نظر لها جاسر للحظات غير مستوعب لما قيل منذ قليل كان يدقق النظر بعيونها وكأنه يبحث بهما عن صدق عباراتها اهى مزحة ؟أم إنه إختبار ؟ وفجأة ضحك بشدة ظل يضحك الا ان ادمعت عيناه وتأوه من الالم وسط نظراتها المستعجبة منه ،ف ماذا يدعو للضحك ؟
جاسر بضحك :إنتى بتهزرى صح ؟
نور ببرود:لا بتكلم بجد
نهض جاسر من فراشه مسرعا مما تسبب له بألم تجاهله ف ألم قلبه أشد ثم وقف امامها ونظر لها نظرات مترجية قائلا:لا بتهزرى ،إنتى أكيد بتهزرى
وقفت نور أمامه مباشرة وقالت بقوة وهى تنظر بعينيه مباشرة:طلقنى ياجاسر
نظرتها تنم عن جديتها ياالله ألم تكتفي بعاقبي طيلة هذه السنوات أمازال هناك بقية ،أم أنه حلم لا بل كابوس مزعج
امسك يديها بقوة متوسلا:لا يانور متعمليش فيا كدا ارجوكي اطلبي منى أى حاجة هعملهالك بس كفاية بعد متاخديش روحى بالطريقة دى خليكي جنبي ارجوكي
تلبسها الجمود تماما ولكن هذا حق لها وستأخذه سحبت كفها من كفه وهى تقول:أنا مش عايزة منك حاجة ياجاسر انا عايزة اتحرر منك
جاسر بضعف:لالالا مستحيل ،بلاش العقاب دا انا مستعد اعمل اى حاجة بس بلاش العقاب دا مش بعد ملقيتك هتضيعي منى تانى ،بصي انا غلطان والله غلطان واستاهل الحرق بس سامحينى طول عمرك بتسامحينى واحسن منى
ضحكت بسخرية وهى تقول:أسامحك!! أسامحك دى لما تدينى قلم تكسرلي دراع لكن اللي انت عملته ملوش اى شفاعة عندى
جاسر بهمس ضعيف:نور متعمليش كدا انا بحبك
وهنا انطلق ماردها قائلة بغضب:حب!! حب اى اللي يديلك الحق تدوس عليا بالطريقة دى ،إنت فاهم إنت عملت إى ؟لو واحدة من إخواتك حصلها كدا كنت هتخليها تسامح ؟؟ يمكن غلطتى الوحيدة اللي عملتها انى كنت بسامح ياجاسر وكنت أقول معلش زعلته معلش بيذاكر معلش شغله صعب وأجى ع نفسي فكل مرة واسامح بس كنت وقتها عيلة صغيرة مكنتش اشوف غيركم فحياتى مكنتش اعرف حاجة عن الدنيا كنت اتبسط بكلمة وازعل بكلمة بكل سذاجة ،عيلة كل همها مذاكرتها وتفوقها لكن انا دلوقتى العيلة كبرت وشافت الدنيا شافت القسوة وشافت الغدر بقيت أم لطفل ومسؤولة ،انا مستغنية عن حبك دا مش عايزاه ياجاسر عايزاك بس تحررنى من العلاقة دى علشان اشوف حياتى من غير قيود.
جاسر بغضب :ليه عايزة تكسرينى لييه؟؟
نور بقهر:ماأنت كسرتنى من زمان أوى ياجاسر
جاسر:والله مكنت فوعيي مكنتش دارى بحاجة شيطانى عمانى مكنتش اعرف بعمل اى ولا كنت اعرف الحيوانة دى بتعمل اى ،إنتى بتتهمينى ومش مديانى الفرصة انى أدافع عن نفسي لييييه؟
صرخ بالأخيرة وهو يضرب بكل ما بجانب يده بعرض الحائط مما جعل الجميع يدلف الي الغرفة بهلع
نور بغضب وصراخ:وإنت مدتنيش الحق دا من زمان ليه ؟مدتنيش الحق انى أدافع عن نفسي ليه؟عينت نفسك قاضى عليا ونفذت حكمك من غير متسمع ليه؟مجتش تواجهني وتدينى حق الدفاع ليه؟ أنا مش زيك ع الأقل إنت عارف اسباب العقاب وتستحقه لكن أنا اتعاقبت من غير معرف أسباب ولا حتى غلطانة مع العلم ان دا مش عقاب دا حقي ياجاسر بيه لا يمكن هقدر احس معاك بالامان تانى دوست علي كرامتى وكبريائي وعزة نفسي وحتى حبك فقلبي محيته بإيدك. مرحمتنيش علشان ارحمك .
اقترب جاسر منها وهويقول :مش هطلقك يانور
نور وهى تقترب خطوة منه:هخلعك ياجاسر
جاسربقوة وهو لا يجد حلا بديلا لتراجعها:يبقي هاخد حمزة
مطت نور شفتيها ورفعت منكبيها ثم قالت ببساطة :يبقي يعرف كل حاجة حصلت من باباه لمامته
زمجر بوجهها بحدة ثم رفع يده بمقابل وجهها وضم قبضته وهى تقف امامه بصمود وجمود لا تخاف ع شئ أو من شئ فهى مرت بلأسوء ثم هوى بها ع الكوميدينو بجانب سريره بقوة هشمت سطحه الخشبي
نادية ببكاء وهى تقترب منه:اهدى ياجاسر اهدى انت لسة جرحك ملمش يابنى ،لسة طالع من عملية
التفت اليه بضياع وهو يمسك يديها بتوسل قائلا:قوليلها ياأمى ،قوليلها إنى ندمان ،قوليلها إنى بحبها مقدرش اعيش من غيرها
نكست رأسها للاسفل بحزن ع حالهم فتركها واتجه الي والدتها قائلا بدموع لأول مرة ينهار أمام أحد هكذا وكأنه طفل يفقد والدته:علشان خاطرى ياطنط ابوس ايدك متخليهاش تسيبنى هعملها كل حاجة عايزاها بس بلاش تسيبنى انتى مش دايما تقوليلي انى ابنك وانك مربيانى اقفي جنبي ارجوكى
أنت تقرأ
وتين... بقلم نودا...
Romanceنحتاج زمن للنسيان نسيان الالم ،نسيان الماضي،نسيان اشخاص نحيا بقربها ونموت بفراقها قد ياتى ذلك في وقت متاخر ولكن الله انعم علينا بتلك النعمة لنتعلم شكره وحمده .....ولكن.... ماذا ان اصبح ماتحاول نسيانه امامك بل انه جزء من روتينك اليومي ان تراه ياال...
