عند فادي بالاخص في بيت معتز..
معتز : و البنت الي معاه حلوة؟
فادي بغضب : حلوة ايه انت اهبل يبني بقولك مراته فووووق ده صاحبك فوق يا معتزز انا غبي اني حكيتلك غبي!!
معتز باستهزاء : و مالك ممحوق كده ليه كأنك بتحبها و لا كانت تقربلك؟!
فادي بسخرية: يا حبيبي لا ده و لا ده بس لان رسولك قال ده لو عندك معلومات يعني " اتقوا الله في الضعيفين : المرأة و اليتيم " سمعته يا معتز ؟ الرسول وصي بالمرأة و انت انت ياخي لا حول و لا قوة الا بالله اوووف و غير كده دي مرات صاحبك فااهم؟؟ انا هنزل عشان متقلبش. بس فكر بكلامي يا معتز.
عند نوال في بيت فادي..
ها هي بطلتنا وحيدة سابحه في افكارها. تأتي بها امواج الافكار يُمنى و يُسرى و تقلبها لم ترحمها امواج افكارها حتي غفت و لكنها لم تتركها تماماً..
نوال بعصبية : محمد انا مش طايقاك بقولك طلقني انت مبتفهمش!!
محمد بغضب : انتي ايه كلمه سهلة زي اللبانة في بوقك!!؟
نوال بسخرية : ايوة هو ده الي انت فالح فيه كل ما اقولك حاجه تقولي زي اللبانة زي ال... محمد صفعها! صفع محبوبته!! و لكنها تجاوزت الكثير حقاً و لكني اري ان هذا لا يعطيه الحق لا اعلم من علي حق و لكني اري ان كلاهما أخطأ من البداية ! فاقت من نومها و هي تتحس موضع الصفعه و تررد.. محمد ضربني محمد ضربني!! لم تكن تعلم انه حلم و ماتشعربه من ألم في موضع الصفعه ماهو الا من وحي عقلها الباطني بسبب مخاوفها. قامت بالاتصال علي محمد لتتأكد.
محمد : صباح الخير.
نوال بقلق : صباح النور أأ محمد
محمد : نعم؟
نوال : انت مشيت من هنا امتا!
محمد بخوف : يعني ايه؟
نوال : يعني اخر وقت كنت بالبيت امتا
محمد بقلق : امبارح بليل علي الساعه عشرة و نص حداشر. في ايه؟؟؟؟
نوال حكت له الحلم بعدما تيقنت انه من وحي الخيال و قام محمد بطمئنتهاا.
عند قمر..
محمد : قمر!
قمر : نعم؟
محمد : تعالي فهميني بقي موضوع الجوازة ده ايه؟!
قمر : هيجوزوني لواحد ابن صاحب بابا و انا وافقت بس بشرط دراستي هكملها
محمد : وافقتي ازاي بتستهبلي.؟؟!!!!!!!
قمر: انا كان لازم اقول اني موافقة عشان ميجبرونيش عليه دلوقتي لانه لو كنت عارضت كانوا هيعاندوا معايا .فهمت!
محمد بغضب ممزوج بحيرة : و لو جوزوكي يا ذكية؟!
قمر بعصبية : خلاص بقي امري لله متبقاش كده يا محمد ربنا هيحلها يا سيدي!
محمد بهدوء : انا خايف عليكي.
قمر : وانا مأنكرتش يا محمد بس طريقتك بتتعِب بتخليني احس بالذنب و احساس الذنب يلاحقني و هو اوحش احساس!! رغم اني صح تماماً و لو كنت مكاني كنت هتعمل كده يا محمد و ابصملك بالعشرة كنت هتعمل كده!!
محمد : خلاص يا ستي اهدي فهمتك و انا معاكي بس يا خوفي لو سافرت و سيبتك
قمر : انا ربنا معايا يا محمد و مبعتمدش علي حد عشان الظروف غدارة! شوف حالك و ملكش دعوة بيا اعتبرني مش موجودة. صح نوال ! ايه اخباركوا؟
محمد : هربت من اهلها و ودتها عند بيت فادي .
قمر بصدمة : انت بتهزر يا محمد؟!!!
محمد : اقصري صوتك لتفضحينا. بتكلم جد علي فكرة
قمر : يعني مقعدها ببيت صاحبك الي هتتجوزها مقعدها ببيت صاحبك!!
محمد : هو مش في البيت يا حمارة راح عند صاحبه
قمر باضطراب : بص انا مش متطمنه و اما حاجه مش برتاح ليها من الاول نهايتها بتكون غلط اقصر الشر و اجرلكوا شقة و اتجوزها و خلصنا!
محمد : انا مستني شوية عشان اخد تمليك يا قمر. و من حيث الجواز فانا عايز اتجوزها دلوقتي قبل بكرة بس اعمل ايه!
قمر : بص انا عندي فكرة. هي نوال بنت كويسة و كل حاجه تمام فهي محدش عاقل يقدر يرفضها!
محمد : انا اتوغوشت في ايه؟
قمر : اهدي مفيش حاجه. كل الحكاية انك هتقولهم هنا انك اتجوزتها بس انت متجوزتهاش تمام. و هتحطهم اودام الامر الواقع و لو رفضوا هقولهم يعني يرضيكوا يحصل كده ببنتكوا؟ و هيجوزهالك و هيكون الجواز عند المأذون بموافقتهم اهويبقي جوازك و الشُهدا علي الجواز اصحابك و بكده جوازك شرعي يا باشا!
محمد بابتسامه بلهاء متعجباً من تفكير اخته : يخربيييتك ايه ده !!ربنا يخليكي انا هقولها و نعمل كده فعلاً !
قمر. : انا كام محمد عندي !
عند رانيا *والدة نوال* خاصة ببيت صديقتها الارملة ايثار
رانيا : صباح الخير يا ايثار
ايثار بسعادة : ياما كان نفسي حد يعيش معايا بالبيت ده يارب مجيتك ليه تكون خير عليه
راينا بفرح : ان شاء الله
ايثار : مكملتليش بقي و بنتك هتعمل ايه؟ انا سبتك ترتاحي اهو اتكلمي!
رانيا : نزلت من البيت و معرفلهاش حاجه يستي لحد دلوقتي!
ايثار : مدورتيش عليها.؟
رانيا : لا انا واثقة فيها وفي محمد و انا كنت موافقة علي جوازتهم ف خلاص
ايثار بدهشة : بتهزري مدورتيش علي بنتك!!
رانيا : منا متطمنه عليها اه صحيح قلقانة بس لحد امتا هفضل خايفة يا ايثار! لحد امتا مش هعرف اعيش حياتي بسبب الخوف؟ اياً كان نوع الخوف يا خايفة اني افقد حد فبحسس عليه و براعي كلامي و براجعه بدل المرة الف عشان مخسرهوش يا خايفة علي بنتي و مستقبلها و مصدقت حد واثقة فيه هياخدها و هرتاح من خوفي عليها من ابوها و..
ايثار : معلش خايفة عليها من ابوها /:
رانيا : مهوو بصي هفهمك حاجه محدش يعرفها و لا حتي نوال و ياريت محدش يعرفها يا ايثار الله يكرمك!
ايثار بقلق و حيرة : في ايه وقعتي قلبي!!
أنت تقرأ
يوميات قمر
Romanceواقع الخيال مع عطره العجيب لاضافة نكهة ملذذة -لاستثارة دهشتك -كان سبباً في انشاء قمر . و كأنها اخطأت حينما وُلِدت قوية في زمن الضعفاء! كأن خطأها انها وُلِدت.. قمر!!!
