#صرخه يتيمه
#بقلمي شمعة امل
#الجزء الرابع
سهام .....وليش اعيش تحت رحمته
اصلا بعد ماارجعله لو يموت
وبس اولد راح اطلب الطلاق من جديد
سميه ....يمعوده استهدي بالرحمن ....
احنه خو مو على أقل مشكله نطلب الطلاق من ازواجنه
لعد انتي هم غلطانه اكو وحده تكول لرجلهه انت مورجال ...
انتي هم استفزيتيه
سهام ....لعد شلون ترديني اسكتله ...
يطعني بشرفي واسكت ...
ولج يكلي اتخدريني واتجيبين غير رجال يدخل للبيت وتنامين وياه
يكلي هذا الي ابطنج مو ابني ....
شلون ترديني اسكتله
سميه .....لا هيج اني مااقبل على اخويه هذا شلون حجي
مرت الأشهر واني بعدني يم اهلي
وطبعا جبار بعد ماانطرد من زوج امي
ماشفت خلقته
بس سميه اجتي شكم مره واجه علاء وزوجته
وشكد حاولوا يرجعوني بس لا اني ولا امي ولا زوج امي الله يخليه صدك من يحجي احس عندي سند بحياتي
مرت الأشهر ولحد مابيوم واني بالمطبخ
كنت الف كبه ويه امي كلت خلي اساعدهه شويه
ام سهام ...يمه روحي معليج اني الفهه
انتي موزين عليج الكعده بالكاع هيج
سهام ...يمه مليت اني مامتعلمه هيج
وبعدين هو اني شدااسوي قابل طالعه
للحصاد
اشو هيه شوية كبايات وداالفهن
ام سهام .......هههههه ديله ام الحصاد كملي انتي خوش تلفين الكبه احسن مني
سهام .....بعد ماخلصت شلت الصواني الي بيهن كبه وخليت فوكاهن علاكه وخليتهه
بالمجمده
طلعت من عدهن للعشه اشو اشتهيتهن
شويه و لملمت المطبخ وامي كانت اتسوي بتيته فنكر
خلصنه تكلاه ....
وشويه وحسيت بشي دافي دينزل بين رجلي
وراسا وياها الم قوي
صحت بصوت عالي
ام سهام ...يمه شبيج ...
سهام ...يوم مااعرف الم كلش قوي
مدري شنو نزل عليه ....
ام سهام ....ياااا ولج يمكن عندج ولاده
سهام. ......ااااخخخخخ ....يوم الالم مينحمل
ام سهام .....ولج يمكن راح اتجيبين
خلي اصيح محمد .....
.....وهمزين زوج امي كان كاعد بالهول ودينتظر العشه
بسرعه امي صاحتلهتكملة الجزء الرابع
....محمد ....اول مسمعت ام سهام صاحت كمت بسرعه كلتلهه جيبي السويج مال السياره
رحت لكيت سهام دتتلوى من الوجع اباب المطبخ
وجان اشيلهه ورحت للسياره ام سهام فتحت
الباب وخليت سهام تكعد ليوره
ام سهام ...بس دقيقه خلي اجيب جنطتهه
محمد .....يله بسرعه
سهام .....اااااخخخخخ الألم مينحمل
اجتي امي وكعدت بالصدر يم ابويه
أقصد محمد لأن اني اصيحله يابهتكملة الرابع 2
وصلنه للمستشفى واني كلش تعبانه من الألم
دخلنه للدكتوره فحصتني وكالت مي الراس طاك
لازم هسه ندخلهه حتى تولد
....سهام ...دخلوني للصاله مال الولاده
اباوع وبس دموعي تنزل
مدري من الخوف مدري من الألم
مدري من صوت النسوان الي يصيحن من الألم
ودااشوف السسترات ماعدهن رحمه ويه الي دتولد
ظليت ادعي ياربي خلصني يتيمه وانت سندي
والحمد لله رب العالمين
الله جابلي وحده ..الله يستر عليهه مبينه حبابه
كالتلي اني راح اولدج
وظلت تهدي بيه اجني وياها ثنين مساعدات
والف الحمد لله والشكر جبت بنيه
ام سهام ....دخلوا بنتي للصاله واني بس ادعي يارب سهل عليهه
اباوع على محمد خطيه ظل ينتظر بره وعيونه مغوركه بالدمع وكأنه سهام صدك بنته
وهسه عدهه ولاده
شويه وطلعت وحده بشرتني وكالت الحمد لله على السلامه بنتج جابت بنيه جنهه ورد واريد البشاره
بدون وعي هلهلت ونطيتهه فلوس
وطلعت أبشر محمد
محمد .....ألف الحمد لله والشكر
الف الحمد لله والشكر ربي
عيني للسما وامسح بدموعي
ام سهام .....ياعيني هيج فرحان بالبنيه
لعد لو جابت ولد جان شسويت
محمد ....ام سهام انتي صدك تحجين وهو شنو الفرق اذا كان المولود ولد لو بنيه
المهم سلامتهه هيه وبنتهه انتي نسيتي شلون ربيتهه على ايدي وهيه زغيره
بالله احسهه بنتي وهسه اني صرت جد
ام سهام ....الله يفرح كلبك مثل ماانت على طول مفرحنه وياك
....دخلنه جوه ....شويه وطلعت نفسهه الي بشرتني
....السستر ....ام سهام ....شراح تسمون الجاهله بنتكم اتكول ابويه يسميهه
محمد .....من سمعت هيج صدك دمعت عيوني
من الفرح ....
كلتلهه اسميهه رقيه .....
.....بعد مانظفوا الطفله وبدلولهه جابولياها ....
شلتهه بين ايديه .....
الفرحه وهاي اللحظه ابد متنوصف ....
كبرت باذان الطفله واقمت بالثانيه
......
