#صرخه يتيمه
#بقلمي شمعة امل
#الجزء السابع
سميه ....
همزين انتي ذكرتيهه واختصرتي عليه الطريق
سهام ...شلون ..
سميه .....اخويه يريد يرجعج
سهام ... وام سهام ...شنووووو و
ام سهام .....خاله فاجأتينه بهذ الخبر
سميه ....عيني هو رايدهه ويكول متندم
سهام .....اوكفي شنو رايدهه شنو متندم ....
هو ليش مو اتزوج قبل فتره
سميه ...اي صح . ..بس موانتي لاتنسين انتوا هسه عدكم بنيه بيناتكم وميصير تبقه هيج
بدون آب
سهام ......شنو ميصير تب....
ام سهام ...اسكتي بنتي ... شبيج انتي بسرعه صرتي عصبيه ...
خلي نفتهم من سميه بالاول
.....عيني سميه ...انتي مو قبل شكم شهر اجيتي وكلتي يريد يرجعهه وماقبلت سهام ترجع
وبعدين راح اتزوج اخوج ....
يعني هسه عنده مره .....
يعني عنده وحده اتشوف طلباته ....
ليش بعد يريد يتزوج النوب ....
سميه ......يكول مامرتاح وياها
سهام .....اي وعلى أساس اني جان مرتاح ويايه
لعد اذا كنت زينه وياه ليش طلكني.
ليش جان كل يوم والثالث شابعني كتل ....
ليش ......
سميه ....عيني لاتضلين اتعيدين وتصقلين بالكلام
هذاك وكت وراح هسه هو يريد يبدي صفحه جديده وياج ....
وانتي مخيره ..
فكري زين بوضعج ووضع بنتج ...
باجر عكبه تكبر .....ولاتنسين هيه معايشه ويه ابوهه
خاله لاتزعلين مني انتي وسهام
يعني الرجال الي هنا بالبيت يكون زوجج مو ابو سهام ولا جد رقيه
سهام .....مااسمحلج .....
لهنا وبس ....ابويه محمد رباني احسن تربيه
وعوضني عن حنان ابويه وعمره ماحسسني انه اني يتيمه
ام سهام .....بس بنتي كافي
سهام .....يوم مسمعتيهه شتكول
ام سهام .....اوووووووف منج ومن لسانج
...بنتي سميه ....انطينه مهله خلي انفكر
سهام .....شنفكر وبشنو
ام سهام .....اسكتي عاد
سميه ....زين خاله........ لعد اني اترخص هسه
فكروا بالموضوع وردولنه جواب
....
......بعد ماراحت سميه ....
....بالله هذوله صدك يحجون ...
ام .....سهام ....
طبت للبيت واتدردم عليه
.....بالله انتي شبيج ...ليش متلزمين لسانج شويه
متعرفين تسكتين
سهام ...يوم على شنو اسكت ...
انتي مسمعتيهه شكالت ...
تريد ارجع لاخوهه تريد ارجع للضيم والقهر
ام سهام .....يابنتي هيه شكالت
جانت مشاكل عدكم قبل ...هسه راحت
واكيد هو تغير ...
سهام ....شيغيره اكو مثل يكول ...
ذيل الجلب عمره مينعدل ...وجبار هيج ...
مثل ذيل الجلب ....
ام سهام ....يااا شوف هاي شتحجي ...
ولج اكو وحده هيج تحجي على رجلهه
سهام ....قصدج الي جان رجلي
هسه هو غريب عني
ام سهام ....ولج لاتضلين تعاندين هيج ...
متكليلي منو دايملج ...اني مره مريضه يجوز باجر عكبه اموت ...ويامن تبقين عايشه وين
سهام ... يوم ...بس
.. ام سهام .....انتي الي بس ....
كافي ...بعد مابيه حيل احجي ....
وجان تمدد امي
سهام ...يوم شبيج ....
ام سهام ....ولج امشي جيبيلي حباية الضغط ...
يمكن صعد ضغطي
سهام .....ورحت ركض للغرفه وجبتلهه حباية الضغط
وكلاص مي ....
هاج يوم اشربي ......
شربتهه الحبايه .....وعفتهه ترتاح شويه ....
