سهام .....بعد مارجعت لجبار وبعد توسلات ودز جماعه حتى ارجع
رجعت لبيتي ولحياتي الي مالحكت ابديهه
وحاولنه نفتح صفحه جديده
بس هو كل ميرجع بذاكرته لايام عركاتنه
كان ابد ميتذكر شنو الي صار
كان من كل عقله مفكر انه اني دااخليله شي مخدر بالعصير لو بالأكل واني اخونه ويه غير واحد
رجعت لجبار ...ورجعت المشاكل
حتى بيوم من الايام رجع وكان سكران كلش
وهو مو من عادته يشرب ابد ....
تعاركت وياه بس مافاد الكلام
والظاهر هم كان بالع من هاي الحبايه الغضب
شكيت بيهه مخدرات وهي الي اتخبل عقله من يبلعهه
رجع ضربني واعتدى عليه بالغصب
ونام
نام وعافني بنص الامي واوجاعي
نام وتركني مثل أي حاجه مركونه بالبيت ماالهه اي فائده
دخلت للحمام ...سبحت ...وطلعت
وهو كان بعده نايم ....
واني من البجي نمت بالكاع حتى بدون غطه
وكان الجو بارد ....
وماحسيت إلا ودفرات مدري منين تجيني
جبار ......ولج حقيره اكعدي ليش ماكعدتيني من وكت
موكتلج عندي شغل يم ناس واريد اسوي المي مالتهم
سهام .......بالكوه فتحت عيوني وأحاول اتلافا ضرباته على بطني
. وخر عني .....شنو شكتلي
ليش انت من اجيت كنت دريان بشي
انت مو كنت سكران
جبار ...ولج اني اسكر ....
أيا حقيره ....شلون دروب .....شحطيتيلي بالأكل وخليتيني هيج انام
وشنو آثار الظرب هاي على وجهج
هم كولي اني
منو دخلتي للبيت ولج احجي
سهام ....موتني يحجي ويظرب وأني بس احاول أدافع عن نفسي
سهام .....والله انت ....
والله محد دخل للبيت غيرك
جبار ....ولج اتجذبيني ....
انتي دواج ادز على اهلج حتى يعرفون صرفتهم وياج
سهام .....ولك حقير ....اني مال هيج دروب عوجه النوب تطعني بشرفي
جبار ...ولج منو الحقير .....
وركعتهه براجدي فريتهه فر ....
سهام ....وخر .....يعني تنطي الحق لنفسك تظرب وتهين واتريدني اسكت
جبار ....اي تسكتين لان اني رجال ومن حقي اربيج عدل
سهام ... لا والله مو رجال ..
الي يمد ايده على مره هذا مورجال
جبار .....بنت الحرام منو الي مو رجال
هسه اشوفج الرجال شراح يسوي بيج
....سهام ...وراح جاب الحزام مالته ودك على جسمي من غير الدفرات الي على بطني
حسيت روحي راح تطلع.....ظليت اصيح وحاولت اتلافا الضرب على بطني شكد مااكدر
من كثر الضرب بعد مااحس بالألم
بس حسيت بشي دافي جوايه
بعدهه فقدت الوعي
بعدين صحيت على صوت امي وهيه تون وتبجي وتدردم على جبار
أغلب الكلام مفهمته
كنت احس الجو بارد كلش وجسمي حار كلش
مدري بالعكس
والالم هذا شنو
آااخخخ آااخخخ شنو هالوجع هذا
ام سهام .....يمه الحمد لله على السلامه
سهام .....شنو ليش شصار
ام سهام ....يمه الله لطف بيج وبالي ابطنج
ابوج محمد لزمه وشبعه كتل
وكال بعد مترجعين وياه
سهام .....شويه شويه ...
رجعلي شريط الذكريات
وشلون ظربني بالحزام ....واني اتوسل وأحاول الم نفسي وأحمي الطفل بايدي
كمت ابجي بحركه .....
ياربي هذا شجا ....ليش هيج قسمتي عوجه مومثل باقي النسوان
ام سهام ....يمه لاتبجين الدكتوره كالت الانفعال موزين عليج وعلى الطفل
انتي من كثر الضرب صار عندج نزيف وكوه وقفوه
سهام .....يمه بعد ماارجعله هذا حيوان مو انسان
ام سهام ....لا يمه بعد مترجعيله
هسه من اطلعج اخذج ويايه للبيت
.....وبعدين اجتي الدكتوره وفحصتني وشافت وضعي وكتبتلي على خروج بس لازم ابقه انام على ظهري
وحركتي تكون قليله حتى يثبت الطفل
بعد ماطلعنه من المستشفى رحنه لبيت اهلي
زوج امي ابد ماقصر ويايه
من اجه جبار للبيت طرده وتعارك وياه
وكله بعد ماعندك مره يمنه بس تولد اتطلكهه
ظليت عند اهلي فتره طويله
وبيوم اجتي سميه حتى اتشوفني وتطمأن عليه
هم اتوسلت انه ارجع لجبار
سميه .....يمعوده اصلا تعاي شوفي البيوت أشكال يصير بيهه
هاي لو كل وحده تنضرب من رجلهه وتطلب الطلاق ...
جان ماضلت ولا مره على ذمة رجال
جان كل النسوان اتطلكن
سهام ....أحسن ...ولو كل وحده ماسكتت على رجلهه من يضربهه جان ماضلت ولا مره تحت رحمه الرجال
وجان فكروا الف مره قبل لايمدون ايديهم على نسوانهم
سميه ....ادري بيج عصبيه وحقج الي سواه اخويه مو هين
بس ياعيني شنسوي ...
احنه الله خلقنه هيج ...
لازم نتحمل ونسكت حتى نكدر نعيش
اعتذر تاخرت بالنشر بسبب انقطاع النت في العراق
وهسه كوه داانشر
يارب الجميع يكونون بخير
يتبع ........
