البت اروي
حمزه:ماشي يا جدي اوقف انت في صفها كده ع طول بكره تيجي الشركه وتبقي تحت ايدي ومش هرحمك
أسيل:ليه فاكرني موظفه عندك يا ابني انا رايحه شركه جدي يعني اروح واقعد واحط رجل ع رجل ومحدش يقدر يكلمني وبعدين ملكش عندي غير شغل شغل وبس
حمزاوي:بطلوا نقار بقي وافطروا يلا
فطر الجميع وذهب الرجال للصلاه وفي انتظارهن النساء لكي يأتوا من تأديه فريضه يوم الجمعه لكي يذهبوا الي النادي فهي ايضا عادتهم ان يذهبوا الي النادي يوم الجمعه
اميره:أسيل ماتخفي ع حمزه شويه مش ملاحظه انك بتزوديها معاه شويه
فاطمه:اه والله يا ماما دا حتي حركه الفستان بتاع امبارح دي كانت هتخليه يطرشق
أسيل:ويطرشق ليه هو ماله ومالي
اميره:ع فكره عيب كده كلمي خالتك كويس
أسيل:انا اسفه يا خالتو بس انا اقصد يعني
قاطعتها فاطمه قائله:انا عارفه انتي قصدك ايه بس حمزه بيحب
قامت أسيل في عصبيه محدش يقولي بيحبني دي انا وحمزه اخوات. مافيش بينا اي حاجه فبلاش توهموا نفسكم بحاجات ملهاش اساس
دخل عليهم حمزه ولكنه لم يسمع شيئ من حديث أسيل سوي صراخها
حمزه:ايه يا بنتي بتزعقي كده ليه
أسيل: مافيش
اميره: العربيه جاهزه يا حمزه
حمزه:اه يا مرمر بابا بره بالعربيه وجدي قالي خد أسيل وتعالي بعربيتك ورانا
أسيل: بس انا عايزه اركب مع جدو
حمزه: العربيه مش هتكفيكم انتو الخمسه
اميره بصت لأسيل وقالتها: يلا روحي اركبي مع ابن عمك ونتقابل في النادي
خرجوا جميعا وتوجهوا الي النادي في سياره حمزه فإن طابع الصمت يغلب عليهم وأسيل لا تتفوه بأي كلمه
وصلوا الي النادي ودخلوا وجلسوا ع تربيزتهم المفضله
وهم جالسون اتي اليهم ياسين لكي يسلم عليهم ويصطحب حمزه لملعب كره القدم
ياسين:سااااااامو علييييكواا
ياسين(صديق حمزه المقرب يكاد يكونوا اكثر من أخوه فهو صديقه من ايام المدرسه وبالرغم من ان حمزه التحق بكليه الهندسه وياسين التحق بكليه الصيدله الا ان صداقتهم امتدت ياسين شخصيته عكس شخصيه حمزه تماما فهو مرح للغايه يحب الهزار والضحك مع اي شخص ذات عيون سوداء بها لمعه شعره اسود ولكنه ناعم جدا وطويل يكاد يلامس عينيه وذو بشره بيضاء)
الجميع:وعليكم السلام
عامر:بذمتك في دكتور صيدلي محترم يقول ساااامو عليكوووو انت وصاحبك ما شاء الله عليكم تشرفوا
ياسين: يا حاج فكها خدنا ايه يعني من الرسميات والشركات والصيدلايات يا عمي الحياه فانيه فلا تجعلها تشقيك
حمزاوي:تصدق اول مره تقول حاجه عدله فعلا"الحياه فانيه فلا تجعلها تشقيك"
ياسين:طول عمري يا حاج بقول حاجات زي الفل مع اني معرفش هي طلعت ازاي دي
الجميع ههههههه
ياسين بيمد ايده لأسيل وبيقولها:الف مليون مبرووك يا أسيل ع التخرج
ولكن من قبل ان تمد أسيل يدها كانت يد حمزه في يد ياسين يقبض عليها بكل قوه وبيقول:نعم يا اخويا
ياسين: اقصد اقول الف مليون مبروك يا انسه أسيل
زادت قبضه حمزه وبيقول لياسين :افندم عايز ايه
ياسين:انا اسف يا انسه اني وجهتلك كلام من اساسه انا مش قد ابن عمك يديني لكميه اروح فيها
حينها ترك حمزه يده.. ياسين مسك ايده وبيقول: الله يخربيتك يا زفت الطين بوظت ايدي
الجميع:ههههههههههه
ياسين: اضحك يا عم عامر اضحك اصلك لامؤخذاه انت مش مخلف بني ادم طبيعي دا انت مخلف بيقاطعه حمزه:هاااا شكلك عايز تضرب
