عند قمر...
قمر بصوت يشبه التحدي : انا موافقة عليه يا بابا بس تعليمي هكمله!
ابو محمد بدهشة : ده بجد؟!
قمر : ايوة بجد *باستهزاء* يلا هاته دلوقتي!
ام محمد : اهدي يا قمر في ايه!
قمر : مش انتوا عايزين تجوزوني و ترموني و خلاص! اهو ارموني يلا و انا الي بقولكوا يلا مش عايزين ليه دلوقتي مالكم مستغربين ليه؟؟
ابو محمد بغيظ : خشي جوا اوضتك دلوقتي
دخلت قمر ساكنه الروح فقد شُفيَ غليلها قليلاً و استكانت روحها بسكينة السلام و ها هي الان تفكر بماذا يجب عليها فعله في حياتها القادمة مع الشريك الذي جلبه ابوها لها ؛ فلن تكون كالدمية تتحرك معهم بالطبع هي وافقت و لكن ذلك ليس دليلاً علي ضعفها فهي اقوي من ذلك بكثير هي قمر !!
عند بيت فادي..
محمد : نوال انتي هتقعدي هنا تمام! و انا هجيلك كل يوم
نوال : هقعد لوحدي؟!
محمد.. احنا مش متجوزين اقنعيني اقعد معاكي ازاي؟
نوال بأسف : صح خلاص
محمد : يلا هتاكلي ايه؟
نوال بضيق : مش عايزة مليش نفس
محمد : بصي الي حصل ده من تدبير ربنا تمام. متقعديش تندمي و تتدايقي.
نوال بابتسامة : حاضر.
فادي دق الباب : محمد انا همشي بقي و اخلص شغلي
محمد : تمام ، *وجه نظره ناحية النوال* هطلع اسلم عليه و اجي.
نوال : تمام.
محمد : فادي.
فادي : ها!
محمد مربتاً ع كتف صديقه و ضمه اليه : من غيرك مكنتش هعرف اعمل ايه ربنا ميحرمنيش منك و يرزقك بالي يحبها قلبك يارب ، يارب يا فادي تكون بنت حلااال زيك يارب !
فادي بابتسامة : تسلم يا صاحبي احنا اخوات. انا همشي و ده مفتاح الشقة هقعد عند معتز *صديقهم الثالث *
محمد بامتنان و حزن خفي : هو بس اسبوع و كل حاجه هتتحل ان شاء الله ، سلام يا صاحبي.
فادي : خد بالك من نفسك يا اخويا!
و خرج فادي تاركاً ورائه صديقه في تفكير عميق و قطع صمته صوت محبوبته. نوال : محمد!
محمد كمن استيقظ فجأه : ها؟
نوال و جلست بجانبه : في ايه مالك؟!
محمد بأسي حاول اخفائه : هو احنا لازم نعمل فرح؟
نوال وجهت نظرها اليه : مين قال اني عايزة فرح! انا مش عايزة و انا الي كنت هبادرك بكده ع فكرة يعني متفتكرش اني قولت كده عشانك قولت كده!
محمد : بس انتي حقك تفرحي زي الكل!
نوال واضعه يدها فوق يده : انا فرحي اني اشوفك و اشوف عيونك! عايزاك جنبي دايماً يا محمد انا بحبك!!
محمد غرق ببحر العشق : انا بحبك اكتر *ضحك* قومي اعملي قهوة عشان امشي مش وقته حب و مرقعة
نوال بضحك لطريقته فهي تعلم انه يخافها نفسه قبل الناس.. حاضر
عند قمر..
ام محمد : الواد لسا مرجعش و قمر حالفة مش هتاكل من غيره! ثم اني مستغربة من موافقتها فجأة كده فيها ايه دي؟
ابو محمد بتفكير : معرفش و الله بديت اخاف من بنتك دماغها كبيرة اوي!
ام محمد بزمجرة : وهي بنتي لوحدي مانت الي مربيها معايا!
ابو محمد بعصبيه : طيب يا ستي خلاص بنتي و انا الي مربيها و مخليها بالطريقة دي حلو؟! ارتاحتي كده!!
ام محمد بتمتمه : ماله ده في ايه!
انفتح باب الشقة : محمد بصوت قوي.. سلام عليكم
الوالدان : وعليكم السلام، الاب بسخرية : مكنتش رجعت احسن!
محمد سفهه فكلام والده يُحدث فجوة بداخله تُعِيقه علي استمرار حياته : ماما قمر فين؟
الاب بغضب : انا مش بكلمك!!
محمد بازدراء : اسف يا بابا مسمعتش ، اتجه الي والدته : ها؟
ام محمد : في اوضتها !
تركهم و اتجه الي غرفة صغيرته و دق الباب : قمر!
قمر : ادخل! قامت مسرعة من سريرها وقتما رأت اخوها و ضمته بشده : انت ازاي تسيبني! انا عمري ما ضعفت اد ما ضعفت انهاردة! و اول مرة اعترف بكده اول مرة اقول اني ضعيفة! كأني كنت معتمدة ع وجود حد بيدعمني. بس انا عايزاك تختفي *تفاجأ منها* اقصد انك تبعد عن حياتي و مبقاش مستندة عليك لانهم قرروا يجوزوني و هكون لوحدي
محمد كمن نزلت عليه صاعقة اصابته بالصم : ايه؟
قمر : ايوة هيجوزوني!
محمد بغضب و قام من السرير متجهاً للخارج : ازاي كده؟!!!
قمر : خد هنا تعالي هفهمك كل حاجه بس ناكل الاول لأني مأكلتش ، وترتاح و اقولك بكرة عشان نهدي.
أنت تقرأ
يوميات قمر
Romanceواقع الخيال مع عطره العجيب لاضافة نكهة ملذذة -لاستثارة دهشتك -كان سبباً في انشاء قمر . و كأنها اخطأت حينما وُلِدت قوية في زمن الضعفاء! كأن خطأها انها وُلِدت.. قمر!!!
