رحلة الأرميز إلى كوريا

03 الخطة ٢

اليوم الموالي ناضو لبنات صباح و دارو روتينهم

اليومي و راحو يقراو مازلتلهم سمانة و يخلصو

قراية.....ايا عدا النهار يجري كي خلصو طلعو للسكن

تعهم و تلمو عند ميسون و مروة(مقر العصابة😋) و

وجدت مروى و بشرى رواحهم و غفلو العساسين

تاع الباب و خرجو من المسكن طبعا بمساعدة

المخابرات أقصد ملاك و نور ......من بعد راحو

للسونتر فيل و بالضبط لبونكا حيث هدف تعهم و

دخلو كانت مازالها ساعة و تقفل على 6 تاع عشية

ايا هدرو مع شاف تاع الامن :

مروى:"والله يا عمي كون تقبلنا تشبع دعاوي خير"

بشرى:"وي صح دركا جا الصيف و ما عندنا كيفاه لمو

دراهم تعيش"

شاف:"ايا معليش السمانة لجاية تبداو الخدمة من 7

تاع صباح ل 4 تاع لعشية"

مروى:"علاه يخي نقفلو قصدي تقفلو على 6؟"

خزر فيها

بشرى:"هههه نتي حابة تخدمي ولا كيفاه قالينا على 4 يعني على 4"

مروى فاقت مع روحها:"ايه عندك حق.....ايا عمي صمعلكم ربي معاك"

بشرى:"في لامان"

و خرجو مروحين للسكن حيث زادو دخلو كيلي

مدارو والو و طلعو طول عند لبنات باه يحكيولهم

ميسو:"واش جيتو؟"

نور:"لا مازلهم لهيه"

ملاك:"ديري نواظر لعما"

ميسون:"ربي يصبرنا عندنا وحد ماكني لاين كي..."

آية :"توالفي بب او انا درك وليت مانديريش عليهم"

ملاك و نور:"واش تقصدي"

حنان تخنزرت فيهم بلعو ريقهم من خلعة

بشرى:"اسكتو نحكيولكم واش صرا"

ميسون:"حخخخ ماكان لاه علابالنا بكلشي"

مروى:"؟؟؟؟"