ياسين :وهو انا قولت حاجه يا ابني
واثناء حوارهم اتت اروي لكي تصطحب اسيل ملحوظه(اروي محجبه) فكانت ترتدي جيبه بيضاء اللون وتيشرت باللون الوردي وعليه طرحه من نفس اللون وماسكه مضرب التنس في ايدها
اروي: Good morning ازيكم يا جماعه عاملين ايه
ياسين وهو متنح لاروي:يادين النبي ايه الحلاوه دي
اروي بصتله باستغراب :افندم
ياسين:لا حلوه حلوه يعني
اروي بصت لأسيل :مين ده
أسيل: ياسين صاحب حمزه
طبعا الكل فطسان ضحك ع ياسين وكمان عارفين ان اروي مجنونه وممكن تعمل اي حركه من حركاتها
ياسين:هو انتي اسمك ايه والنبي لتردي عليا اقسم بالله حلاوتك غطت ع المكان
التفتت اليه اروي :بجد
ياسين :اه والله
اروي: عايز تعرف اسمي
ياسين:اتشرف طبعا
اروي وهي ماسكه مضرب التنس وراحت دب ضاربه ياسين في رأسه بالمضرب وبصتله بقرف ومشت
ياسين آآآآآآآآآآه يا بنت المجنونه طب والله العظيم لاتجوزك
الجميع يضحكون بشده علي منظر ياسين ومن يتابع المشهد من الاول كان يضحك ع ياسين فتقريبا معظم الناس الموجوده في النادي شاهدوا ياسين واروي
ياسين:البت دي اسمها ايه
أسيل بكل ترفع: اولا ما أسمهاش بت دي اسمها الدكتوره اروي السيوفي ولو متعرفش مين اروي السيوفي اظن أتعرفت عليها دلوقتي وبالمناسبه ده جزء صغير من شخصيتها وقامت واتبعت صديقتها
حمزه وياسين في صوت واحد: ايه البنات دي
حمزاوي واميره وفاطمه وعامر: بيضحكوا عليهم بشده
وحمزاوي بيقول في نفسه: وهو انت لسه شوفت حاجه يا حمزه اما خليتك تقول حقي برقبتي ما ابقاش اسمي حمزاوي
ياسين:البت دي بنت مين
حمزاوي:ما قالتلك ما اسمهاش بت ولا انت غاوي تتهزق
حمزه:هي أسيل راحت فين
فاطمه:اكيد راحت تغير عشان تلعب تنس مع اروي
حمزه قام ومسك ايد ياسين :يلا نمشي احنا كمان
ياسين: يا عم استني اما ابوك يعزمني ع حاجه الاول
حمزه:يلاااا يا ياسين اخلص
ياسين: طيب طيب ما تزوقش يلا سامو عليكو اجدعان
حمزه ماشي يمد وبيبص يمين وشمال
ياسين:هو في ايه انت بتجري ليه كده وبتبص ع مين
حمزه:بشوف أسيل
ياسين:اهااا طيب
حمزه :هو ايه اللي ها طيب
ياسين:حمزه هو انت قولت لابوك ع موضوع انك مش هتخطب بنت عمك
حمزه وقف مكانه :ياسين انا مش عايز اتكلم في الموضوع ده
ياسين بعصبيه ع الرغم من انه نادرا ما يتعصب:بقولك ايه بلاش لعب العيال ده انا مش فاهم انت بتفكر ازاي هو ده تفكير ده اصلا وبعدين انت قولت لابوك ولا مقولتش
حمزه:قولتله ايوه
ياسين:وقالك ايه
فلاش باك
حمزه:طيب انا هقول لحضرتك اهو بس ارجوك مش عايز حد يعرف
عامر:اتفضل يا اخويا
حمزه:بابا من واحنا صغيرين انتو بتقولوا حمزه لأسيل وأسيل لحمزه يمكن كنا صغيرين ومكناش بنركز بس لما كنت قاعد مع حضرتك ومع جدي وعمي الله يرحمه وانا داخل اولي كليه كنت بقول عايز اخطب أسيل وساعتها جدي موافقش وقال لما أسيل تخلص دراسه
عامر:ها وبعدين
حمزه:انا عرفت بعد كده ان أسيل سمعتنا ومن ساعه ما سمعتنا وهي اتغيرت وبدأت تتغير معايا
أنت تقرأ
الغندور وابنه العم
Romanceقصص الغرام قد تكون مختلفه ولكنها جميعا تجتمع علي شئ واحد وهو أن الحب تلك الحاله التي يعيشها الإنسان التي لا وصف لها هي اجمل الأشياء بالحياه تلك الحاله تجعل الشخص كما لو كان شخصا آخر. ولكل شخص مفهوم للحب. أما انا ففي وجهه نظري الحب هو الآمان ان اشع...
